ହାଇଦ୍ରାବାଦ: ଅଧିକ ସମୟ ବସି ରହିବା ଯୋଗୁଁ ଅନେକ ପ୍ରକାର ସମସ୍ୟା ହୋଇଥାଏ । ଅଫିସ କାମ କରିବା, ଟିଭି ଦେଖିବା ଏବଂ ସୋସିଆଲ ମିଡିଆରେ ସମୟ ଅତିବାହିତ କରିବା ସମୟରେ ସମସ୍ତେ ଅଧିକ ସମୟ ବସି ଥାଆନ୍ତି । ତେବେ ନିକଟରେ ଏନେଇ ଏକ ରିସର୍ଚ୍ଚ ସାମ୍ନାକୁ ଆସିଛି । ଅଧିକ ସମୟ ଧରି ବସି ରହିବା ଦ୍ୱାରା ଏହାର କୁପ୍ରଭାବ ସ୍ବାସ୍ଥ୍ୟ ଉପରେ ପଡୁଥିବା ନେଇ ଖୁଲାସା କରାଯାଇଛି ।
ସ୍ବାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଯଦି ଜଣେ ବ୍ୟକ୍ତି ଦୀର୍ଘ ସମୟ ଧରି ବସି ରହୁଛନ୍ତି, ତାହେଲେ ଉକ୍ତ ପରିମାଣର ଶାରୀରିକ ବ୍ୟାୟାମ ମଧ୍ୟ କରିବା ଆବଶ୍ୟକ । ଏହା ଦ୍ବାରା ମୃତ୍ୟୁ ଆଶଙ୍କାକୁ ରୋକାଯାଇ ପାରିବ ବୋଲି କୁହାଯାଇଛି । ଜଣେ ବ୍ୟକ୍ତି ଅଧିକ ସମୟ ବସି ରହିବା ଦ୍ୱାରା ରୋଗ କାରଣରୁ ମୃତ୍ୟୁ ହେବାର ଆଶଙ୍କା 16 ପ୍ରତିଶତ ରହିଥାଏ । ଅନ୍ୟପଟେ ହୃଦଘାତରୁ ମୃତ୍ୟୁ ହେବାର ଆଶଙ୍କା 34 ପ୍ରତିଶତ ଅଧିକ ରହିଥାଏ । ଯଦି ଜଣେ ବ୍ୟକ୍ତି ଦୈନିକ 15ରୁ 30 ମିନିଟ ବ୍ୟାୟାମ କରିଥାଆନ୍ତି ତାହେଲେ ମୃତ୍ୟୁ ଆଶଙ୍କା କମ ହୋଇଯାଇଥାଏ । ତେଣୁ ଦୈନିକ ବ୍ୟାୟାମ କରିବା ଆବଶ୍ୟକ ବୋଲି ସ୍ବାସ୍ଥ୍ୟ ବିଶେଷଜ୍ଞମାନେ ମତ ଦେଇଛନ୍ତି ।