ନୂଆପଡା: ସୁରକ୍ଷାକର୍ମୀଙ୍କୁ ସଫଳତା ଠାବ ହେଲା ମାଓକ୍ୟାମ୍ପ । କମ୍ବିଂ ଅପରେସନ ବେଳେ ସୁନାବେଡା ଅଭୟାରଣ୍ୟ ଶିବନାରାୟନପୁର ଗାଁ ନିକଟସ୍ଥ ଜଙ୍ଗଲରେ ମାଓକେମ୍ପ ଠାବ । ବିପୁଳ ପରିମାଣର ମାଓ ସାମଗ୍ରୀ ଜବତ ।ଗତ ଦୁଇଦିନ ପୂର୍ବେ ନୂଆପଡା ଜିଲ୍ଲା ସୁନାବେଡା ଅଭୟାରଣ୍ୟ ଶିବନାରାୟଣପୁର ଗାଁ ନିକଟସ୍ଥ ସଂରକ୍ଷିତ ଜଙ୍ଗଲରେ SOG ଯବାନ ଓ ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିଲା । ଯେଉଁଥିରେ ଜଣେ ଯବାନଙ୍କ ବେକରେ ଗୁଳି ଲାଗିଲା । ଏହାପରେ SOG, DVF ଏବଂ CRPF ଯବାନ ମାଓବାଦୀଙ୍କୁ କଡ଼ା ଜବାବ ଦେଇଥିଲେ ।
ସୂଚନା ଯୋଗ୍ୟ, ସୁନାବେଡା ଅଭୟାରଣ୍ୟର ଶିବନାରାୟଣପୁର ଗାଁ ନିକଟସ୍ଥ ଜଙ୍ଗଲରେ ଆଣ୍ଟି ନକ୍ସଲ ଅପରେସନକୁ ଜୋରଦାର କରାଯାଇଥିଲା । ଅପରେଶନ ବେଳେ ଗୋଟିଏ ସ୍ଥାନରେ 20 ରୁ 24 ଜଣ ମାଓବାଦୀ ଏକାଠି ରହିଥିବା ଯବାନଙ୍କୁ ସୂଚନା ମିଳିଥିଲା । ପରେ ଜଙ୍ଗଲର ଚାରି ପଟେ ଘେରିଯାଇ କମ୍ବିଂ ଅପରେସନ ଆରମ୍ଭ କରିଥିଲେ ଯବାନ । ଫଳରେ ମାଓବାଦୀ ମାନେ କୌଣସି ଉପାୟ ନ ପାଇ ଜୀବନ ପଞ୍ଚାଇବା ପାଇଁ କ୍ୟାମ୍ପ ଛାଡି ଖସି ଚାଲି ଯାଇଥିଲେ । ପରେ ମାଓକ୍ୟାମ୍ପକୁ ଯବାନ ଦଖଲ କରି 42 ପ୍ରକାର ମାଓ ସାମଗ୍ରୀ ଜବତ କରିବାରେ ସଫଳ ହୋଇଛି ଯବାନ ।
ଯେଉଁଥିରେ ନଗଦ 4 ଲକ୍ଷ 200 ଟଙ୍କା ସହିତ 4 ଗୋଟି ଜୀବନ୍ତ ଗୁଳି, ଦେଶୀ ପିସ୍ତଲ, ରେଡ଼ିଓ, ବ୍ୟାଟେରୀ, ଶୋଳାର ଲାଇଟ ପ୍ଲେଟ, ପ୍ଲାଷ୍ଟିକ ରଶି, ମାଓ ପୋଷାକ, ଔଷଧ ଆଦି ବିଭିନ୍ନ ପ୍ରକାରର ମାଓସାମଗ୍ରୀ ପ୍ରଚୁର ପରିମାଣର ଜବତ କରିଛି କରିଥିଲେ ସୁରକ୍ଷା କର୍ମୀ ।ଏନେଇ ନୂଆପଡା ଆରକ୍ଷୀ ଅଧିକ୍ଷକ ଜି.ରାଘବେନ୍ଦ୍ର ରେଡି ସୂଚନା ପ୍ରଦାନ କରିଛନ୍ତି । ତେବେ ବର୍ତ୍ତମାନ ମଧ୍ୟ ସେହି ଅଞ୍ଚଳରେ ଆଣ୍ଟି ନକ୍ସଲ ଅପରେସନକୁ ଜୋରଦାର କରାଯାଇଛି ।