ନିଆଳି: ପୁରୀରୁ ରଥଯାତ୍ରା ଦେଖି ଫେରୁଥିବା ସମୟରେ କାର ଦୁର୍ଘଟଣା ଗସ୍ତ। କେହି ମୁତାହତ ହୋଇନଥିଲେ ସୁଦ୍ଧା ୮ ଜଣ ଆହତ ହୋଇଥିବା ବେଳେ ଜଣେ ଗୁରୁତର ହୋଇଥିବା ନେଇ ସୂଚନା ମିଳିଛି । ଦୁର୍ଘଟଣାଟି ନିମାପଡା ଥାନା ଭାଟ ବନ୍ଧ ନିକଟରେ ଘଟିଥିବା ବେଳେ ସମସ୍ତ ଆହତଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ଅଠାନ୍ତରରୁ ୨ଟି ଗାଡିରେ ପ୍ରାୟ ୨୦ଜଣ ବ୍ୟକ୍ତି ଜଗନ୍ନାଥଙ୍କ ଦର୍ଶନ କରିବାକୁ ପୁରି ଯାଇଥିଲେ । ଆଜି ଭୋରୁ ଦର୍ଶନ ସାରି ଘରକୁ ଫେରିବା ବେଳେ ନିମାପଡା ଥାନା ଭାଟ ବନ୍ଧ ନିକଟରେ ଗୋଟିଏ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା । ସମସ୍ତ ଯାତ୍ରୀ ଗାଡି ଭିତରେ ଚାପି ହୋଇ ଯାଇଥିଲେ । ପ୍ରାୟ ୮ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ ଗୁରୁତର ଥିବା ଜଣାପଡିଛି । ପଛରେ ଆସୁଥିବା ଅନ୍ୟଏକ ଗାଡି ରେ ସମସ୍ତ ଆହତଙ୍କୁ ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଗୁରୁତରଙ୍କୁ କ୍ୟାପିଟାଲ ହସ୍ପିଟାଲ ପଠାଇ ଦିଆଯାଇଛି ।
୮ ଜଣ ଆହତଙ୍କ ମଧ୍ୟରେ ଜଣେ ଗୁରୁତର ହୋଇଛନ୍ତି । ଗୁରୁତର ମହିଳାଙ୍କୁ କ୍ୟାପିଟାଲ ହସ୍ପିଟାଲ ପଠାଇ ଦିଆଯାଇଛି । ଗୁରୁତର ଜଣକ ଛବି ଲତା ବାରିକ ବୟସ ୫୬ ହୋଇଥିବା ବେଳେ ତାଙ୍କ ମୁଣ୍ଡ, ମୁହଁ, ହାତ , କାନ୍ଧ , ପିଠିରେ ଆଘାତ ଲାଗିଛି । ଆହତମାନେ ହେଲେ ସୁଷମା ବେହେରା, ମମତା ବେହେରା, ଶ୍ୟାମ ସୁନ୍ଦର ବେହେରା, ପ୍ରଭାତି ଚିନାରା, ଟୁନା ସାହୁ, ଲକ୍ଷ୍ମୀପ୍ରିୟା ବାରିକ, ଲକ୍ଷ୍ମୀ ବେହେରା, ଝାନସୀ ବାରିକ। ଆହତଙ୍କ ମଧ୍ୟରେ ଅଧିକ ବୟସ୍କ ବ୍ୟକ୍ତି ରହିଛନ୍ତି ।