Auspicious Ram Navami Celebrated With Bike rally and Spiritual Program In Niali ନିଆଳି: ଆଜି ପବିତ୍ର ରାମନବମୀ । ଦେଶ ତଥା ବିଦେଶରେ ପ୍ରଭୁ ଶ୍ରୀରାମଙ୍କ ଜନ୍ମ ଉତ୍ସବକୁ ବେଶ ଧୁମଧାମରେ ପାଳନ କରାଯାଉଛି । ଏହି କ୍ରମରେ ପ୍ରତି ବର୍ଷ ପରି ଆଜି ଫୁଲନଖରା ଠାରୁ ନିଆଳି ପର୍ଯ୍ୟନ୍ତ ଏକ ବାଇକ ଶୋଭାଯାତ୍ରା ଆୟୋଜନ ହୋଇଥିଲା । ଏହି ଶୋଭାଯାତ୍ରାକୁ ବିଶ୍ବ ହିନ୍ଦୁ ପରିଷଦ ଓ ବଜରଙ୍ଗ ଦଳର ସହଯୋଗରେ ଆୟୋଜନ ହୋଇଥିଲା । ଆଜି ରାମ ନବମୀ ଉପଲକ୍ଷେ ଫୁଲନଖରାର ଲକ୍ଷେଶ୍ବର ମନ୍ଦିର ଠାରୁ ନିଆଳି ହାଇସ୍କୁଲ ଖେଳ ପଡିଆ ପର୍ଯ୍ୟନ୍ତ ପାଖାପାଖି ୩୦ କିଲୋମିଟର ରାସ୍ତା ପର୍ଯ୍ୟନ୍ତ ବାଇକ ଶୋଭାଯାତ୍ରାରେ ହଜାର ହଜାର ରାମ ଭକ୍ତ ନିଜକୁ ସାମିଲ କରିଥିଲେ । ଏହି ଶୋଭାଯାତ୍ରା ସମୟରେ ରାସ୍ତାର ଉଭୟ ପାର୍ଶ୍ଵରେ ଭକ୍ତ ମାନଙ୍କୁ ଭବ୍ୟ ସମ୍ବର୍ଦ୍ଧନା ମଧ୍ୟ ଦିଆଯାଇଥିଲା । ଏପରିକି ସେମାନଙ୍କ ପାଇଁ ସୁସ୍ବାଦୁ ପଣାର ବ୍ୟବସ୍ଥା ହୋଇଥିଲା ।
ଏହା ମଧ୍ୟ ପଢନ୍ତୁ...ପବିତ୍ର ଶ୍ରୀରାମ ନବମୀରେ ସବୁଠି ଶୁଭୁଛି ରାମ ନାମ, ଚଳଚଞ୍ଚଳ ଭୁବନେଶ୍ବର ରାମ ମନ୍ଦିର - Ram Navami
ଶୋଭାଯାତ୍ରାରେ ରାମ,ସୀତା, ଲକ୍ଷ୍ମଣ ଏବଂ ହନୁମାନଙ୍କ ବେଶରେ ସୁସଜ୍ଜିତ ହୋଇ ସଭାସ୍ଥଳକୁ ଆସିଥିଲେ ରାମଭକ୍ତ । ସୁରକ୍ଷା ଦୃଷ୍ଟିକୋଣରୁ ବିଭିନ୍ନ ଥାନା ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥାକୁ ପୋଲିସ ପକ୍ଷରୁ ଗ୍ରହଣ କରାଯାଇଥିଲା । ନିଆଳି ହାଇସ୍କୁଲ ଖେଳ ପଡିଆ ଆୟୋଜିତ ସଭାରେ ପ୍ରଭୁ ଶ୍ରୀରାମଚନ୍ଦ୍ରଙ୍କ ପ୍ରତ୍ୟେକଟି ଚରିତ୍ର ସମାଜ ପାଇଁ ଅବଦାନ, ହିନ୍ଦୁ ମାନଙ୍କର ପାଇଁ ବାର୍ତ୍ତା ଓ ରାମ ରାଜ୍ୟ ପରିଗଣତି ହେବା ପାଇଁ ଆହ୍ବାନ ଦେବା ସହିତ ଗୋଟିଏ ମାଳରେ ହିନ୍ଦୁମାନେ ଯୋଡି ହେବା ପାଇଁ ରାମଭକ୍ତ ମାନଙ୍କର ଆହ୍ବାନ ଦେଇଥିଲେ । ସମସ୍ତ ଅଞ୍ଚଳ ରାମମୟ ହୋଇଯାଇଥିଲା । ଏହି ଶୋଭାଯାତ୍ରାରେ ପାରାୟ ୫ ହଜାର ବାଇକ୍ ସାମିଲ ଥିଲା ।
ଆଜି 500 ବର୍ଷର ଅପେକ୍ଷା ପରେ ଶ୍ରୀରାମଙ୍କ ଜନ୍ମଭୂମି ଅଯୋଧ୍ୟାରେ ରାମଲାଲାଙ୍କ ଜନ୍ମ ଉତ୍ସବ ପାଳିତ ହୋଇଛି । ଏହି ଅବସରରେ ରାମଲାଲାଙ୍କ ମସ୍ତଙ୍କରେ ଶୋଭା ପାଇଛି ସୂର୍ଯ୍ୟତିଳକ । ଦ୍ବିପହର 12ଟା 16 ମିନିଟ ସମୟରେ ପ୍ରାୟ 4 ମିନିଟ ଧରି ମସ୍ତକରେ ଶୋଭା ପାଇଥିଲା । ତେବେ ଏହା ବିଶ୍ବର ପ୍ରଥମ ରାମ ମନ୍ଦିର, ଯେଉଁଠାରେ ମହାପ୍ରଭୁ ରାମଚନ୍ଦ୍ରଙ୍କ ମସ୍ତକରେ ଶୋଭା ପାଇଥିଲା ସୂର୍ଯ୍ୟତିଳକ । ଅପ୍ଟି ମେକାନିକଲ ସିଷ୍ଟମରେ ସୂର୍ଯ୍ୟାଲୋକ ଗର୍ଭଗୃହକୁ ଆସିଥିଲା । ଯାହାକୁ ଦେଖି ଭକ୍ତ ସମାଜ ଭାବ ବିହ୍ବଳ ହୋଇଛନ୍ତି । ସେହିପରି ଭୁବନେଶ୍ୱର ରାମ ମନ୍ଦିରରେ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଙ୍କ ଦର୍ଶନ ପାଇଁ ଲାଗିଥିଲା ଶ୍ରଦ୍ଧାଳୁଙ୍କ ଭିଡ। ଭଜନ କୀର୍ତ୍ତିନ ଧ୍ୱନିରେ ପ୍ରକମ୍ପିତ ହୋଇଥିଲା ପରିବେଶ । ସେଠାରେ ରାମଚରିତ ମାନସ ସହ ନାମ ସଂକୀର୍ତ୍ତନରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା ।
ଇଟିଭି ଭାରତ, ନିଆଳି
