ଜମ୍ମୁ କାଶ୍ମୀରରେ ଆସନ୍ତା ସେପ୍ଟେମ୍ବର ମାସରେ 3ଟି ପର୍ଯ୍ୟାୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ନିର୍ବାଚନ କମିଶନଙ୍କ ଏହି ଘୋଷଣାକୁ ବିଭିନ୍ନ ରାଜନୈତିକ ସଂଗଠନ ଏବଂ ଦଳ ସ୍ବାଗତ କରିଛନ୍ତି । ଏହାସହିତ ଆକଳନ କରାଯାଉଛି କି, ବହୁ ପ୍ରତିକ୍ଷିତ ନିର୍ବାଚନ ପରେ ଜମ୍ମୁ କାଶ୍ମୀରକୁ ରାଜ୍ୟ ମାନ୍ୟତା ମିଳିପାରେ । ଏକ ଦଶନ୍ଧି ଧରି ନିର୍ବାଚନ ଦେଖିନଥିବା ଉପତ୍ୟକାରେ ନିର୍ବାଚନ ଘୋଷଣା ପରେ ଲୋକଙ୍କ ମନରେ ନିର୍ବାଚନ ପ୍ରତି ଆବେଗ ସୃଷ୍ଟି ହୋଇଥିବା ବେଳେ ରାଜନୈତିକ ଦଳମାନେ ମଧ୍ୟ ବିଭିନ୍ନ ରାଜନୈତିକ କାର୍ଯ୍ୟକ୍ରମ ଆରମ୍ଭ କଲେଣି । ତେବେ କିଛି ମାସ ତଳେ ଶେଷ ହୋଇଥିବା ଲୋକସଭା ନିର୍ବାଚନରେ ଘାଟିରେ ବିନା ହିଂସାରେ ନିର୍ବାଚନ ସମାପ୍ତ ହୋଇଥିଲା । ଏହି ନିର୍ବାଚନରେ 55 ପ୍ରତିଶତ ଭୋଟ ପଡିଥିଲା । ଆଉ ଏଥିପାଇଁ ନିର୍ବାଚନ କମିଶନ ଘାଟିରେ ସବୁ ଅପେକ୍ଷାର ଅନ୍ତ ଘଟାଇ ବିଧାନସଭା ନିର୍ବାଚନ କରିବାକୁ ଅଣ୍ଟା ଭିଡିଛନ୍ତି ।
Elections in J and K (ETV Bharat Odisha) ଜମ୍ମୁ କାଶ୍ମୀର ପାଇଁ ନିର୍ବାଚନ ତାରିଖ ଘୋଷଣା କରିବା ସମୟରେ, ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହଥିଲେ କି, "ଘାଟିର ଲୋକେ ଲୋକସଭା ନିର୍ବାଚନ ସମୟରେ ‘ବୁଲେଟ୍’ ଏବଂ ବୟକଟ୍ (ନିର୍ବାଚନ ବର୍ଜନ) ବଦଳରେ ବାଲାଟ ପେପରକୁ ବାଛିଥିଲେ । ଜମ୍ମୁ କାଶ୍ମୀର ମଧ୍ୟ ଗତ ଲୋକସଭା ନିର୍ବାଚନ ସମୟରେ ରେକର୍ଡ କରିଥିଲେ । କାରଣ ଗତ 2019 ନିର୍ବାଚନ ଠାରୁ 2024ର ଭୋଟ ଦାନ 30 ପ୍ରତିଶତ ବଢିଥିଲା ।" ଆଉ ଲୋକସଭା ନିର୍ବାଚନ ପରେ ଘାଟିକୁ ଗସ୍ତ ସମୟରେ ଖୁବଶୀଘ୍ର ଏଠାରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ବୋଲି କହିଥିଲେ ରାଜୀବ କୁମାର । ଏପରିକି ଦେଶର ସର୍ବୋଚ୍ଚ କୋର୍ଟ ସୁପ୍ରିମକୋର୍ଟ ମଧ୍ୟ ସେପ୍ଟେମ୍ବର 30 ପୂର୍ବରୁ ନିର୍ବାଚନ ସାରିବାକୁ ରାୟରେ ଶୁଣାଇଥିଲେ ।
ଏହା ବି ପଢନ୍ତୁ- ବାଂଲାଦେଶ ସଙ୍କଟ; ମୁକ୍ତି ଯୁଦ୍ଧରେ ଭାରତର ଅବଦାନର ସ୍ମୃତିକୁ ଟାର୍ଗେଟ, ବିପଦରେ ସ୍ମାରକୀ - Bangladesh Crisis
ଗତ ଲୋକସଭା ନିର୍ବାଚନରେ, ଜମ୍ମୁ କାଶ୍ମୀରର ଦୁଇ ପୂର୍ବତନ ମୁଖ୍ୟମନ୍ତ୍ରୀ ନିର୍ବାଚନ ହାରର ସାମ୍ନା କରିଥିଲେ । ଓମାର ଅବଦ୍ଦୁଲା ଏବଂ ମେହେବୁବା ମୁଫତି ନିର୍ବାଚନରେ ପରାସ୍ତ ହୋଇଥିଲେ । ତେବେ ଏହି ନିର୍ବାଚନରେ ଜିତିଥିଲେ ଜେଲରେ ଦିନ କାଟୁଥିବା ଇଂଜିନିୟର ରସିଦ । ଯାହାଙ୍କ ନିର୍ବାଚନୀ କ୍ୟାମ୍ପେନ୍ ଦାୟତ୍ବ ସମ୍ଭାଳିଥିଲେ ତାଙ୍କ ପିଲାମାନେ । ଆଉ ଏହା ଦେଇଥିଲା ବଡ ସଙ୍କେତ କି, ଘାଟିର ଲୋକେ ବର୍ତ୍ତମାନ ଆଉ ପାରମ୍ପାରିକ ରାଜନେତାକ ଦଳକୁ ସମର୍ଥନ କରିନାହାଁନ୍ତି । ଏହା ମଧ୍ୟ ସରକାରଙ୍କ ପାଇଁ ବଡ ବାର୍ତ୍ତା ଥିଲା କି, ଲୋକଙ୍କ ମତକୁ ସମ୍ନାନ ଦେବା ଜରୁରୀ ।
Elections in J and K (ETV Bharat Odisha) ତେବେ ଗତ ଲୋକସଭା ନିର୍ବାଚନ ପରେ ଏବଂ ବର୍ତ୍ତମାନ ସମୟ ମଧ୍ୟରେ ଘାଟିରେ ଆତଙ୍କୀଙ୍କ ଆକ୍ରମଣ ଏବଂ ଆତଙ୍କବାଦୀଙ୍କ କାର୍ଯ୍ୟକଳାପ ବଢିଛି । ବିଶେଷ କରି ଜମ୍ମୁର ଦକ୍ଷିଣ ପୀର ପାଞ୍ଜଳ ଅଞ୍ଚଳରେ ଗୁଳି ବନ୍ଧୁକର ଗର୍ଜନ ବଢିଛି । ଏହା ସହିତ ଅମରନାଥ ଯାତ୍ରା ଏବଂ ମାଚଲି ମାତା ଯାତ୍ରା ପାଇଁ ବିଶେଷ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏପଟେ ନିର୍ବାଚନରେ ଲୋକଙ୍କ ମାତ୍ରାଧିକ ଆଗ୍ରହ ଏବଂ ଭୋଟଦାନ ପଡୋଶୀ ପାକିସ୍ତାନକୁ ଶକ୍ତ ଝଟକା ଦେଇଛି । କାରଣ ଭୋଟି ପ୍ରତିଶତ ବୃଦ୍ଧି ଫଳରେ ଘାଟିରେ ପାକିସ୍ତାନ ଏଜେଣ୍ଡା ଫେଲ ମାରିଛି । ଜମ୍ମୁ କାଶ୍ମୀର ସର୍ବଦା ଭାରତ ବିରୋଧୀ ବୋଲି ଘୋଷି ହେଉଥିବା ପାକିସ୍ତାନର ଅସଲ ମୁଖା ଖୋଲିଯାଇଛି ।
ଏହା ବି ପଢନ୍ତୁ- ଭାରତ ଓ ଏହାର ଏସୀୟ ପଡ଼ୋଶୀ; ସ୍ବାଧୀନତାର ୭୮ ବର୍ଷ ପରେ କାହାର ସ୍ଥିତି କେଉଁଠି ? - India and its Asian Neighbors
ତେବେ ଅନେକ ସୁରକ୍ଷା ବିଶେଷଜ୍ଞଙ୍କ ମତରେ ବର୍ଦ୍ଧିତ ଆତଙ୍କୀ ଆକ୍ରମଣ ନିର୍ବାଚନ ପରିଚାଳନା ପାଇଁ ସବୁଠୁ ବଡ ଚ୍ୟାଲେଞ୍ଜ । ପୂର୍ବତନ ସ୍ଥଳସେନା ମୁଖ୍ୟ ଜେନେରାଲ ଭେଦ ମଲ୍ଲିକଙ୍କ ମତରେ, "ସେପ୍ଟେମ୍ବର ଭିତରେ ଜମ୍ମୁ କାଶ୍ମୀରରେ ନିର୍ବାଚନ ପାଇଁ ତରବର ହେବାର ନାହିଁ । କାଶ୍ମୀରରେ ନିର୍ବାଚନ ଉପରେ ଫୋକସ କରିବା ଉଚିତ । କାରଣ ଜମ୍ମୁରେ କିଛି ଆତଙ୍କବାଦୀ ଆକ୍ରମଣ ସଫଳ ହେଲେ ପୁଣି ଥରେ ଘାଟିରେ ଗୁଳିଗୋଳାର ଗର୍ଜନ ବଢିଯିବ । ତେଣୁ ସେପ୍ଟେମ୍ବର ଭିତରେ ଘାଟିରେ ନିର୍ବାଚନ ସାରିବା ଗୁରୁତ୍ବପୂର୍ଣ୍ଣ ନୁହେଁ, ଘାଟିର ସୁରକ୍ଷା ସବୁଠୁ ବଡ । ନିର୍ବାଚନକୁ ଆଉ ଗୋଟିଏ ବର୍ଷ ଘୁଞ୍ଚିାଇ ଦେବା ଜରୁରୀ ।"
ତେବେ ଜେନେରାଲ ମଲ୍ଲିକଙ୍କ ମତକୁ ରକ୍ଷାତ୍ମକ ଆଭିମୁଖ୍ୟ ଭାବେ ଦେଖାଯାଉଛି । କାରଣ ଏହା ଲୋକଙ୍କୁ ଏକ ଭୁଲ ବାର୍ତ୍ତା ପ୍ରଦାନ କରୁଛି । ସୀମା ପାର ପାକିସ୍ତାନୀ ହ୍ୟାଣ୍ଡେଲରଙ୍କ ଇସାରରେ ଘାଟିରେ ମୃତ୍ୟୁର ତାଣ୍ଡବ ରଚୁଥିବା ଆତତାୟୀଙ୍କ ଆକ୍ରମଣରେ ଭାରତ ସରକାର ପ୍ରଭାବିତ ହୋଇଯିବେ ବୋଲି ଏହା ସନ୍ଦେଶ ପ୍ରଦାନ କରୁଛି । ତେବେ ଘାଟରେ ନିର୍ବାଚନ ପାଇଁ ରାଜନୈତିକ ଦଳ ମଧ୍ୟ ଅଣ୍ଟା ଭିଡିଛନ୍ତି । ରାଜନୈତିକ ଦଳ ମଧ୍ୟ ସଫା ସଫା କହିଛନ୍ତି କି, ଆତଙ୍କୀ ଆକ୍ରମଣ ଭୟରେ ନିର୍ବାଚନ ଘୁଞ୍ଚିବା ଦରକାର ନାହିଁ ।
ଗତ ଲୋକସଭା ନିର୍ବାଚନରେ ସମଗ୍ର ବିଶ୍ବପାଇଁ ବଡ ସନ୍ଦେଶ ଦେଇଛି ଭାରତ । ପ୍ରଥମତଃ ସୁରୁଖୁରୁରେ ନିର୍ବାଚନ ଅନୁଷ୍ଠିତ ହୋଇଥିଲା ଏବଂ ଦ୍ବିତୀୟରେ ପୂର୍ବ ନିର୍ବାଚନ ସମୟରେ ଦଖିବାକୁ ମିଳୁଥିବା ସ୍ବଳ୍ପ ଭୋଟିଂ (ଏକକ ସଂଖ୍ୟା) ପ୍ରତିଶତରେ ମଧ୍ୟ ବୃଦ୍ଧି ଘଟିଥିଲା, ଏହା ସହିତ ହିଂସା ଏବଂ ପ୍ରତିବାଦ ହୋଇନଥିଲା । ଏହା ମଧ୍ୟ ମୋଦି ସରକାରର 370 ଉଚ୍ଛଦ ସପକ୍ଷରେ ବଡ ବାର୍ତ୍ତା ଥିଲା । ତେବେ ଘାଟିରେ ଏବେ ମଧ୍ୟ ଲୋକ ଅଛନ୍ତି ଯେଉଁମାନେ ଧାର୍ମିକ ଆଧାରରେ ପାକିସ୍ତାନକୁ ସମର୍ଥନ କରୁଛନ୍ତି କିନ୍ତୁ ଅନେକ ଲୋକ ମଧ୍ୟ କେନ୍ଦ୍ର ସରକାରର ଜନମଙ୍ଗଳ ଯୋଜନାକୁ ସମର୍ଥନ କରୁଛନ୍ତି 370 ଉଠିବା ପରେ ।
ଏହା ସହିତ ଘାଟିରେ ଧିରେ ଧିରେ ନିବେଶ ବଢୁଛି । ଶିକ୍ଷାନୁଷ୍ଠାନ ଏବଂ ମେଡିକାଲ ପ୍ରତିଷ୍ଠାନ ଠିଆ ହେଉଛି । ଏହା ଫଳରେ ଘାଟିର ଉନ୍ନତି ଘଟୁଛି । ଦିନକୁ ଦିନ ମଧ୍ୟ ପର୍ଯ୍ୟଟକଙ୍କ ପାଦ ଉପତ୍ୟକାରେ ବଢୁଛି । ଫଳରେ ଘାଟିର ଅର୍ଥନୀତିରେ ଉନ୍ନତି ଘଟୁଛି । ଏହା ଘାଟିରେ ପରିସ୍ଥିତି ସାମାନ୍ୟ ଥିବା ପ୍ରତି ସକରାତ୍ମକ ସଂକତ ଦେଉଛି । ଏହା ସହିତ ପଥର ମାଡ ଏବଂ ଅହରହ ପ୍ରତିବାଦ ଭଳି ଘଟଣା ଇତିହାସ ପାଲଟି ଗଲାଣି ।
ଅନ୍ୟପଟେ, ପାକସ୍ତାନ ଅଧିକୃତ କାଶ୍ମୀରରେ କିନ୍ତୁ ଦିନକୁ ଦିନ ହିଂସା ଏବଂ ପ୍ରତିବାଦ ବଢିବାରେ ଲାଗିଛି । ଜମ୍ମୁ କାଶ୍ମୀରରେ ଲୋକେ ଭାରତର ସ୍ବାଧୀନତା ଦିବସକୁ ଅତ୍ୟନ୍ତ ଉତ୍ସାହିତ ସହକାରେ ପାଳନ କରିଥିବା ସମୟରେ ପିଓକେବାସୀ ପାକିସ୍ତାନ ସ୍ବାଧୀନତା ଦିବସ ଉତ୍ସବକୁ ବର୍ଜନ କରିଥିଲେ । ବର୍ତ୍ତମାନ ପିଓକେବାସୀ ଭାରତରେ ମିଶିବାକୁ ଦାବି ଜୋର କରିଛନ୍ତି । ତେଣୁ ଏହା ପାକିସ୍ତାନର ‘ବିବାଦୀୟ କାଶ୍ମୀର’ର ଏଜେଣ୍ଡାକୁ ଶକ୍ତ ଧକ୍କା ନିଶ୍ଚିତ ।
ଖାଲି ସେତିକି ନୁହେଁ, ବିଶ୍ବ ଦରକାର ମଧ୍ୟ କିଛି ହାତଗଣତି ଦେଶକୁ ଛାଡିଦେଲେ କାଶ୍ମୀର ପ୍ରସଙ୍ଗ କୌଣସି ଦେଶ ଆଉ ଉଠାଉ ନାହାଁନ୍ତି । ୟୁଏନଏସସି ପ୍ରସ୍ତାବ ଅନୁସାରେ କାଶ୍ମୀର ସମସ୍ୟାର ସମାଧନ ପାଇଁ ଆଉ ସ୍ବର ଉଠୁନି । ତେଣୁ ପାକିସ୍ତାନ ବର୍ତ୍ତମାନ ଘାଟିରେ ଆତଙ୍କବାଦୀ ଆକ୍ରମଣକୁ ପୁଣି ରି-ଆକ୍ଟିଭ୍ କରିଛି । ଏପଟେ ପାକିସ୍ତାନର ନାରା ମଧ୍ୟ ଯେ, ଘାଟିରେ ସେନା ଗୁଳିରେ ନିପାତ ହେଉଥିବା ଆତଙ୍କୀ ନୁହେଁ, ବରଂ ସ୍ଥାନୀୟ ବାସୀନ୍ଦା । କିନ୍ତୁ ଘାଟିର ଲୋକେ ପାକିସ୍ତାନର ଏହି ବୁଝିସାରିଲେଣି ଏବଂ ସ୍ଥାନୀୟ ଲୋକଙ୍କ ମଧ୍ୟରେ ଆଉ ଉତ୍ତେଜନା ସୃଷ୍ଟି ପାଇଁ ସମର୍ଥନ ପାଉନି ପାକିସ୍ତାନ ।
ଗତ ସପ୍ତାହରେ ଆତଙ୍କୀ-ସୁରକ୍ଷାକର୍ମୀଙ୍କ ଗୁଳି ବିନିମୟରେ 4 ଜଣ ଆତଙ୍କବାଦୀ ସଫା ହୋଇଥିଲେ । ଏହାକୁ ନେଇ ପାକିସ୍ତାନ ବୈଦେଶିକ ମନ୍ତ୍ରଣାଳୟ ମୁଖପାତ୍ର କହିଥିଲେ କି, "ଜମ୍ମୁ କାଶ୍ମୀରରେ ଭାରତ ଦିନକୁ ଦିନ ମାନବିକ ଅଧିକରକୁ ଧ୍ବଂସ କରୁଛି । ଘାଟିର ଲୋକଙ୍କ ସ୍ବାଧୀନତା ଏବଂ ଅଧିକାରକୁ କ୍ଷୁର୍ଣ୍ଣ କରୁଛି । ଏଥିପାଇଁ ଆମେ ବିଶ୍ବବାସୀଙ୍କୁ ଅପିଲ କରୁଛି କି ଭାରତ ବିରୋଧରେ ଅନ୍ତର୍ଜାତୀୟ ସ୍ତରରେ କାର୍ଯ୍ୟାନୁଷ୍ଠନ ଗ୍ରହଣ କରାଯାଉ ।" କିନ୍ତୁ ଏହାକୁ ନେଇ କୌଣସି ବି ଗୋଟିଏ ଦେଶ ପ୍ରତିକ୍ରିୟା ରଖିନଥିଲେ ।
ନିଜ ଏଜେଣ୍ଡା ଫେଲ ମାରିଲେ ପରେ ଘାଟିରେ ବର୍ତ୍ତମାନ ଆତଙ୍କୀ କାର୍ଯ୍ୟକଳାପ ବୃଦ୍ଧି କରିବାକୁ ରାତି ଦିନ ଏକ କରିଛି ପାକିସ୍ତାନ । ତେବେ ଧିରେ ଧିରେ ଘାଟିରେ ସୁରକ୍ଷା ବ୍ୟବସ୍ଥା ବ୍ୟାପକ ହେବ ଫଳରେ ଆତଙ୍କୀ ସଫାହେବା ସହିତ ଆତଙ୍କବାଦୀ ଆକ୍ରମଣ କମିବ ନିଶ୍ଚିତ । ତେଣୁ ସୀମା ଡେଇଁ ଆସିଥିବା ଆତଙ୍କବାଦୀ ପୁଣି ସୀମା ପାର ହୋଇ ଫେରିଯିବା ଛଡା ଆଉ କିଛି ଉପାୟ ନାହିଁ । ତେଣୁ ସୁରକ୍ଷାକର୍ମୀଙ୍କ ଗୁଳି ଖାଇବା ପୂର୍ବରୁ ନିଜକୁ ବଞ୍ଚାଇବା ସେମାନଙ୍କ ପାଇଁ ବର୍ତ୍ତମାନ ଗୋଟିଏ ରାସ୍ତା ।
ତେଣୁ ନିର୍ବାଚନ କମିଶନଙ୍କ ନିର୍ବାଚନ ଘୋଷଣା ପରେ, ଘାଟିରେ ସୁରକ୍ଷା ବ୍ୟବସ୍ଥାକୁ ସର୍ବାଧିକ ଗୁରୁତ୍ବର ସହିତ ନିଆଯିବ । ସୁରକ୍ଷା ବ୍ୟବସ୍ଥା ବ୍ୟାପକ ହେବ । ଫଳରେ ଘାଟିରେ ମୁତୟନ ସୁରକ୍ଷା କର୍ମୀଙ୍କ ମନବଳ ବଢିବ ମଧ୍ୟ । ଏହା ସହିତ ନିର୍ବାଚନ ପ୍ରକ୍ରିୟା ପରିଚାଳନା ପାଇଁ ଅତିରିକ୍ତ ସୁରକ୍ଷା କର୍ମୀ ମୁତୟନ ହେବେ । କାରଣ ବର୍ତ୍ତମାନ ସମୟରେ ଘାଟିରେ ନିୟୋଜିତ ଅତିରିକ୍ତ ସୁରକ୍ଷାକର୍ମୀ ସ୍ଥିତିକୁ ସମ୍ଭାଳିନେବେ । ଫଳଲେ ଲୋକଙ୍କ ମଧ୍ୟରେ ତଥା ଭୋଟରଙ୍କ ମଧ୍ୟରେ ଭୟ କମିବ ଏବଂ ନିର୍ବାଚନ ପରିଚାଳନା ସୁରୁଖୁରୁରେ ହୋଇପାରିବ ।
ତେବେ ଘାଟିରେ ସୁରକ୍ଷାକର୍ମୀ ଆଭ୍ୟନ୍ତରୀଣ ପରିବେଶକୁ ସମ୍ଭାଳିନେବେ କିନ୍ତୁ ଉଦବେଗର କଥା କି, ସୀମାପାର ଅପପ୍ରଚାର । ପାକିସ୍ତାନ ଏବଂ ଚୀନ ବର୍ତ୍ତମାନ ଘାଟିରେ ବିଶୃଙ୍ଖଳା ଜାରି ରଖିବାକୁ ଏକାଠି ହୋଇଛନ୍ତି । ଘାଟିର ସାମାଜିକ ସୌହାର୍ଦ୍ଦ୍ୟ ବିଗାଡିବାକୁ ଉଭୟ ଦେଶ ଆଗେଇ ଆସିଛନ୍ତି । ଏହା ଆମକୁ ବୁଝିବାକୁ ପଡିବ । ସେମାନଙ୍କ ଚାଲକୁ ବୁଝିବାକୁ ପଡିବ । କାରଣ ନିର୍ବାଚନ ଦିନ ଯେତେ ଯେତେ ଆଗେଇ ଆସିବ ଦୁଇ ଦେଶଙ୍କ ‘ଡିଜିଟାଲ୍ ଓ୍ବାର’ ବଢିବ । ଅର୍ଥାତ ସୋସିଆଲ ମିଡିଆରେ ଭାରତ ବିରୋଧି ପୋଷ୍ଟ ଛାଇଯିବ । ଏହାସହିତ ଏଲଓସିରେ ମଧ୍ୟ ସୁରକ୍ଷାବ୍ୟବସ୍ଥା ବୃଦ୍ଧି କରିବାକୁ ପଡିବ । କାରଣ ଏହି ସମୟରେ ଏଲଓସିରେ ଅନୁପ୍ରବେଶ ବଢିପାରେ । କାରଣ ଆତଙ୍କବାଦୀଙ୍କ ଅନାୟସରେ ଅନୁପ୍ରବେଶ ନିର୍ବାଚନରେ ବଡ ପ୍ରଭାବ ପକାଇପାରେ ।
ତେବେ ଆମେ ଲୋକସଭା ନିର୍ବାଚନ ସମୟରେ ଦେଖିଛେ କି, ସରକାର ବର୍ତ୍ତମାନ ଲୋକଙ୍କ ମତକୁ ସ୍ବୀକାର କରିବାକୁ ନିଜର ପ୍ରତିବଦ୍ଧତା ସ୍ପଷ୍ଟ କରିସାରିଛି । ଏହା ଫଳରେ ନିର୍ବାଚନରେ ଲୋକଙ୍କ ମାତ୍ରାଧିକ ସାମିଲ ବା ଯୋଗଦାନ ବଢୁଛି । କାରଣ ଗଣତନ୍ତ୍ରରେ ସୁସ୍ଥ ବାତାବରଣ ପାଇଁ ଲୋକଙ୍କ ଯୋଗଦାନ ଅତ୍ୟନ୍ତ ଜରୁରୀ । ତେବେ ଏହାକୁ ସଫଳ କରିବା ପାଇଁ କେନ୍ଦ୍ର ସରକାର ଏବଂ ସମସ୍ତ ସୁରକ୍ଷା ସଂସ୍ଥା ଏକାଠି ଆଗେଇ ଆସିବା ଜରୁରୀ ।
