ନିଆଳି:ନିୟନ୍ତ୍ରଣ ବାହାରେ ପରିବା ଦର । ଖାଉଟିଙ୍କ ହାଣ୍ଡିଶାଳକୁ ମହଙ୍ଗା ମାଡ । ଆସନ୍ତା ସୋମବାର ଠାରୁ ଆରମ୍ଭ ହେଉଛି ଶ୍ରାବଣ ମାସ । ଅଧିକାଂଶ ଲୋକ ନିରାମିଷ ଭୋଜନ ଉପରେ ନିର୍ଭର କରିବେ । ଗତ ଦୁଇ ମାସରୁ ଊର୍ଦ୍ଧ୍ବ ଦିନ ହେଲାଣି ପନିପରିବା ଦର ଉପର ମୁହାଁ ହୋଇ ରହିଛି । ଦର ଖସିବାର ନା ଧରୁନାହିଁ । ହଜାର ଟଙ୍କାରେ ବ୍ୟାଗ ଫୁଲ ହେଉନାହିଁ । ଏପରି ଅବସ୍ଥା ଉପୁଜିଛି ଯେ, ଗ୍ରାହକ ପନିପରିବା କିଣିବାକୁ ଡରିଲେଣି ।
ପରିବାରେ ହାତ ମାରିହେଉନାହିଁ:ବର୍ତ୍ତମାନ ଅଦା ଓ ରସୁଣ କିଲୋ ୨୪୦ ଟଙ୍କାରେ ବିକ୍ରି ହେଉଛି । ଆଳୁ ଓ ପିଆଳ ଦର ଆଗ ପଛରେ ଚାଲିଛି । ଆଳୁ କିଲୋ ୩୫ ଟଙ୍କାରେ ବିକ୍ରି ହେଉଥିବାବେଳେ ପିଆଜ କିଲୋ ୪୦ ଟଙ୍କାରେ ବିକ୍ରି ହେଉଛି । ସର୍ବାଧିକ ଦର ହେଉଛି ବାହାରୁ ଆସୁଥିବା ବିନସ୍ । ଯାହା ୧୨୦ ଟଙ୍କାରେ ବିକ୍ରି ହେଉଛି । ଏଭଳି ଆକାଶ ଛୁଆଁ ଦର ଗତ କିଛି ମାସ ହେଲାଣି ଜାରି ରହିଛି । ଆଗକୁ ଶ୍ରାବଣ ମାସ ଏବଂ ପରେ କାର୍ତ୍ତିକ ମାସ ଆସୁଛି । ପନିପରିବା ଦର କ'ଣ ହେବ ଏବେଠୁ କହିବା ମୁସ୍କିଲ । କଟକ ଜିଲ୍ଲା ନିଆଳି ବଜାର ସପ୍ତାହକୁ 2 ଦିନ ହାଟ ବସେ । ଗୁରୁବାର ଏବଂ ରବିବାର । ନିଆଳି ବଜାର ଉପରେ ଖୋର୍ଦ୍ଧା, ପୁରୀ, ଜଗତସିଂହପୁର ଏବଂ କଟକ ଜିଲ୍ଲା ଖାଉଟି, ବ୍ୟବସାୟୀ ଓ ଚାଷୀ ନିର୍ଭର କରିଥାନ୍ତି । ନିଆଳି ହାଟକୁ ସ୍ଥାନୀୟ ଚାଷୀମାନେ ପନିପରିବା ଆଣି ବିକ୍ରି କରିଥାନ୍ତି । ଲୋକ ସଂଖ୍ୟା ଅନୁପାତରେ ସ୍ଥାନୀୟ ଅଞ୍ଚଳର ପନିପରିବା ନିଅଣ୍ଟିଆ ହୁଏ । ଏଥିପାଇଁ ରାଜ୍ୟ ବାହାର ଏବଂ ଅନ୍ୟ ଜିଲ୍ଲାର ପରିବାର ବ୍ରିକି ପାଇଁ ଆସିଥାଏ ।
ନଜର ପକାନ୍ତୁ କଣ ରହିଛି ପନିପରିବା ଦର
ପନିପରିବା କିଲୋପ୍ରତି ଦର
- ପୋଟଳ ୪୦ରୁ ୬୦
- ବାଇଗଣ ୫୦ରୁ ୬୦
- କାଙ୍କଣ ୧୦୦ରୁ ୧୩୦
- ଜହ୍ନି ୫୦ରୁ ୬୦
- କାକୁଡି ୫୦
- କଖାରୁ ୪୦
- ଭେଣ୍ଡି ୫୦ରୁ ୬୦
- ମାଟି ଆଳୁ ୪୦ରୁ ୫୦
- ସାରୁ ୫୦ରୁ ୬୦
- ଛୁଇଁ ୬୦ରୁ ୮୦
- କଞ୍ଚା ଲଙ୍କା ୨୦୦ରୁ ୨୫୦
- ଧନିଆ ପତ୍ର ୨୦୦ରୁ ୨୫୦
- ଟମାଟୋ ୭୦ରୁ ୮୦
- କାପସିକମ ୧୨୦ରୁ ୧୪୦