ନିମାପଡ଼ା: ରାଜ୍ୟ ସରକାର କୋମଳମତି ଶିଶୁ, ଗର୍ଭବତୀ ଓ ପ୍ରସୂତି ମହିଳାଙ୍କ ଅପପୃଷ୍ଟି ଦୂର ସହିତ ସୁଷମ ଖାଦ୍ୟ ଯୋଗାଇ ଦେବା ଉଦ୍ଦେଶ୍ୟରେ ଛତୁଆ ଅଣ୍ଡା ବୁଟ ଆଦି ଅଙ୍ଗନବାଡ଼ି କର୍ମୀଙ୍କ ଦ୍ଵାରା ଯୋଗାଇ ଦେଉଛନ୍ତି । ତେବେ ପୁରୀ ଜିଲ୍ଲା ଗୋପ ବ୍ଲକରେ ସରକାରଙ୍କ ପକ୍ଷରୁ ମାଗଣାରେ ଯୋଗାଇ ଦିଆଯାଉଥିବା ଛତୁଆ, ଲୋକଙ୍କ ବିଶ୍ୱାସ ଭରସା ତୁଟାଉଛି ବୋଲି ଅଭିଯୋଗ ହୋଇଛି । ଗୋଟିଏ ପ୍ୟାକେଟ ଛତୁଆରୁ ପ୍ରଚୁର ପରିମାଣର ଚୋକଡ ଭଳି ଦାନା ବାହାରୁଥିଛି । ଯାହା କି କୋମଳ ମତି ଶିଶୁ ଗର୍ଭବତୀ ମହିଳାଙ୍କ ଶରୀର ପାଇଁ ଏହି ଛତୁଆ ବିପଦ ସୃଷ୍ଟି କରିପାରେ ବୋଲି ଗୋପ ବ୍ଲକ ଅନ୍ତର୍ଗତ ଦେସ୍ଥଳୀ ଗ୍ରାମ ପଞ୍ଚାୟତର ପିଣ୍ଡୋଳ ଗ୍ରାମବାସୀ ଅଭିଯୋଗ କରିଛନ୍ତି ।
ଛତୁଆରୁ ଚୋପଡ଼ ବାହାରୁଥିବା ଅଭିଯୋଗ:
ପୁରୀ ଜିଲ୍ଲା ଗୋପ ବ୍ଲକରେ ପ୍ରକଳ୍ପ ସ୍ତରୀୟ ମହାସଂଘ ଛତୁଆ ପ୍ରସ୍ତୁତିର ଦାୟିତ୍ଵ ନେଇଛି । ପ୍ରତି ମାସରେ ତିଆରି ହେଉଥିବା ଛତୁଆ ଗୋପ ବ୍ଲକ ଅଞ୍ଚଳରେ ଥିବା ୨୮୭ଟି ଅଙ୍ଗନବାଡ଼ି କେନ୍ଦ୍ରରେ ୪ ହଜାର ୭୨୭ ଶିଶୁ ଥିବାବେଳେ ଗର୍ଭବତୀ ଓ ପ୍ରସୂତି ୧ ହଜାର ୬୫୪ ଜଣଙ୍କୁ ଛତୁଆ ଯୋଗାଇ ଦିଆଯାଉଛି । ଅଙ୍ଗନବାଡ଼ି କର୍ମୀମାନେ କୋମଳ ମତି ଶିଶୁ ଗର୍ଭବତୀ ମହିଳାମାନଙ୍କୁ ଖାଇବା ପାଇଁ ଛତୁଆ ବଣ୍ଟନ କରିଥାନ୍ତି । ତେବେ ଯୋଗାଇ ଦିଆଯାଉଥିବା ଛତୁଆ ଖାଇବା ପାଇଁ ଉପଯୋଗୀ ନୁହେଁ ବୋଲି ଅଭିଯୋଗ କରିଛନ୍ତି ଅଭିଭାବକ । କିଛି ଅଭିଭାବକ ଛତୁଆକୁ ଚଲେଇବା ପରେ ସେଥିରେ ପ୍ରଚୁର ପରିମାଣର ଚୋକଡ ଭଳି ଦାନା ବାହାରୁଥିବା ଅଭିଯୋଗ ଆଣିଛନ୍ତି । ଏ ସମ୍ପର୍କରେ ଅଭିଭାବକମାନେ ଅଙ୍ଗନବାଡ଼ି କର୍ମୀଙ୍କୁ ପଚାରିବାରେ ଯାହା ସେମାନଙ୍କୁ ବାଣ୍ଟିବା ପାଇଁ ଦିଆଯାଉଛି ସେମାନେ ତାହା ଦେଉଛନ୍ତି ବୋଲି ଅଙ୍ଗନବାଡ଼ି କର୍ମୀ କହିଛନ୍ତି ।
'ଖାଇବା ଯୋଗ୍ୟ ନୁହେଁ ଛତୁଆ':
ଅଭିଯୋଗକାରୀ ପବିତ୍ର ମୋହନ ରଥ କହିଛନ୍ତି, "ଏ ଛତୁଆ ନିମ୍ନମାନର । ଏହା ଖାଇବା ଉପଯୋଗୀ ନୁହେଁ । ପୃଷ୍ଟିକର ଖାଦ୍ୟ ନାଁରେ ଅପୃଷ୍ଟିକର ଖାଦ୍ୟ ଯୋଗାଇ ଦିଆଯାଉଛି । ଏ ଛତୁଆ ଖାଇଲେ ଉନ୍ନତି ହେବା ପରିବର୍ତ୍ତା ସ୍ବାସ୍ଥ୍ୟ ଖରାପ ହେବ । ତୁରନ୍ତ ଏହାର ତଦନ୍ତ କରାଯାଇ ଛତୁଆ କମ୍ପନୀକୁ ବନ୍ଦ କରାଯାଉ । ନଚେତ ଭଲ ମାନର ଛତୁଆ ଯୋଗାଇ ଦିଆଯାଉ ।" ସେହିପରି ଅଭିଭାବକ ବୀଣାପାଣି ମିଶ୍ର କହିଛନ୍ତି,"ଛତୁଆ ଚଲାଇବାରୁ ସେଥିରୁ ଅଧା ଚୋକଡ଼ ବାହାରୁଛି । ଏହା ଖାଇବା ଯୋଗ୍ୟ ନୁହେଁ । ଏ ଛତୁଆ ଖାଇଲେ ଦେହ ଖରାପ ହେବ । ସରକାର ଭଲ ଛତୁଆ ଦିଅନ୍ତୁ ନଚେତ ଛତୁଆ ଦେବା ବନ୍ଦ କରିଦିଅନ୍ତୁ ।"
ଅଭିଯୋଗ ମିଥ୍ୟା: