ହକି ପ୍ରୋ ଲିଗରେ ଦମଦାର ମ୍ୟାଚ୍, ଭାରତକୁ ଜୋସ୍ ଦେବା ପାଇଁ ଦର୍ଶକଙ୍କ ଭିଡ଼ ରାଉରକେଲା: ଆଜି ରାଉରକେଲାରେ ଖେଳାଯାଉଛି ୨ଟି ହାଇ ପ୍ରୋଫାଇଲ ହକି ମ୍ୟାଚ୍ । ହକି ପ୍ରୋ ଲିଗରେ ଚାଲିଛି ଅଷ୍ଟ୍ରେଲିଆ ବନାମ ସ୍ପେନ ଏବଂ ଭାରତ ବନାମ ନେଦରଲ୍ୟାଣ୍ଡ ମହା ଲଢେଇ । ତେବେ ଏହାକୁ ନେଇ ଆଜି ମଧ୍ୟ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ତେବେ ଗୋଟିଏ ପକ୍ଷରେ ପ୍ରଥମ ମ୍ୟାଚ ରାଉରକେଲାରେ ଅଷ୍ଟ୍ରେଲିଆ ଏବଂ ସ୍ପେନ ମଧ୍ୟରେ ଏବଂ ଦ୍ବିତୀୟଟି ହୋମ ଟିମ ଭାରତ ଏବଂ ନେଦରଲ୍ୟାଣ୍ଡ ମଧ୍ୟରେ ହେବ । ଏହାକୁ ନେଇ ବର୍ତ୍ତମାନ ସମସ୍ତ ହକି ପ୍ରେମୀଙ୍କ ମନରେ ଉତ୍ସାହ ଭରି ରହିଛି ।
ହକି ମ୍ୟାଚ ଉପଭୋଗ କରିବା ପାଇଁ ଲୋକଙ୍କ ଭିଡ଼ ପ୍ରବଳ ପରିଲକ୍ଷିତ ହୋଇଛି । ଆଜିର ଏହି ହାଇ ଭୋଲ୍ଟେଜ ମ୍ୟାଚ୍କୁ ଉପଭୋଗ କରିବାକୁ ହକିପ୍ରେମୀ ଚାହିଁ ବସିଥିବା ବେଳେ ମ୍ୟାଚ ଦେଖିବା ପାଇଁ ଲୋକଙ୍କ ଭିଡ଼ ଲାଗି ରହିଛି । ତେବେ ଗତ ମ୍ୟାଚରେ ସ୍ପେନ ସହ ସମ୍ପୂର୍ଣ୍ଣ ହାର୍ଟ ବିଟ ବନ୍ଦ କରିଦେଲା ଭଳି ଖେଳ ହେବା ପରେ ଆଜି ଦର୍ଶକଙ୍କ ମଧ୍ୟରେ ଆହୁରି ଉତ୍ସାହ ଦେଖିବାକୁ ମିଳୁଛି । ସେଥିପାଇଁ ଲମ୍ବା ଲାଇନ ରେ ଛିଡା ହୋଇଛନ୍ତି ଦର୍ଶକ ।
ଏହା ମଧ୍ୟ ପଢନ୍ତୁ...ହକି ମହାକୁମ୍ଭ: ଆଜି ଭାରତ-ନେଦରଲ୍ୟାଣ୍ଡ୍ସ ମହାଲଢ଼େଇ
ଲମ୍ବା ଧାଡ଼ିରେ ଛିଡା ହୋଇ ରାଉରକେଲା ସହର ସମେତ ଜିଲ୍ଲା ସାରା ରୁ ଏବଂ ଜିଲ୍ଲା ବାହାରୁ ସମର୍ଥକ ଆସି ଭାରତୀୟ ଦଳକୁ ସମର୍ଥନ ପାଇଁ ସୁଅ ଛୁଟୁଛି । ମାତ୍ର ଆଉ କେଇ ଘଣ୍ଟାର ଅପେକ୍ଷା ଚାହିଁ ବସିଛନ୍ତି ହକି ପ୍ରେମୀ ନିଜ ଦଳ ଭାରତ ଦଳକୁ ପଡ଼ିଆରେ ଲଢ଼ୁଥିବାର ଦେଖିବା ପାଇଁ । କଥାରେ ଅଛି ସମର୍ଥକ ବା କ୍ରାଉଡ଼ ଟ୍ବେଏଲଥ ମ୍ୟାନ ଭାବରେ କାମ କରିଥାନ୍ତି । ଏହା କେବଳ କଥାରେ ନୁହେଁ ସତରେ ଯେଉଁ ସମର୍ଥକ ରହିଥାନ୍ତି ସେମାନେ ନିଜ ଦଳକୁ ପଡିଆ ବାହାରୁ ରହି ସାହସ ସହ ଖେଳିବାର ଦୃଢ଼ ମନୋବଳ ଯୋଗାଇ ଥାଏ । ତେଣୁ ବିଭିନ୍ନ ଦଳକୁ ସମର୍ଥନ ଲାଗି ଆଗେଇ ଆସିଛନ୍ତି ହକି ପ୍ରେମୀ ।
ଭାରତ ଏବଂ ନେଦରଲ୍ୟାଣ୍ଡ ମଧ୍ୟରେ ମ୍ୟାଚକୁ ଦେଖିବା ପାଇଁ ପ୍ରବଳ ଭିଡ । ତେବେ ଭାରତ ପ୍ରଥମ ମ୍ୟାଚ ଧୂଆଁଧାର ଭାବରେ ବିଜୟ ହୋଇଥିବା ବେଳେ ଆଜି ଦ୍ବିତୀୟ ମ୍ୟାଚରେ ଭଲ ଖେଳ ପ୍ରଦର୍ଶନ କରିବ ବୋଲି ଆଶା ବାନ୍ଧିଛନ୍ତି ହକି ପ୍ରେମୀ । ତେବେ କିଏ ଭାରତ ର ଷ୍ଟିକର ତ କିଏ ପତାକା ଏବଂ କିଏ ଜର୍ସି ପିନ୍ଧି ଭାରତ ଦଳକୁ ସମର୍ଥନ କରିବା ପାଇଁ ଆଗେଇ ଆସିଛନ୍ତି ଦର୍ଶକ ।
ଇଟିଭି ଭାରତ, ସୁନ୍ଦରଗଡ଼
