ଜାଡେଜାଙ୍କ ରେକର୍ଡ; ପ୍ରଥମ ଭାରତୀୟ ବାମହାତୀ ସ୍ପିନର ଭାବେ 600 ଓ୍ବିକେଟ, ଇଂଲଣ୍ଡ ବିପକ୍ଷରେ ସର୍ବାଧିକ ଓ୍ବିକେଟ

ଅନ୍ତର୍ଜାତୀୟ କ୍ରିକେଟରେ 600 ଓ୍ବିକେଟ ନେବାରେ ପ୍ରଥମ ଭାରତୀୟ ବାମହାତୀ ସ୍ପିନର ବନିଲେ ରବିନ୍ଦ୍ର ଜାଡେଜା ।

ନାଗପୁର: ଅନ୍ତର୍ଜାତୀୟ କ୍ରିକେଟ୍ ଇତିହାସରେ 600 ୱିକେଟ୍ ନେଇଥିବା ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ପ୍ରଥମ ଭାରତୀୟ ବାମହାତୀ ଓଡ଼ିଆ ସ୍ପିନର ବନିଛନ୍ତି । ଗୁରୁବାର ଦିନ ବିଦର୍ଭ କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ପ୍ରଥମ ODIରେ ଜାଡେଜା ଏହି ସଫଳତା ହାସଲ କରିଛନ୍ତି । ଏହି ମାଇଲଖୁଣ୍ଟ ହାସଲ କରିବା ପାଇଁ ଜାଡେଜା ମାତ୍ର ତିନି ୱିକେଟ୍ ଆବଶ୍ୟକ ଥିଲା । ଜାଡେଜା ମ୍ୟାଚରେ ଇଂଲଣ୍ଡର ପୂର୍ବତନ ଅଧିନାୟକ ଜୋ ରୁଟ୍, ବେଥେଲ ଏବଂ ଅଦିଲ ରସିଦଙ୍କୁ ଆଉଟ କରିଥିଲେ।

ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ଗୁରୁବାରଠୁ ଆରମ୍ଭ ହୋଇଛି । ଭାରତୀୟ କ୍ରିକେଟ୍ ଦଳର ତାରକା ଅଲରାଉଣ୍ଡର ରବିନ୍ଦ୍ର ଜାଡେଜା ସିରିଜର ପ୍ରଥମ ମ୍ୟାଚରେ ଇତିହାସ ସୃଷ୍ଟି କରିଛନ୍ତି । ରବିନ୍ଦ୍ର ଜାଡେଜା ତାଙ୍କ ସ୍ପିନ୍ ବଲ୍ ପାଇଁ ଜଣାଶୁଣା ।

6⃣0⃣0⃣ international wickets and counting!

Congratulations, Ravindra Jadeja 🫡🫡

Follow The Match ▶️ https://t.co/lWBc7oPRcd#TeamIndia | #INDvENG | @IDFCFIRSTBank | @imjadeja pic.twitter.com/Qej9oaRWbb

— BCCI (@BCCI) February 6, 2025

600 ୱିକେଟ୍ ନେଇଥିବା ପ୍ରଥମ ଭାରତୀୟ ବାମହାତୀ ସ୍ପିନର-

ଅନ୍ତର୍ଜାତୀୟ କ୍ରିକେଟ୍ ଇତିହାସରେ 600 ୱିକେଟ୍ ନେଇଥିବା ରବିନ୍ଦ୍ର ଜାଡେଜା ପ୍ରଥମ ଭାରତୀୟ ବାମହାତୀ ସ୍ପିନର ହୋଇଛନ୍ତି । ଏହି ସଫଳତା ହାସଲ କରିବା ପାଇଁ ଜାଡେଜା ମାତ୍ର ତିନି ୱିକେଟ୍ ଦୂରରେ ଥିଲେ । ବିଶ୍ୱର 26 ତମ ବୋଲର ଏବଂ 600 ଟି ଆନ୍ତର୍ଜାତୀୟ ୱିକେଟ୍ ପୂରଣ ପାଇଁ ଭାରତ ପାଇଁ 5 ମ ସ୍ଥାନରେ ରହିଛନ୍ତି । ସେ ବର୍ତ୍ତମାନ ଟେଷ୍ଟ କ୍ରିକେଟ୍ ରେ 323, ODI କ୍ରିକେଟ୍ ରେ 223 ଏବଂ ଟି -20 ରେ 54 ୱିକେଟ୍ ନେଇଛନ୍ତି । ତାଙ୍କ ପୂର୍ବରୁ ଅନିଲ କୁମ୍ବଲେ, ଜହିର ଖାନ, ହରଭଜନ ସିଂ ଏବଂ ରବିଚନ୍ଦ୍ରନ ଅଶ୍ୱିନ ଏହି ସଫଳତା ହାସଲ କରିଛନ୍ତି ।

• ଅନ୍ତର୍ଜାତୀୟ କ୍ରିକେଟରେ ଭାରତୀୟ ବୋଲରଙ୍କ ୱିକେଟ
• ଅନିଲ କୁମ୍ବଲେ: 401 ମ୍ୟାଚରେ 953 ୱିକେଟ
• ରବି ଅଶ୍ୱିନ: 287 ମ୍ୟାଚ୍ ରେ 765 ୱିକେଟ
• ହରଭଜନ ସିଂ: 365 ଟି ମ୍ୟାଚରେ 707 ୱିକେଟ
• କପିଲ ଦେବ: 356 ଟି ମ୍ୟାଚରେ 687 ୱିକେଟ
• ରବିନ୍ଦ୍ର ଜାଡେଜା: 325 ମ୍ୟାଚ୍ ରେ 600 ୱିକେଟ

ରବିନ୍ଦ୍ର ଜାଡେଜା ରଚିଲେ ଇତିହାସ-

ପ୍ରଥମ ମ୍ୟାଚରେ ତିନୋଟି ୱିକେଟ୍ ନେଇ ଜାଡେଜା ଭାରତ ବନାମ ଇଂଲଣ୍ଡ ODI ରେ 42 ୱିକେଟ୍ ନେଇଛନ୍ତି । ଭାରତ ଏବଂ ଇଂଲଣ୍ଡ ODI ରେ ସର୍ବାଧିକ ୱିକେଟ୍ ହାସଲକାରୀ ବନିଛନ୍ତି ଜାଡେଜା । ଏହାପୂର୍ବରୁ ଇଂଲଣ୍ଡର ପୂର୍ବତନ ଦ୍ରୁତ ବୋଲର ଜେମ୍ସ ଆଣ୍ଡରସନଙ୍କ ନାମରେ ଥିଲା ସର୍ବାଧିକ ଓ୍ବିକେଟ ହାସଲ । ଆଣ୍ଡରସନ ଭାରତ ଏବଂ ଇଂଲଣ୍ଡ ODI ଇତିହାସରେ ଏପର୍ଯ୍ୟନ୍ତ ମୋଟ 31 ଟି ମ୍ୟାଚ୍ ଖେଳିଛନ୍ତି । ସେ ମୋଟ 40 ୱିକେଟ୍ ନେଇଛନ୍ତି । ଏହି ସମୟ ମଧ୍ୟରେ ତାଙ୍କର ସର୍ବୋତ୍ତମ ପ୍ରଦର୍ଶନ 4/18 ରହିଛି |

ଏହି ମ୍ୟାଚ୍ ପୂର୍ବରୁ ଜାଡେଜା ଭାରତ ଏବଂ ଇଂଲଣ୍ଡ ODI ଇତିହାସରେ ଏପର୍ଯ୍ୟନ୍ତ ମୋଟ 36 ଟି ମ୍ୟାଚ୍ ଖେଳିଛନ୍ତି । ସେ 36ଟି ମ୍ୟାଚରୁ 39 ୱିକେଟ୍ ନେଇଥିଲେ ।

ଭାରତ ବନାମ ଇଂଲଣ୍ଡ ODI ସର୍ବାଧିକ ୱିକେଟ୍:

• ରବିନ୍ଦ୍ର ଜାଡେଜା - 42
• ଜେମ୍ସ ଆଣ୍ଡରସନ୍ - 40
• ଆଣ୍ଡ୍ରିୟୁ ଫ୍ଲିଣ୍ଟଫ୍ -37
• ହରଭଜନ ସିଂ - 36
• ଜାଭାଗଲ ଶ୍ରୀନଥ / ଆର ଅଶ୍ୱିନ - 35