ଝାରସୁଗୁଡ଼ା: ବ୍ୟବସାୟରୁ ଶତ୍ରୁତା । ଶତ୍ରୁତାରୁ ବଚସା । ଆଉ ବଚସା ନେଲା ଉଗ୍ରରୂପ । ଭାଇକୁ ଗୁଳିକରି ହତ୍ୟା କଲା ସମ୍ପର୍କୀୟ ଭାଇ । କେବଳ ସେତିକି ନୁହେଁ ହତ୍ୟା କରିବା ପରେ ମୃତଦେହକୁ ନେଇ ନଦୀରେ ଫିଙ୍ଗିଦେଲା ଅଭିଯୁକ୍ତ ଭାଇ । ଏଭଳି ଏକ ସମ୍ବେଦନଶୀଳ ଘଟଣା ଦେଖିବାକୁ ମିଳିଛି ଝାରସୁଗୁଡାରେ ।
ବ୍ୟବସାୟରୁ ଶତ୍ରୁତା:
ସୂଚନା ଅନୁସାରେ, ଝାରସୁଗୁଡ଼ା ଜିଲ୍ଲା ସଦର ଥାନା ବେହେରାପାଟ ଅଞ୍ଚଳରେ ୨ ସମ୍ପର୍କୀୟ ଭାଇ ଇମ୍ରାନ ଖାଁ (ଲଡନ) ଓ ଶାହଜାହାନ ଖାଁ କୁକୁଡା ଫାର୍ମ କରି ବ୍ୟବସାୟ କରୁଥିଲେ । ବ୍ୟବସାୟକୁ ନେଇ ପୂର୍ବରୁ ୨ ଜଣଙ୍କ ମଧ୍ୟରେ ଝଗଡ଼ା ହୋଇଥିଲା । ସେପଟେ ଝଗଡ଼ାର ସମାଧାନ ପାଇଁ ଗତକାଲି (ମୋସବାର) ରାତିରେ ଶାହଜାହାନଙ୍କୁ ଘରକୁ ଡ଼ାକି ଥିଲା ଇମ୍ରାନ । ସେଠାରେ ଝଗଡ଼ା ସମାଧାନ ହେବା ପରିବର୍ତ୍ତେ ଦୁହିଁଙ୍କ ମଧ୍ଯରେ ପୁଣି ବଚସା ହୋଇଥିଲା । ଏଥିରେ ଉତକ୍ଷୀପ୍ତ ହୋଇ ଇମ୍ରାନ, ଶାହଜାହାନ ଉପରକୁ ଗୁଳି ଚଳାଇଥିଲା । ଫଳରେ ଘଟଣାସ୍ଥଳରେ ଶାହଜାହାନର ମୃତ୍ୟୁ ଘଟିଥିଲା ।
ହତ୍ୟା ପରେ ଫିଙ୍ଗିଦେଲେ ମୃତଦେହ:
ତେବେ ଶାହଜାହାନକୁ ଗୁଳି କରି ହତ୍ୟା କରିବା ପରେ ଇମ୍ରାନ ମୃତଦେହକୁ ନେଇ ନଦୀରେ ଫୋପାଡ଼ି ଦେଇଥିବା ପୋଲିସ ପକ୍ଷରୁ ସୂଚନା ମିଳିଛି । ଏହି ଘଟଣାରେ ଅଭିଯୁକ୍ତକୁ ଗିରଫ କରିଛି ପୋଲିସ । ଏହାସହ ସ୍ବତନ୍ତ ସ୍କ୍ବାଡ୍, ସାଇଣ୍ଟିଫିକ ଟିମ ଓ ପୋଲିସ ପହଞ୍ଚି ଅଧିକ ଛାନଭିନ ଚଳାଇଛନ୍ତି । ସେପଟେ ଏଯାଏ ମୃତଦେହ କି ଗୁଳିକାଣ୍ଡରେ ବ୍ୟବହାର କରାଯାଇଥିବା ବନ୍ଧୁକ ମିଳିନାହିଁ ।