ଭୁବନେଶ୍ବର: ରାଜଧାନୀର ରାଜରାସ୍ତାରେ ହେଲା ସରସ୍ବତୀ ପୂଜା । ଆଜି ବିଦ୍ୟାଦାତ୍ରୀଙ୍କୁ ପୂଜା କଲେ ଧାରଣାରତ ଓଡିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ । ଲୋୟର ପିଏମଜିରେ ଶିକ୍ଷକ ମାନଙ୍କ ଧାରଣାକୁ ପୁରିଛି 8 ଦିନ । ସେମାନଙ୍କ ଦାବି ସମୂହ ପୁରଣ ପାଇଁ ସରକାରଙ୍କୁ ସଦବୁଦ୍ଧି ପ୍ରଦାନ ପାଇଁ ବିଦ୍ୟାଦାତ୍ରୀଙ୍କ ନିକଟରେ ଆରାଧନା କରିଥିବା ସଂଘ ସମ୍ପାଦକ କହିଛନ୍ତି । ଆଜି ଭଳି ଦିନରେ ସ୍କୁଲ ପରିସର ଫାଙ୍କା ପଡିଥିବ ବୋଲି କହି ନିଜ ଉଦବେଗ ପ୍ରକାଶ କରିଛନ୍ତି ଶିକ୍ଷକ ।
ଗାନ୍ଧୀ ମାର୍ଗରେ ସ୍ୱରସ୍ୱତୀଙ୍କୁ ଆରଧନା କଲେ ଧାରଣାରତ ଓଡିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ । ମା' ସରସ୍ବତୀଙ୍କ ଆରଧନାରେ ଲୋୟର ପିଏମଜିରେ ଭକ୍ତିମୟ ପରିବେଶ ସୃଷ୍ଟି ହୋଇଥିବା ହେଖିବାକୁ ମିଳିଛି । ସୂଚନା ଅନୁଯାୟୀ, ଗତ ଫେବୃଆରୀ 9 ତାରିଖ ଠାରୁ ବିଭିନ୍ନ ଦାବି ନେଇ ଆନ୍ଦୋଳନକୁ ଓହ୍ଲାଇଲା ଓଷ୍ଟା । ଆଜିକୁ 8 ଦିନ ପୁରଣ ହୋଇଥିଲେ ମଧ୍ୟ ସରକାର ତାଙ୍କ ସମସ୍ୟା ଉପରେ ଦୃଷ୍ଟି ଆରୋପ କରୁ ନଥିବା ଅଭିଯୋଗ ଆସିଛି । ୩୦ ବର୍ଷରୁ ଊର୍ଦ୍ଧ୍ବ ନିରବଚ୍ଛିନ୍ନ ଭାବରେ ଚାକିରି କଲାପରେ ଶୂନ୍ୟହସ୍ତରେ ଅବସର ନେବା ଓ ୨୦ରୁ ୨୫ ବର୍ଷ ବିନା ଅନୁଦାନରେ ଚାକିରି କରିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ସଂଘ ପକ୍ଷରୁ କୁହାଯାଇଛି ।
ତେବେ ଏନେଇ ସଂଘର ସାଧାରଣ ସଭାପତି ରଞ୍ଜନ କୁମାର ଦାସ କହିଛନ୍ତି ‘‘ ଆଜକୁ 8 ଦିନ ଧରି ଓଡ଼ିଶାର ହଜାର ହଜାର ଶିକ୍ଷକ ଶିକ୍ଷୟତ୍ରୀ ନିଜ ଦାବି ପୂରଣ ପାଇଁ ଏହି ଗାନ୍ଧୀ ମାର୍ଗରେ ଅହରହ ଧାରଣା କରୁଛନ୍ତି । ଆଜି ଶ୍ରୀପଞ୍ଚମୀରେ ବିଦ୍ୟାଳୟରେ ପିଲାଙ୍କ ସହ ଆନନ୍ଦରେ ମା‘ଙ୍କ ପୂଜା କରିବା ପରିବର୍ତ୍ତେ ଏଠାରେ ପୂଜା କରୁଛୁ ।’’