ପ୍ୟାରିସ (ଫ୍ରାନ୍ସ):ଅଲିମ୍ପିକ୍ସରେ ଭାରତକୁ ବଡ ଝଟକା ଲାଗିଛି । ପ୍ୟାରିସ ଅଲିମ୍ପିକ୍ସ ବକ୍ସିଂରେ ଏଥର ପଦକ ଶୂନ୍ୟ ଭାରତ । ଏକକ ବର୍ଗରେ ନିଶାନ୍ତଙ୍କ ପରେ ଫେଲ ମାରିଲେ ଲୋଭଲିନା ବୋର୍ଗୋହେନ । ମହିଳା 75 କିଲୋଗ୍ରାମ ଓଜନ ବର୍ଗର କ୍ବାଟର ଫାଇନାଲରେ ହାରିବା ପରେ ସେମିଫାଇନାଲରୁ ବାଦ ପଡିଲେ ଭାରତର ଏହି ଷ୍ଟାର ବକ୍ସର । ଚୀନର ଲି କ୍ବାନଙ୍କ ଠାରୁ ସେ 4-1ରେ ପରାସ୍ତ ହୋଇଛନ୍ତି । ଫଳରେ ଦ୍ବିତୀୟ ଥର ଅଲିମ୍ପିକ୍ସ ପଦକ ଆଶା ଲୋଭଲିନାଙ୍କ ଧୂଳିସାତ ହୋଇଛି ।
ପଦକରୁ ଗୋଟିଏ ପାଦ ପଛରେ ରହିଗଲେ ଲୋଭଲିନା:
ଆଜି ମହିଳା ବକ୍ସିଂର 75 କିଲୋଗ୍ରାମ କ୍ବାଟର ଫାଇନାଲରେ ଲୋଭଲିନା ବୋର୍ଗୋହେନ ଓ ଚାଇନାର ଲି କ୍ବାନଙ୍କ ମଧ୍ୟରେ ମୁକାବିଲା ହୋଇଥିଲା । 140 କୋଟି ଭାରତୀୟଙ୍କ ଏହି ମ୍ୟାଚରେ ନଜର ରହିଥିଲା । ଯଦି କ୍ବାଟର ଫାଇନାଲରେ ଲୋଭନିଲା ବିଜୟୀ ହୋଇଥାନ୍ତେ ତେବେ ପଦକ ସୁନିଶ୍ଚିନ୍ତ କରିଥାନ୍ତେ । ସମସ୍ତଙ୍କ ଆଶା ଥିଲେ ସେ ଭାରତକୁ ବକ୍ସିଂରେ ପଦକ ଭେଟି ଦେବେ । କିନ୍ତୁ ସବୁ ଆଶା ଆଶାରେ ରହିଯାଇଛି । ଭଲ ପ୍ରଦର୍ଶନ କରିନାପାରି ଆଜି ଅଲିମ୍ପିକ୍ସ ଅଭିଯାନ ଶେଷ କରିଛନ୍ତି ।