ହାଇଦ୍ରାବାଦ:ଆଉ 32 ଦନ ପରେ ଆରମ୍ଭ ହେବ T20 ବିଶ୍ବକପ । ନ୍ୟୁଜିଲାଣ୍ଡ ପରେ ଦ୍ବିତୀୟ ଦଳ ଭାବେ 15 ଜଣିଆ ସ୍କ୍ବାର୍ଡ ଘୋଷଣା କଲା ଦକ୍ଷିଣ ଆଫ୍ରିକା । ଦଳର ଅଧିନାୟକ ଭାର ସମ୍ବାଳିବେ ଏଡେନ ମାର୍କ୍ରମ । ପ୍ରଥମ ଥର ପାଇଁ ଟି 20 ବିଶ୍ବକପରେ ମାର୍କ୍ରମଙ୍କ ନେତୃତ୍ବରେ ମ୍ୟାଚ ଖେଳିବ ଦଳ । ଦଳରେ ଅନରିଚ ନର୍ଟେଜ ଓ କ୍ୱିଣ୍ଟନ୍ ଡି କକଙ୍କୁ ସ୍ଥାନ ମିଳିଛି । ଏହି ଦୁଇ ଖେଳାଳି କ୍ରିକେଟ ଦକ୍ଷିଣ ଆଫ୍ରିକାର କେନ୍ଦ୍ରୀୟ ଚୁକ୍ତିନାମା ତାଲିକାରୁ ବାଦ ପଡିଥିଲେ।
ଏହା ମଧ୍ୟ ପଢନ୍ତୁ-T-20 ବିଶ୍ବକପ: କାଲି ଘୋଷଣା ହେବ ଭାରତୀୟ ଦଳ, ଆଜି ଚୟନକର୍ତ୍ତାଙ୍କ ବୈଠକ - T20 world cup
ଆହତ ଜନିତ ସମସ୍ୟାରୁ ସେପ୍ଟେମ୍ବର 2023ରୁ ଅନ୍ତର୍ଜାତୀୟ ମ୍ୟାଚ ଖେଳିନାହାନ୍ତି ନର୍ଟେଜ । ସେହିପରି 2023 ବିଶ୍ବକପ ଖେଳିବା ପରେ ଦିନିକିଆରୁ ଅବସର ଘୋଷଣା କରିଥିଲେ ଡି କକ । 2022ରେ ସେ ଟେଷ୍ଟ ମ୍ୟାଚରୁ ଅବସର ଘୋଷଣା କରିଥିଲେ । ଅନ୍ୟପଟେ ଚଳିତ ଆଇପିଏଲରେ ହେନରିଚ୍ କ୍ଲାସେନ୍ ଓ ଏଡେନ ମାର୍କ୍ରମ ସନ ରାଇଜର୍ସ ଟିମରେ ଖେଳୁଛନ୍ତି । ଉଭୟଙ୍କ ପ୍ରଦର୍ଶନ ମଧ୍ୟ ଭଲ ରହିଛି । ବିପକ୍ଷ ଦଳକୁ ଚେକ ଦେବାକୁ ଜୋରଦାର ପ୍ରସ୍ତୁତି କରିବ ଦକ୍ଷିଣ ଆଫ୍ରିକା ଦଳ ।