ପ୍ୟାରିସ: ଭାରତ ପାଇଁ ଆଉ ଏକ ପଦକ ଆଶା ଉଜ୍ଜୀବିତ । ବକ୍ସିଂରେ ଦମଦାର ପ୍ରଦର୍ଶନ କରି କ୍ବାଟର ଫାଇନାଲକୁ ପ୍ରବେଶ କରିଛନ୍ତି ବକ୍ସର ନିଶାନ୍ତ ଦେବ। ପୁରୁଷ 71 କିଲୋଗ୍ରାମ ରାଉଣ୍ଡ ଅଫ୍ 16 ଇଭେଣ୍ଟରେ ଚମତ୍କାର ପ୍ରଦର୍ଶନ କରି କ୍ବାଟର ଫାଇନାଲକୁ ଉନ୍ନିତ ହୋଇଛନ୍ତି । 3-2ରେ ନିଶାନ୍ତ ଇକ୍ବେଡରର ଜୋସ ଗାବ୍ରିଏଲ ରୋଡ୍ରିଗୁଏଜ ଟେନୋରିଏଙ୍କୁ ପରାସ୍ତ କରିଥିଲେ । ପ୍ରଥମ ଦୁଇଟି ରାଉଣ୍ଡରେ ନିଶାନ୍ତ ଆକ୍ରମଣାତ୍ମକ ଖେଳ ଖେଳିଥିଲେ ।
ନିଶାନ୍ତ ଦେବଙ୍କ ପଦର୍ଶନ:ପ୍ରଥମ ରାଉଣ୍ଡରେ ନିଶାନ୍ତ ଆକ୍ରମଣ ଆରମ୍ଭ କରିଥିଲେ । ତାଙ୍କ ପ୍ରତିପକ୍ଷଙ୍କ ଉପରେ ଆଟାକ୍ କରି 1-0ରେ ଆଗୁଆ ରହିଥିଲେ । ଦ୍ବିତୀୟ ରାଉଣ୍ଡରେ ମଧ୍ୟ ଆକ୍ରମଣାତ୍ମକ ଖେଳ ଜାରି ରଖି 2-0ରେ ଆଗୁଆ ରହିଥିଲେ । ତୃତୀୟ ରାଉଣ୍ଡରେ ଜୋସ ଗାବ୍ରିଏଲ ରୋଡ୍ରିଗୁଏଜ ଟେନୋରିଏ ପ୍ରତ୍ୟାବର୍ତ୍ତନ କରିଥିଲେ ମଧ୍ୟ ସେ ପରାଜିତ ହୋଇଥିଲେ । ଉପସ୍ଥିତ 4 ଜଣ ବିଚାରପତି ନିଶାନ୍ତଙ୍କୁ ପ୍ରଥମ ଦୁଇ ରାଉଣ୍ଡରେ 10 ପଏଣ୍ଟ ଲେଖାଏଁ ଦେଇଥିଲେ । ପରେ 3-1ରେ ନିଶାନ୍ତ ବିଜୟୀ ହୋଇ କ୍ବାଟର ଫାଇନାଲକୁ ପ୍ରବେଶ କରିଥିଲେ ।