ହାଇଦ୍ରାବାଦ: ଦେଶର ସବୁଠୁ ଲୋକପ୍ରିୟ ନାଭିଗେସନ ଆପ୍ ହେଉଛି ଗୁଗୁଲ୍ ମ୍ୟାପ୍ସ । ଏହି ଆପ୍ ସାହାଯ୍ୟରେ ଆଜିର ଯୁବପିଢି ଯେକୌଣସି ଅଜଣା ସ୍ଥାନକୁ ନିର୍ଦ୍ବନ୍ଦ୍ବରେ ଯାଇପାରୁଛନ୍ତି । କାରଣ ଉକ୍ତ ସ୍ଥାନକୁ ବାଟ ଦେଖାଉଛି ଗୁଗଲ ଆପ୍ । ତେବେ ନିଜ ଯୁଜରଙ୍କୁ ନୂଆ ନୂଆ ସୁବିଧା ପ୍ରଦାନ କରିବା ଲାଗି ସବୁବେଳେ ଚେଷ୍ଟିତ ଏହି ଆପ୍ । ନିକଟରେ ଆପ୍ ଟାଇମ୍ ମେସିନ୍ ନାମକ ଏକ ଅତ୍ୟନ୍ତ ରୋମାଞ୍ଚକର ଫିଚର ଆଣିଛି । ଏହି ଫିଚରର ସାହାଯ୍ୟରେ ଆପଣ ଯେକୌଣସି ସ୍ଥାନର ପୁରୁଣା ଫଟୋଗ୍ରାଫ୍ ଦେଖିପାରିବେ । ସତେ ଯେପରି ଆପଣ ସେହି ସମୟକୁ ଫେରିଯାଉଛନ୍ତି ଏବଂ ସେହି ସ୍ଥାନଟି ପୂର୍ବପରି ଦେଖୁଛନ୍ତି ।
ଦେଖିପାରିବେ ପୁରୁଣା କାଳର ଫଟୋ:-
ଗୁଗୁଲ୍ ମ୍ୟାପ୍ସ ଟାଇମ୍ ମେସିନ୍ ନାମକ ଏକ ଅତ୍ୟନ୍ତ ରୋମାଞ୍ଚକର ଫିଚର ଆଣିଛି । ଏହି ଫିଚର ସାହାଯ୍ୟରେ ଆପଣ ଯେକୌଣସି ସ୍ଥାନର ପୁରୁଣା ଫଟୋଗ୍ରାଫ୍ ଦେଖିପାରିବେ । ସତେ ଯେପରି ଆପଣ ସେହି ସମୟକୁ ଫେରିଯାଇଥିବା ମନେ ହେବ ଏବଂ ସେହି ସ୍ଥାନଟି ପୂର୍ବ ସମୟରେ କେମିତି ଥିଲା ତାହା ଦେଖିପାରିବେ । ଏହି ଫିଚର ସାହାଯ୍ୟରେ ଉପଭୋକ୍ତା ପୂର୍ବ ସମୟକୁ ଫେରିଯାଇ ତାଙ୍କ ଚାରିପାଖରେ ଥିବା ଜିନିଷଗୁଡ଼ିକୁ ପୁରୁଣା ରୂପରେ ଦେଖିପାରିବେ । ଏହି ଫିଚର ଏତେ ଲାଭଦାୟକ ଯେ ଉପଭୋକ୍ତା ଏପରିକି ତାଙ୍କର ପୂର୍ବ ପୁରୁଷଙ୍କ ସମୟର ଫଟୋ ଦେଖିପାରିବେ । ସେତେବେଳେ ଏକ ସ୍ଥାନ କିପରି ଦେଖାଯାଉଥିଲା ତାହା ଗୁଗଲ ମ୍ୟାପ୍ ଦେଖାଇବ ।
କେମିତି କାମ କରେ ଏହି ଫିଚର ?
ଗୁଗୁଲ୍ ମ୍ୟାପ୍ ଅନେକ ବର୍ଷ ଧରି ସାରା ବିଶ୍ବରୁ ସାଟେଲାଇଟ୍ ଫଟୋ ଉଠାଇଛି । ଏହି ଫିଚରରେ ଉକ୍ତ ଫଟୋଗୁଡ଼ିକୁ ଏକତ୍ର କରି ଏକ ପ୍ରକାର ଭିଡିଓ ସୃଷ୍ଟି କରାଯାଇଛି । ଯେତେବେଳେ ଆପଣ କୌଣସି ସ୍ଥାନକୁ ଯାଆନ୍ତି ଉକ୍ତ ସ୍ଥାନର ପୁରୁଣା ଫଟୋ ଦେଖିପାରିବେ । ସମୟ ସହିତ ସ୍ଥାନଟି କିପରି ବଦଳିଛି ଏହି ଫଟୋଗୁଡ଼ିକ ଆପଣଙ୍କୁ ବୁଝାଇବାରେ ସାହାଯ୍ୟ କରିବ । ଗୁଗଲ ଅନୁଯାୟୀ କିଛି ଏରିଅଲ୍ ଏବଂ ସାଟେଲାଇଟ୍ ଫଟୋ 80 ବର୍ଷ ପୁରୁଣାର ମଧ୍ୟ ରହିଛି ।
