ନିମାପଡ଼ା: ସ୍ୱାସ୍ଥ୍ୟ ହିଁ ସମ୍ପଦ, ସ୍ୱାସ୍ଥ୍ୟ ପାଇଁ ରାଜ୍ୟ ସରକାର ସଦାସର୍ବଦା ଚେଷ୍ଟିତ । ସରକାର ରାଜ୍ୟବାସୀଙ୍କ ସୁସ୍ଥ ଜୀବନଜାପନ ପାଇଁ ଗ୍ରାମାଞ୍ଚଳର ସ୍ୱାସ୍ଥ୍ୟକେନ୍ଦ୍ରରେ କୋଟି କୋଟି ଟଙ୍କା ବ୍ୟୟ କରି ଭିତ୍ତିଭୂମିର ବିକାଶ କରିବା ପାଇଁ ସର୍ବଦା ଚେଷ୍ଟା କରୁଛନ୍ତି । କିନ୍ତୁ ଠିକାଦାର ଓ ଅଧିକାରୀଙ୍କ ମଧୁଚନ୍ଦ୍ରିକାରେ କାମ ହେଉଥିବାରୁ ଭିତ୍ତିଭୂମିର ବିକାଶ କାର୍ଯ୍ୟରେ ଅନିୟମିତତା ହେଉଛି । ଯାହାର ନଗ୍ନ ଉଦାହରଣ ଦେଖିବାକୁ ମିଳିଛି ପୁରୀ ଜିଲ୍ଲା କାକଟପୁର ବ୍ଲକ ବାଙ୍ଗୁରିଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ । ଯେଉଁଠି ସ୍ୱାସ୍ଥ୍ୟକେନ୍ଦ୍ରର ଉଦଘାଟନର ଦିନ କେଇଟା ନପୁରୁଣୁ ସାମାନ୍ୟ ମେଘ ପବନରେ ଵଃହି ବିଭାଗ ଛାତରୁ ସିଲିଂ ଖସିପଡ଼ିଥିବା ଦେଖିବାକୁ ମିଳିଛି । ଏହାର ତଦନ୍ତ କରି ପୁଣିଥରେ ଉନ୍ନତମାନର କାର୍ୟ୍ୟ କରିବା ପାଇଁ ଦାବି କରିଛନ୍ତି ସ୍ଥାନୀୟ ବାସିନ୍ଦା ।
ରାଜ୍ୟରେ ଅନେକ ସ୍ୱାସ୍ଥ୍ୟକେନ୍ଦ୍ରର ଉନ୍ନତୀକରଣ କରାଯାଉଥିବା ବେଳେ ରାଜ୍ୟ ସରକାର 5T ମାଧ୍ୟମରେ କାକଟପୁର ବ୍ଲକ ବାଙ୍ଗୁରିଗାଁ ସ୍ୱାସ୍ଥ୍ୟକେନ୍ଦ୍ରର ଉନ୍ନତୀକରଣ ପାଇଁ ଲକ୍ଷାଧିକ ଟଙ୍କାର ପୁଞ୍ଜିନିବେଶ କରାଯାଇ ସ୍ୱାସ୍ଥ୍ୟକେନ୍ଦ୍ରଟିକୁ ଆଧୁନିକରଣ କରାଯାଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମାଧ୍ୟମରେ ଏହାର ଶୁଭ ଉଦ୍ଘାଟନ କରିଥିଲେ । କିନ୍ତୁ ଦୁର୍ଭାଗ୍ୟର କଥା ଯେ, ଗତ କାଳବୈଶାଖୀରେ ସାମାନ୍ୟ ମେଘ ପବନରେ ଵଃହି ବିଭାଗ ଛାତରୁ ସିଲିଂ ଖସିପଡ଼ିଛି, ଯାହା ସମ୍ପୂର୍ଣ୍ଣ ଦୁର୍ଭାଗ୍ୟଜନକ ଘଟଣା । ଯେଉଁ କାରଣ ପାଇଁ ସ୍ଥାନୀୟ ଲୋକ ନିମ୍ନମାନର କର୍ଯ୍ୟ କରାଯାଇଥିବା ଅଭିଯୋଗ ଆଣି ପ୍ରଶାସନକୁ ଦାୟୀ କରିଛନ୍ତି ।