ବରଗଡ଼:ଜିଲ୍ଲା ପୋଲିସକୁ ମିଳିଲା ବଡ଼ ସଫଳତା । ଗିରଫ ହେଲା କୁଖ୍ୟାତ ପେଶାଦାର ଡକାୟତ ଅମିତ ଦାସ । ଗତ 18 ତାରିଖରେ ବରପାଲିଠାରେ ଥିବା ଉତ୍କଳ ଗ୍ରାମୀଣ ବ୍ୟାଙ୍କରେ ଦିନ ସମୟରେ ହୋଇଥିଲା ଡକାୟତି । ବନ୍ଧୁକ ଦେଖାଇ 9 ଲକ୍ଷରୁ ଅଧିକ ଟଙ୍କା ଲୁଟି ଫେରାର ହୋଇଯାଇଥିଲେ ଦୁଇ ଅଭିଯୁକ୍ତ । ସେମାନଙ୍କ ମଧ୍ୟରୁ ଆଜି (ମଙ୍ଗଳବାର) ଜଣଙ୍କୁ ପୋଲିସ ଗିରଫ କରିଥିବା ସୂଚନା ମିଳିଛି । ଗିରଫ ଅଭିଯୁକ୍ତ ଜଣକ ହାର୍ଡକୋର ଡକାୟତ ହୋଇଥିବା ବେଳେ ସେ ପୂର୍ବରୁ ବହୁବାର ଗିରଫ ହୋଇ ଜେଲ ଯାଇସାରିଛି । ଯାହାର ସୂଚନା ଏକ ସାମ୍ମାଦିକ ସମ୍ମିଳନୀ ଯୋଗେ ବରଗଡ ଏସପି ପ୍ରହଲ୍ଲାଦ ସାହାଇ ମୀନା ଦେଇଛନ୍ତି ।
ଗତ 18 ତାରିଖରେ ବରପାଲିର ଉତ୍କଳ ଗ୍ରାମୀଣ ବ୍ୟାଙ୍କରୁ ଡକାୟତି କରି 9 ଲକ୍ଷରୁ ଅଧିକ ଟଙ୍କା ନେଇ ଫେରାର ହେବାପରେ ପୋଲିସ ବିଭାଗ ପକ୍ଷରୁ 5 ଗୋଟି ଟିମ ଗଠନ କରଯାଇଥିଲା । ବିଭିନ୍ନ ତଥ୍ୟକୁ ଆଧାର କରି ପୋଲିସ ଟେକ୍ନୋଲୋଜିକୁ ବ୍ୟବହାର କରି ଡକାୟତିରେ ସାମିଲ ଥିବା ମୁଖ୍ୟ ଅଭିଯୁକ୍ତକୁ କାବୁ କରିଛି । ତାଙ୍କ ପାଖରୁ ବ୍ୟାଙ୍କରୁ ଲୁଟ ହୋଇଥିବା 4 ଲକ୍ଷ 24 ହଜାର 200 ଟଙ୍କା ସହିତ 7ଟି ମୋବାଇଲ ଗୋଟେ ଟାଟା ACE ଗାଡି, ଟାଟା ମିନି ଟ୍ରକ, ଡଷ୍ଟର କାର, ଇକୋ ସ୍ପୋର୍ଟ୍ସ କାର, ଗୋଟେ ହିରୋ ସ୍ପ୍ଲେଣ୍ଡର ବାଇକ, ସ୍କୁଟି ଆଦି ଜବତ କରିଛି ପୋଲିସ । ବ୍ୟାଙ୍କ ଡକାୟତି ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତକୁ କାବୁ କରିବାକୁ ଏବେ ମଧ୍ୟ ପୋଲିସ ତାର ଜାଲ ବିଛାଇଛି ଏବଂ ଶୀଘ୍ର ପୋଲିସ ତାକୁ ଗିରଫ କରିବ ବୋଲି ପ୍ରହଲ୍ଲାଦ ସାହାୟି ମିନା କହିଛନ୍ତି ।