ଭୁବନେଶ୍ୱର: ଦୁର୍ବଳ ହୋଇ ଅବପାତରେ ପରିଣତ ହେଲା ବାତ୍ୟା ‘ଦାନା’ । ଆଗାମୀ 24 ଘଣ୍ଟା ଯାଏଁ ଜାରି ରହିବ ବର୍ଷିବ । ବର୍ତ୍ତମାନ ଉତ୍ତର ଉତ୍ତର ପଶ୍ଚିମ ଦିଗରେ ଭଦ୍ରକର ଠାରୁ ୪୦ କିମି ଓ ଧାମରା ଠାରୁ ୭୦ କିମି ଦୁରରେ ରହିଛି l ବିଗତ ୨୪ ଘଣ୍ଟାରେ ୧୭ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହୋଇଥିବା ବେଳେ, ଚାନ୍ଦବାଲି ରେ ସର୍ବାଧିକ ୧୫୮.୬ ମୀମି ବର୍ଷା ରେକର୍ଡ କରାଯାଇଛି l ସେହିଭଳି ବର୍ତ୍ତମାନ ଭଦ୍ରକ, ବାଲେଶ୍ଵର, କେନ୍ଦ୍ରାପଡ଼ା ରେ ୭୦-୮୦ ବେଗରେ ପବନ, ଢେଙ୍କାନାଳ, ଜଗତସିଂପୁର, କଟକ, କେଉଁଝର ୬୫-୭୦ ବେଗରେ ବହୁଛି l
- ବାତ୍ୟା 'ଦାନା' ଏବେ ଅତି ଦୁର୍ବଳ ହେବାରେ ଲାଗିଛି
- ଘଣ୍ଟା ପ୍ରତି 7 କିଲୋମିଟର ବେଗରେ ଉତ୍ତର ଓଡ଼ିଶାର ପଶ୍ଚିମ ଦିଗକୁ ଗତି କରୁଛି
ଆଗମୀ ୨୪ ଘଣ୍ଟା ଯାଏଁ ମଧ୍ୟ ଭଦ୍ରକ, ବାଲେଶ୍ଵର, କେନ୍ଦ୍ରାପଡ଼ା ରେ ପ୍ରବଳ ବର୍ଷା ସମ୍ଭାବନା ରହିଛି l ଅନ୍ୟପଟେ ଆଜି ସନ୍ଧ୍ୟାରୁ ବିଭିନ୍ନ ସ୍ଥାନରେ କମିବ ବର୍ଷା ର ପରିମାଣ l ଏଥିସହ ଆରବ ସାଗର ଉପରେ ଏକ ସକ୍ରିୟ ଗୁରୁଚାପ ପ୍ରଭାବରେ, ବାତ୍ୟାର ବାମ ପାର୍ଶ୍ୱରେ ଉତ୍ତର-ଉତ୍ତରପଶ୍ଚିମ ଦିଗରୁ ପ୍ରବାହିତ ହେଉଥିବା ଶୁଷ୍କ ବାୟୁ ପ୍ରବାହ ର ପ୍ରଭାବ ଅଧିକ ରହିଛି, ସେହିପରି ବାତ୍ୟାର ପୂର୍ବ ଭାଗରେ ମଧ୍ୟ ଏକ ଗୁରୁଚାପ ବଳୟ ସକ୍ରିୟ ରହିଛି l ଏହି ଦୁଇ ଗୁରୁଚାପ ବଳୟ ମଧ୍ୟ କ୍ଷେତ୍ରରେ ବାତ୍ୟା କେନ୍ଦ୍ରୀଭୂତ ଥିବାରୁ, ବାତ୍ୟା ବିଶେଷ କ୍ଷୟକ୍ଷତି କରିପାରିନାହିଁ ବୋଲି ବିଭାଗ ଆକଳନ କରିଛି l
ଏହା ବି ପଢନ୍ତୁ- ସରିଲା ବାତ୍ୟା 'ଦାନା' ଲ୍ୟାଣ୍ଡଫଲ ପ୍ରକ୍ରିୟା, ବାଲେଶ୍ୱର, ଭଦ୍ରକ ଓ ମୟୂରଭଞ୍ଜରେ ବର୍ଷା ଆଲର୍ଟ
ସେପଟେ ସ୍ଥଳଭାଗ ଛୁଇଁବା ପରେ ବାତ୍ୟା ଦାନା ଉତ୍ତର - ଉତ୍ତର - ପଶ୍ଚିମ ଦିଗକୁ ଗତି କରୁଛି । 7 କିଲୋମିଟର ଗତିରେ ଆଗକୁ ବଢୁଛି ବାତ୍ୟା ଦାନା।ଭଦ୍ରକ ଠାରୁ ୪୦ କିଲୋମିଟର ଦୂର ଉତ୍ତର - ଉତ୍ତର ପୂର୍ବରେ ଅବସ୍ଥିତ ରହିଛି।ସେପଟେ ଧାମରା ଠାରୁ ମଧ୍ୟ ୭୦ କିଲୋମିଟର ଦୂର ଉତ୍ତର - ଉତ୍ତର ପଶ୍ଚିମରେ ବାତ୍ୟା ଦାନା ରହିଛି। ବାତ୍ୟା ପ୍ରଭାବରେ ଭଦ୍ରକ ଏବଂ ବାଲେଶ୍ୱର ଜିଲ୍ଲାରେ ୭୦ ରୁ ୮୦ ବେଗରେ ପବନ ରହିଛି । ମୟୂରଭଞ୍ଜ ଜିଲ୍ଲାରେ ମଧ୍ୟ ୫୦ ରୁ ୬୦ କିଲୋମିଟର ବେଗରେ ପବନ ବୋହିବାର ସମ୍ଭାବନା ରହିଛି।ସେହିଭଳି ଢେଙ୍କାନାଳ, କଟକ, କେଉଁଝର ଏବଂ ଜଗତସିଂହପୁର ମଧ୍ୟ ୪୦ ରୁ ୫୦ କିମି ରେ ପବନ ବୋହିବ । ଲ୍ୟାଣ୍ଡଫଲ ସମୟରେ କେନ୍ଦ୍ରାପଡା ଏବଂ ଭଦ୍ରକ ଜିଲ୍ଲାରେ ସର୍ବାଧିକ ବର୍ଷା ରେକର୍ଡ କରାଯାଇଛି ।