ହାଇଦ୍ରାବାଦ:ଲୋକପ୍ରିୟ ମେସେଜିଂ ପ୍ଲାଟଫର୍ମ ହ୍ବାଟ୍ସଆପ ହେଉଛି ଏଣ୍ଡ-ଟୁ-ଏଣ୍ଡ ଏନକ୍ରିପସନ ସିକ୍ୟୁଅର ଆପ୍ । ଏଥିରେ ଲଗ୍ ଇନ୍ କରିବା ଲାଗି ଆପଣଙ୍କୁ ଏକ ମୋବାଇଲ ନମ୍ବରର ଆବଶ୍ୟକତା ପଡ଼ିଥାଏ । ୟୁଜର୍ସ ଯେତେବେଳେ ଏହି ଆପ୍ ଇନଷ୍ଟଲ୍ କରିଥାନ୍ତି, ସେତେବେଳେ ତାଙ୍କୁ ନିଜ ମୋବାଇଲ ନମ୍ବରର ପ୍ରମାଣ ଦେବାକୁ ପଡ଼େ । ହେଲେ କିଛି ଲୋକ ନିଜ ମୋବାଇଲ ନମ୍ବରକୁ ଅଧିକ ଲୋକଙ୍କ ସହିତ ସେୟାର କରିବାକୁ ଚାହାନ୍ତି ନାହିଁ । ଯଦି ଆପଣ କାହା ସହିତ ମୋବାଇଲ ନମ୍ବର ବ୍ୟବହାର କରିବାକୁ ଚାହୁଁନାହାନ୍ତି, ତେବେ ଏହା ଆପଣ କରିପାରିବେ । ବିନା ମୋବାଇଲ ନମ୍ବରରେ ଆପଣ ହ୍ବାଟ୍ସଆପ ଚଲାଇପାରିବେ ।
ବିନା ନମ୍ବରରେ ହ୍ବାଟ୍ସଆପ୍ ଚାଟିଂ:-
ଯଦି ଆମେ ଆପଣଙ୍କୁ କହିବୁ, ବିନା ମୋବାଇଲ ନମ୍ବରରେ ଆପଣ ହ୍ବାଟ୍ସଆପ ଚଲାଇପାରିବେ । ଏପରି ହୋଇପାରିବ । ଆପଣ ନିଜ ମୋବାଇଲ ନମ୍ବର ବିନା ଅନ୍ୟ ଜଣେ ୟୁଜର୍ ବା ବନ୍ଧୁଙ୍କ ସହିତ ଚାଟିଂ ଆଦି କରିପାରିବେ । ବିଶେଷ ଭାବେ ଏସଏମଏସ ଡେଲିଭରି ବା ଲଗ୍ ଇନ୍ରେ ଜଟିଳତ ଆଦି କାରଣରୁ ଏହି ସୁବିଧା ପ୍ରାଥମିକ ଭାବେ iphone ୟୁଜର୍ସଙ୍କ ଲାଗି ଦିଆଯଆଇଛି ।
Android ଧାରୀ କଣ କରିବେ ?
ଆଣ୍ଡ୍ରଏଡ ମୋବାଇଲରେ ଏହି ଫିଚରର ଉପଯୋଗ କରିବାକୁ ଚାହୁଁଥିଲେ, ଉପଭୋକ୍ତାମାନଙ୍କୁ Google Play Store ମାଧ୍ୟମରେ ହ୍ବାଟ୍ସଆପ୍ ବିଟା ପ୍ରୋଗ୍ରାମରେ ନିଜର ନାମାଙ୍କନ କରିବାକୁ ହେବ । ହ୍ବାଟ୍ସଆପ ସର୍ଚ୍ଚ କରନ୍ତୁ, ଲିଷ୍ଟିଂକୁ ଯାଆନ୍ତୁ ଓ ବିଟା ଟେଷ୍ଟର ପ୍ରୋଗ୍ରାମରେ ସାମିଲ ହୁଅନ୍ତୁ । ଏହାପରେ ନିଜ ମୋବାଇଲରେ ହ୍ବାଟ୍ସଆପ୍ ଇନଷ୍ଟଲ କରନ୍ତୁ । ଏହାପରେ ନିଜ ଇ-ମେଲକୁ ନିଜ ହ୍ବାଟ୍ସଆପ୍ ଆକାଉଣଅ୍ଟରେ ଲିଙ୍କ କରନ୍ତୁ । ନିମ୍ନରେ ଦିଆଯାଇଥିବା ଷ୍ଟେପକୁ ଅନୁସରଣ କରନ୍ତୁ:-
- ନିଜ ଡିଭାଇସରେ ହ୍ବାଟ୍ସଆପ୍ ଆପ୍ଲିକେସନ ଖୋଲନ୍ତୁ
- ଡାହାଣ ଉପର ପାର୍ଶ୍ବରେ 3ଟି ବିନ୍ଦୁ ଉପରେ ଟ୍ୟାପ କରନ୍ତୁ ଓ ସେଟିଂ ମେନ୍ୟୁକୁ ଚୟନ କରନ୍ତୁ
- ସେଟିଂ ମେନ୍ୟୁରେ 'ଆକାଉଣ୍ଟ' ଅପସନକୁ ଚୟନ କରନ୍ତୁ
- ଆକାଉଣ୍ଟ ଅପସନ ଅନ୍ତର୍ଗତ 'ଇମେଲ ଆଡ୍ରେସ' ଅପସନକୁ ଚୟନ କରନ୍ତୁ
- ଏହାପରେ ଆପଣ ନିଜର ଯେକୌଣସି ଇମେଲ ଆଡ୍ରେସ ଦିଅନ୍ତୁ
- ଆପଣଙ୍କ ଦ୍ବାରା ଦିଆଯାଇଥିବା ଇମେଲ୍ରେ ୱାନ ଟାଇମ ପାସୱର୍ଟ (OTP) ପ୍ରାପ୍ତ ହେବ
- ଇମେଲ ଆଡ୍ରେସକୁ ହ୍ବାଟ୍ସଆପରେ ଲିଙ୍କ କରିବା ଲାଗି ନିର୍ଦ୍ଦିଷ୍ଟ ସ୍ଥାନରେ ଓଟିପି ଦିଅନ୍ତୁ
ଉପରୋକ୍ତ ଷ୍ଟେପଗୁଡ଼ିକ ଫଲୋ କରିବା ଦ୍ବାରା ଆପଣଙ୍କ ଦ୍ବାରା ଦିଆଯାଇଥିବା ଇମେଲ ଆଡ୍ରେସ ହ୍ବାଟ୍ସଆପ ଖାତାରେ ସଫଳତାପୂର୍ବକ ଲିଙ୍କ ହୋଇଯିବ । ଏହାଦ୍ବାରା ଆପ୍ର କାର୍ଯ୍ୟକ୍ଷମତା ଓ ସୁରକ୍ଷା ବଢିଯିବ ।
ଏହା ବି ପଢନ୍ତୁ- ହ୍ବାଟ୍ସଆପ୍ରେ ମେସେଜ ପଠାଇଲେ କାହିଁକି ଦିଶେ ଘଡ଼ି ଚିହ୍ନ; ଜାଣିନାହାନ୍ତି 90% ୟୁଜର୍ସ
