କଟକ:ସମ୍ପର୍କରେ ଲାଗିଲା କଳଙ୍କ । ବାପା ଟଙ୍କା ନହେବାରୁ ଘର ଭିତରେ ବନ୍ଦ ରଖି ମାଡମାରିଲା ପୁଅ । ଏଭଳି ଏକ ଅଭାବନୀୟ ଘଟଣା ଘଟିଛି କଟକ ଜିଲ୍ଲା ଚାଉଳିଆଗଞ୍ଜ ଥାନା ଅଞ୍ଚଳରେ । ତେବେ ଏନେଇ ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ବାପାଙ୍କୁ ଉଦ୍ଧାର କରିବା ସହ ଅଭିଯୁକ୍ତ ପୁଅକୁ ଗିରଫ କରି କୋର୍ଟ ଚାଲାଣ କରିଛନ୍ତି । ଅଭିଯୁକ୍ତ ନାଁରେ ବେଳେ ଅଭିଯୁକ୍ତ ଜଣକ ଦୁର୍ଦ୍ଦାନ୍ତ ଅପରାଧୀ ସତ୍ୟରଞ୍ଜନ ସାମଲ ହୋଇଥିବା ବେଳେ ତା ନାଁରେ ପୂର୍ବରୁ 10ରୁ ଅଧିକ ମାମଲା ରହିଛି ।
ପୋଲିସ ସୂଚନା ଅନୁଯାୟୀ, ଅଭିଯୋଗକାରୀ ସୁବାଷ ଚନ୍ଦ୍ର ସାମଲଙ୍କ ଅଭିଯୋଗକୁ ଭିତ୍ତି କରି ଚାଉଳିଆଗଞ୍ଜ ଥାନାରେ କେସ ନମ୍ବର 47ରେ ଆଇପିସି ଧାରା 294, 323, 387, 506 ଦଫାରେ ମାମଲା ରୁଜ୍ଜୁ କରାଯାଇଥିଲା । ଅଭିଯୋଗକାରୀ ତାଙ୍କ ପୁଅ ସତ୍ୟରଞ୍ଜନଙ୍କ ନାଁର ଅଭିଯୋଗ କରିଥିଲେ । ଅଭିଯୋଗ ଅନୁଯାୟୀ ତାଙ୍କ ପୁଅ ତାଙ୍କୁ 10 ଲକ୍ଷ ଟଙ୍କା ମାଗିଥିଲେ । ଟଙ୍କା ନଦେବାରୁ ତାଙ୍କୁ ମାରପିଟ କରିବା ସହ ଘର ଭିତରେ ଅଟକ ରଖି ତାଙ୍କୁ ନିର୍ଯାତନା ଦେଇଥିଲେ । ଏଭଳିକି ମୋବାଇଲ ଛଡାଇ ନେବାକୁ ମଧ୍ୟ ଉଦ୍ୟମ କରୁଥିଲେ । କୌଶଳକ୍ରମେ ସେ ଏନେଇ ସେ ଥାନାରେ ଜଣାଇବାରୁ ଥାନା ଅଧିକାରୀ ତୁରନ୍ତ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିବା ସହ ଅଭିଯୁକ୍ତକୁ ଗିରଫ କରିଛନ୍ତି ।
ଏହାମଧ୍ୟ ପଢନ୍ତୁ..ଗୁରୁ ଶିଷ୍ୟ ସମ୍ପର୍କରେ କଳଙ୍କ, ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗରେ ଟିଉସନ ସାର୍ ଗିରଫ