ବରଗଡ: ଆସୁଛି ସାଧାରଣ ନିର୍ବାଚନ । ପାଇଁ ନେତା ମନ୍ତ୍ରୀ ନିଜ ଅଞ୍ଚଳରେ ଶକ୍ତି ପ୍ରଦର୍ଶନ କଲେଣି । ଏବେଠାରୁ ବିଜେପି ବିଜେଡି ଦଳର ନେତା ମାନେ ଗାଁ ଗାଁରେ ଲୋକଙ୍କ ନିକଟକୁ ଯାଇ ଲୋକ ସମ୍ପର୍କ ସ୍ଥାପନ କରିବାରେ ଲାଗିପଡିଛନ୍ତି । ରାଜ୍ୟ ସରକାରଙ୍କ ନୂଆ ଓଡିଶା -ନବୀନ ଓଡିଶା କାର୍ଯ୍ୟକ୍ରମ ହେଉ ବା ଯୁବ ଓଡିଶା ନବୀନ ଓଡିଶା କାର୍ଯ୍ୟକ୍ରମ ହେଉ ବିଭିନ୍ନ ସ୍ଥାନରେ ବିଜେଡି ଦଳ ତାର ପ୍ରଚାର ପ୍ରସାର କରୁଛି । ବିଜେପି ମଧ୍ୟ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ଲୋକଙ୍କ ନିକଟକୁ ପହଞ୍ଚୁଛି । ଅନ୍ୟପଟେ କଂଗ୍ରେସ ଦଳ କିନ୍ତୁ ଏକ ପ୍ରଚାର ହଜିଯାଇଛି ବରଗଡ ଭଟଲି ଅଞ୍ଚଳରେ । ଆଜି ବରଗଡ ଜିଲ୍ଲା ଭଟଲି ନିର୍ବାଚନ ମଣ୍ଡଳୀର ସୋହେଲା ଠାରେ ଭଟଲି ବିଧାୟକ ସୁଶାନ୍ତ ସିଂଙ୍କ ତତ୍ତ୍ବାବଧାନରେ ବିଜେଡି ବିରାଟ ଜନ ସଂପର୍କ ପଦଯାତ୍ରା କରିଛି । କାର୍ଯ୍ୟକ୍ରମରେ ହଜାର ହଜାର ଲୋକ ମଧ୍ୟ ସାମିଲ ହୋଇଛନ୍ତି ।
ବର୍ତ୍ତମାନର ବିଧାୟକ ମାନେ ଭୋଟର ମାନଙ୍କ ସହିତ ନିଜନିଜର ମଜବୁତ ଓ ସୁସମ୍ପର୍କ ବଜାୟ ରହିଥିବା ନେଇ ବିରାଟ ବିରାଟ ରାଲି ଓ ପଦଯାତ୍ରା କରୁଛନ୍ତି । ସୋହେଲା ଠାରେ ଭଟଲି ବିଧାୟକ ସୁଶାନ୍ତ ସିଂ ଆଜି ଯେଉଁ ଭାବରେ ନିଜ ସମର୍ଥକଙ୍କର ଜନ ସମୁଦ୍ର ପ୍ରଦର୍ଶନ କରିଛନ୍ତି ତାହା ନିଶ୍ଚୟ ଆଗାମୀ ସାଧାରଣ ନିର୍ବାଚନରେ ପୁଣି ଟିକେଟ ଦାବିଦାରକୁ ମଜବୁତ କରିଛନ୍ତି । ସୁଶାନ୍ତ ସିଂଙ୍କ ସ୍ବାସ୍ଥ୍ୟ ଅବସ୍ଥା ଠିକ ନଥିଲେ ମଧ୍ୟ ସେ ନିଜେ ଲୋକଙ୍କ ଭିଡ ଭିତରେ ନିଜ ସମର୍ଥକଙ୍କ ସହିତ ରହି ଜନ ସମ୍ପର୍କ ପଦଯାତ୍ରାରେ ସାମିଲ ହୋଇଥିଲେ । ସୋହେଲା ଠାରେ ଆୟୋଜିତ ଜନ ସଂପର୍କ ପଦଯାତ୍ରା ବିଧାୟକ ସୁଶାନ୍ତ ସିଂହଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହୋଇଥିଲା । ଏଥିରେ ହଜାର ହଜାର ସଂଖ୍ୟାରେ ବିଜେଡି କର୍ମୀ ସାମିଲ ହୋଇଥିବା ବେଳେ ସ୍ଥାନୀୟ ପଦ୍ମପୁର ରାସ୍ତାରେ ଥିବା ଅଗ୍ରସେନ ଭବନରୁ ଏହି ପଦଯାତ୍ରା ଆରମ୍ଭ ହୋଇ ଥାନା ଛକ ପର୍ଯ୍ୟନ୍ତ ଶୋଭାଯାତ୍ରା ଅନୁଷ୍ଠିତ ହୋଇଥିଲା ।