ଭୁବନେଶ୍ବର:ପୁଣି ଓଡି଼ଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହ । ଆସନ୍ତା 28 ଶାହଙ୍କ ଗସ୍ତ ଥିବାବେଳେ 29ରେ ଆସୁଛନ୍ତି ମୋଦି । ସୂଚନା ଅନୁସାରେ, 29 ତାରିଖରେ ରାଜ୍ୟରେ 3ଟି ନିର୍ବାଚନୀ ସଭା କରିବେ ଶାହ । ପ୍ରଥମେ ଦିନ 10 ଟାରେ ଚାନ୍ଦବାଲି ପରେ କୋରେଇ ତା'ପରେ ନିମାପଡ଼ାରେ ସଭା କରିବେ । ସେହିପରି 29ରେ ପ୍ରଧାନମନ୍ତ୍ରୀ ଦିନିକିଆ ଗସ୍ତରେ ଆସି ବାରିପଦା ଛଉ ପଡି଼ଆରେ 12ଟା ବେଳେ ବିଶାଳ ଜନସଭାରେ ଉଦବୋଧନ ଦେବେ ମୋଦି । ପରେ ବାଲେଶ୍ବର ଏବଂ 3 ଟା 30ରେ କେନ୍ଦ୍ରାପଡ଼ାରେ ଜନସଭା କରିବେ ପ୍ରଧାନମନ୍ତ୍ରୀ । ଏହାସହ 27ରେ ପୁଣି ଓଡି଼ଶା ଆସୁଛନ୍ତି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ।
27ରେ ଭଦ୍ରକ, ଯାଜପୁର, କେନ୍ଦ୍ରାପଡ଼ା, କାକଟପୁର ଏବଂ 28ରେ ରାଇରଙ୍ଗପୁର, ମୋରଡା, ସୋର, ଜଗତସିଂହପୁରରେ ପ୍ରଚାର ସଭା କରିବେ । ତାଙ୍କ ସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବାଲେଶ୍ବର, ଭଦ୍ରକ, ଜଗତସିଂହପୁର, କେନ୍ଦ୍ରପଡ଼ାରେ 27 ରୁ 30 ଯାଏଁ ପ୍ରଚାର କରିବେ । 27 ଏବଂ 28ରେ କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ କେନ୍ଦ୍ରାପଡ଼ା ଏବଂ ଭଦ୍ରକରେ ପ୍ରଚାର କରିବେ । ଏନେଇ ସୂଚନା ଦେଇଛନ୍ତି ରାଜ୍ୟ ବିଜେପି ଉପସଭାପତି ଗୋଲକ ମହାପାତ୍ର । ନିର୍ବାଚନ ପ୍ରଚାର ପାଇଁ ଓଡିଶା ଆସୁଛନ୍ତି କେନ୍ଦ୍ରୀୟ ନେତୃବୃନ୍ଦ । ରାଜ୍ୟ ବିଜେପି ଉପସଭାପତି ଗୋଲକ ମହାପାତ୍ର କହିଛନ୍ତି, "ଦୁଇ ଥର ପଦ୍ମ, ଦୁଇ ଗୁଣା ବିକାଶ । ଓଡି଼ଶାରେ ବିକାଶକୁ ଶିଖରରେ ପହଞ୍ଚାଇବା ପାଇଁ ବିଜେପି ଏକମାତ୍ର ବିକଳ୍ପ । ଓଡି଼ଶାବାସୀ ପରିବର୍ତ୍ତନ ମୁହାଁ । ଦୀର୍ଘ ୨୫ ବର୍ଷର ଭ୍ରଷ୍ଟାଚାରୀ, ଦୁର୍ନୀତିଖୋର ଓ ବ୍ୟଭିଚାରୀ ବିଜେଡି ସରକାରର ଅନ୍ତ ହେବା ନିହାତି ଆବଶ୍ୟକ ।"