ହାଇଦ୍ରାବାଦ:ବିବାହ ବନ୍ଧନରେ ବାନ୍ଧି ହେଲେ ପାକିସ୍ତାନ କ୍ରିକେଟର ସୋଏବ ମଲିକ । ଟେନିସ୍ ସେନ୍ସେସନ୍ ସାନିଆ ମିର୍ଜାଙ୍କ ଠାରୁ ବିଚ୍ଛେଦ ହେବା ପରେ ଅଭିନେତ୍ରୀ ସାନା ଯାଦବଙ୍କ ହାତ ଧରିଛନ୍ତି । ତେବେ ବିବାହର ଫଟୋକୁ ଖୋଦ ପାକିସ୍ତାନ କ୍ରିକେଟର ସୋଏବ ମଲିକ ସୋସିଆଲ ମିଡିଆରେ ସେୟାର କରିଛନ୍ତି । ସୋଏବ ମଲିକଙ୍କ ଏହା ତୃତୀୟ ବିବାହ ଅଟେ ।
ଭାରତୀୟ ଟେନିସ ଷ୍ଟାର ଖେଳାଳି ସାନିଆ ମିର୍ଜାଙ୍କ ସହିତ ସୋଏବଙ୍କ ବିଚ୍ଛେଦକୁ ନେଇ ଦୀର୍ଘଦିନ ଧରି କଳ୍ପନା ଜଳ୍ପନା ଜାରି ରହିଥିବା ବେଳେ ଏଥିରେ ପୂର୍ଣ୍ଣଚ୍ଛେଦ ପକାଇଛନ୍ତି ସୋଏବ । ସୋଏବ ମଲିକ ଜାନୁଆରୀ 20 ତାରିଖରେ ସୋସିଆଲ ମିଡିଆ ଏକ୍ସ ଏବଂ ଇନଷ୍ଟାଗ୍ରାମରେ ଦୁଇଟି ବିବାହ ଫଟୋ ସେୟାର କରିଛନ୍ତି । ସାନିଆଙ୍କ ଠାରୁ ବିଚ୍ଛେଦ ହେବା ପରେ ସୋଏବ ଦୀର୍ଘ ଦିନ ହେବ ଅଭିନେତ୍ରୀ ସାନା ଯାଦବଙ୍କୁ ଡେଟ କରୁଥିଲେ । ବର୍ତ୍ତମାନ ସାତ ଜନ୍ମର ସାଥି ହୋଇଛନ୍ତି ସୋଏବ ଏବଂ ସାନା । ସୋଏବ ଏବଂ ସାନିଆଙ୍କ ବିଚ୍ଛେଦକୁ ନେଇ ଚର୍ଚ୍ଚା ହେଉଥିବା ବେଳେ ବିବାହ କରିଛନ୍ତି ସୋଏବ ।
ପ୍ରକାଶଥାଉକି, ପାକିସ୍ତାନ ଅଭିନେତ୍ରୀ ସାନା ଯାଦବ ମଧ୍ୟ 2020 ମସିହାରେ ପାକିସ୍ତାନ ଗାୟକ ଉମୈର ଜସଓ୍ବାଲଙ୍କୁ ବିବାହ କରିଥିଲେ । କିନ୍ତୁ ତିଷ୍ଠି ପାରିନଥିଲା ବିବାହ । 2023 ମସିହାରେ ଦୁହେଁ ବିଚ୍ଛେଦ ହୋଇଥିଲେ । ଅଳ୍ପ ଦିନ ଭିତରେ ଦୁହେଁ ବିଚ୍ଛେଦ ହୋଇଥିଲେ । ବର୍ତ୍ତମାନ ସୋଏଙ୍କ ହାତ ଧରିଲେ ସାନା । ତେବେ 2010 ମସିହାରେ ଟେନିସ ଖେଳାଳି ସାନିଆଙ୍କୁ ବିବାହ କରିଥିଲେ ସାଏବ। ଏହା ତାଙ୍କର ଦ୍ବିତୀୟ ବିବାହ ରହିଥିଲା । କିନ୍ତୁ ସାନିଆଙ୍କ ପୂର୍ବରୁ ଆୟସା ସିଦ୍ଧିଙ୍କୁ ବିବାହ କରିଥିଲେ ସୋଏବ । ବର୍ତ୍ତମାନ ତୃତୀୟ ବିବାହ କରି ସାନାଙ୍କ ହାତ ଧରିଛନ୍ତି ସୋଏବ ।