ASOଙ୍କୁ ରାଜ୍ୟପାଳଙ୍କ ପୁଅ ମାଡ଼ ମାରିବା ଘଟଣା; ଗର୍ଜିଲା ଯୁବ କଂଗ୍ରେସ

ଓଡ଼ିଆ ASOଙ୍କୁ ରାଜ୍ୟପାଳଙ୍କ ପୁଅ ମାଡ଼ ମାରିବା ଘଟଣାକୁ ପ୍ରସଙ୍ଗ କରି ରାଜରାସ୍ତାକୁ ଓହ୍ଲାଇଛି ଦଳ । ଗିରଫ ଦାବିରେ ରାଜଭବନ ଘେରାଉ ।

ଭୁବନେଶ୍ବର: ଓଡ଼ିଆଙ୍କ ସୁରକ୍ଷା ପାଇଁ ଅଣ୍ଟା ଭିଡ଼ିଲା କଂଗ୍ରେସ । ରାଜଧାନୀରେ ଗର୍ଜିଲା ଯୁବ କଂଗ୍ରେସ । ଦୀର୍ଘଦିନର ବ୍ୟବଧାନ ପରେ ପୁଣି ଫେରିଲା ଓଡ଼ିଆ ଅସ୍ମିତାର କଥା । ଓଡ଼ିଆ ଅସ୍ମିତାର ସୁରକ୍ଷା ଦାବି କରି ଯୁବ କଂଗ୍ରେସ ପକ୍ଷରୁ ରାଜଭବନ ଘେରାଓ । ପୁରୀରେ ଓଡ଼ିଆ ASOଙ୍କୁ ରାଜ୍ୟପାଳଙ୍କ ପୁଅ ମାଡ଼ ମାରିବା ଘଟଣାକୁ ପ୍ରସଙ୍ଗ କରି ରାଜରାସ୍ତାକୁ ଓହ୍ଲାଇଛି ଦଳ । ଭୁବନେଶ୍ୱରରେ ରାଜ୍ୟପାଳଙ୍କ ପୁଅକୁ ଗିରଫ ଦାବିରେ ଯୁବ କଂଗ୍ରେସର କର୍ମୀ ଓ ନେତା ବିକ୍ଷୋଭ ସହ ରାଜଭବନ ଘେରାଓ ।

କଂଗ୍ରେସର ରାଜଭବନ ଘେରାଓ:

ରାଜ୍ୟପାଳ ପୁଅଙ୍କ ଉପରେ କାର୍ଯ୍ୟାନୁଷ୍ଠାନ ଦାବିରେ ଯୁବ କଂଗ୍ରେସ ପକ୍ଷରୁ ରାଜଭବନ ଘେରାଉ କରାଯାଇଛି । ଜଣେ ଓଡ଼ିଆ ପୁଅଙ୍କୁ ରାଜ୍ୟପାଳଙ୍କ ପୁଅ ମାଡ଼ ମାରିଲେ ହେଲେ ରାଜ୍ୟ ସରକାର କାହିଁକି ଚୁପ ବସିଛନ୍ତି ବୋଲି ପ୍ରଶ୍ନ କରିଛି ଦଳ । ସେହିପରି ସରକାର ଏପର୍ଯ୍ୟନ୍ତ କି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଏହା କ'ଣ ଓଡ଼ିଆ ଅସ୍ମିତା ବୋଲି ପ୍ରଶ୍ନ କରିଛି ଯୁବ କଂଗ୍ରେସ । ଓଡ଼ିଆ ପ୍ରୀତି କୁଆଡେ ଗଲା ? ଓଡ଼ିଆ ଅସ୍ମିତା କୁଆଡେ ଗଲା ? ସରକାର ତୁମେ ଜବାବ ଦିଅ,ରାଜ୍ୟପାଳଙ୍କ ପୁଅକୁ ଗିରଫ କରିବା ଆମର ଦାବି, ଏଭଳି ସ୍ଲୋଗାନ ଦେଇ ଆଜି ରାଜଭବନ ଘେରିଛି ଯୁବ କଂଗ୍ରେସ ।

ASOଙ୍କୁ ରାଜ୍ୟପାଳଙ୍କ ପୁଅ ମାଡ଼ ମାରିବା ଘଟଣା:

ODISHA YOUTH CONGRESS PROTEST (ETV Bharat Odisha)

ପୁରୀରେ ଓଡ଼ିଆ ASOଙ୍କୁ ରାଜ୍ୟପାଳଙ୍କ ପୁଅ ମାଡ଼ ମାରିବା ଘଟଣାକୁ ପୁଣି ପ୍ରସଙ୍ଗ କରି ରାଜ ରାସ୍ତାକୁ ଓହ୍ଲାଇଛି କଂଗ୍ରେସ । ଭୁବନେଶ୍ୱରରେ ରାଜ୍ୟପାଳଙ୍କ ପୁଅକୁ ଗିରଫ ଦାବିରେ ଯୁବ କଂଗ୍ରେସର କର୍ମକର୍ତ୍ତାମାନେ ବିକ୍ଷୋଭ ପ୍ରଦର୍ଶନ କରିଛନ୍ତି । ପୂର୍ବତନ ଯୁବ କଂଗ୍ରେସ ସଭାପତି ୟାସିର ନୱାଜ କହିଛନ୍ତି,"ଜଣେ ଓଡ଼ିଆ ପୁଅଙ୍କୁ ରାଜ୍ୟପାଳଙ୍କ ପୁଅ ମାଡ଼ ମାରିଲା ହେଲେ ରାଜ୍ୟ ସରକାର କାହିଁକି ଚୁପ ବସିଛନ୍ତି ? ସରକାର ଏପର୍ଯ୍ୟନ୍ତ କି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଏହା କ'ଣ ଓଡ଼ିଆ ଅସ୍ମିତା ? କାହା ଚାପରେ ଗିରଫ କଲେ ନାହିଁ । ଜିଲ୍ଲାପାଳଙ୍କ ଅନୁଧ୍ୟାନ କଥା କ'ଣ ହେଲା । "

'ରାଜ୍ୟପାଳ ନିଜ ପଦର ଅପବ୍ୟବହାର କରିଛନ୍ତି ':

ସେ ଆହୁରି ମଧ୍ୟ କହିଛନ୍ତି,"ଯଦି ରାଜ୍ୟପାଳଙ୍କ ପୁଅକୁ ଗିରଫ କରାନଯାଏ । ତେବେ ରାଜ୍ୟପାଳଙ୍କୁ ବିରୋଧ କରିବ ଯୁବ କଂଗ୍ରେସ । 3ମାସ ବିତିଗଲା,ରାଜ୍ୟପାଳଙ୍କ ପୁଅକୁ ଗିରଫ କରାଗଲା ନାହିଁ । ସାଧାରଣ ଲୋକ ସରକାରଙ୍କୁ ଆଉ ବିଶ୍ୱାସ କରୁନାହାନ୍ତି । ରାଜ୍ୟପାଳ ନିଜ ପଦର ଅପବ୍ୟବହାର କରିଛନ୍ତି । ସେଥିପାଇଁ ଯୁବ କଂଗ୍ରେସ ପକ୍ଷରୁ ପ୍ରତିବାଦ କରାଯାଉଛି। "

ଇଟିଭି ଭାରତ, ଭୁବନେଶ୍ବର