ହାଇଦ୍ରାବାଦ:ଭାରତର ସବୁଠାରୁ ଧନୀ ଅଭିନେତା ଏବଂ ଅଭିନେତ୍ରୀଙ୍କ ମଧ୍ୟରେ ଶାହରୁଖ ଖାନ ଏବଂ ଜୁହି ଚାୱଲାଙ୍କ ନାମ ଶୀର୍ଷରେ ଅଛି । ଯଦି ଉଭୟଙ୍କ ସମ୍ପତ୍ତିକୁ ମିଶାଇ ଦିଆଯାଏ, ତେବେ ଏହା ପ୍ରାୟ 12 ହଜାର କୋଟି ଟଙ୍କା ହେବ । କିନ୍ତୁ ବିଶ୍ୱର ସବୁଠାରୁ ଧନୀ ଅଭିନେତ୍ରୀଙ୍କ ସମ୍ପତ୍ତି ଶାହରୁଖ ଏବଂ ଜୁହିଙ୍କ ସମ୍ପତ୍ତିଠାରୁ ଏତେ ଅଧିକ ଯେ ଆପଣ କଳ୍ପନା ମଧ୍ୟ କରିପାରିବେ ନାହିଁ । 59 ବର୍ଷୀୟ ଅଭିନେତ୍ରୀ ଏବେ ବି ସୌନ୍ଦର୍ଯ୍ୟରେ ବଡ଼ ବଡ଼ ଅଭିନେତ୍ରୀମାନଙ୍କୁ ପଛରେ ପକାଇଛନ୍ତି । କେବଳ ଏତିକି ନୁହେଁ ଏହି ଅଭିନେତ୍ରୀ ଗତ 44 ବର୍ଷ ମଧ୍ୟରେ ଗୋଟିଏ ବି ହିଟ୍ ଫିଲ୍ମ ଦେଇନାହାଁନ୍ତି ଏବଂ ନା ତାଙ୍କର କୌଣସି ଫିଲ୍ମରେ ମୁଖ୍ୟ ଅଭିନେତ୍ରୀ ଭାବରେ ହିଟ୍ ହୋଇଛନ୍ତି । ଏହା ପରେ ବି ସେ ବିଶ୍ୱର ସବୁଠାରୁ ଧନୀ ଅଭିନେତ୍ରୀ ଅଟନ୍ତି । ତେବେ ଜାଣନ୍ତୁ, ସେହି ଅଭିନେତ୍ରୀଜଣକ କିଏ ?ଜାଣନ୍ତୁ,
ବିଶ୍ୱର ସବୁଠାରୁ ଧନୀ ଅଭିନେତ୍ରୀ କିଏ ?
ପ୍ରକୃତରେ, ୧୯୮୧ ମସିହାରେ ରିଲିଜ ହୋଇଥିବା ଫିଲ୍ମ 'ଅନ ଦ ରାଇଟ୍ ଟ୍ରାକ୍'ରୁ ଡେବ୍ୟୁ କରିଥିବା ଏହି ଅଭିନେତ୍ରୀ ଆଉ କେହି ନୁହଁନ୍ତି ସେ ହେଉଛନ୍ତି ଜେମି ଗର୍ଜ । ଜେମି ଶେଷ ଥର ପାଇଁ "ଆଇ ୱାଣ୍ଟ ୟୁ ବ୍ୟାକ୍" (୨୦୨୨) ଚଳଚ୍ଚିତ୍ରରେ ନଜର ଆସିଥିଲେ । ଜେମି ତାଙ୍କର ଚାରି ଦଶନ୍ଧିରୁ ଅଧିକ ସମୟର ଫିଲ୍ମ କ୍ୟାରିୟରରେ 20 ରୁ ଅଧିକ ଫିଲ୍ମରେ ଅଭିନୟ କରିଛନ୍ତି, କିନ୍ତୁ ଆଶ୍ଚର୍ଯ୍ୟର କଥା ହେଉଛି ଜଣେ ଅଭିନେତ୍ରୀ ଭାବରେ ଜେମିଙ୍କର ଗୋଟିଏ ବି ଫିଲ୍ମ ହିଟ୍ ହୋଇନାହିଁ । କିନ୍ତୁ ଏହି ସମୟରେ, ସମ୍ପତ୍ତି ଦୃଷ୍ଟିରୁ ବିଶ୍ୱର ସବୁଠାରୁ ଧନୀ ଅଭିନେତ୍ରୀ ହୋଇଛନ୍ତି । ଜେମି ହଲିଉଡ ଗାୟିକା ଟେଲର ସ୍ୱିଫ୍ଟ ଏବଂ ରିହାନାଙ୍କୁ ମଧ୍ୟ ପଛରେ ପକାଇ ଦେଇଛନ୍ତି । ଟେଲରଙ୍କ ସମ୍ପତ୍ତି ୧.୬ ବିଲିୟନ ଡଲାର ଏବଂ ରିହାନାଙ୍କର ୧.୪ ବିଲିୟନ ଡଲାର ରହିଥିବା ବେଳେ ଜେମିଙ୍କ ସମ୍ପତ୍ତି ଜାଣିଲେ ଆପଣଙ୍କ ଉଡିଯିବ ହୋସ୍ । ଯାହାଙ୍କ ସମ୍ପତ୍ତି ମୂଲ୍ୟ ୧.୪ ବିଲିୟନ ଏବଂ ଫୋବର୍ସ ଅନୁଯାୟୀ, ଜେମିଙ୍କ ସମ୍ପତ୍ତି ମୂଲ୍ୟ ୬ ବିଲିୟନ ଡଲାର ଅର୍ଥାତ୍ ୬୬,୦୦୦ କୋଟି ଟଙ୍କା । କହିରଖୁଛୁ କି, ଶାହରୁଖ ଖାନଙ୍କ ସମ୍ପତ୍ତି ୭୩୦୦ କୋଟି ଟଙ୍କା ଏବଂ ଜୁହି ଚାୱଲାଙ୍କ ସମ୍ପତ୍ତି ୪୬୦୦ କୋଟି ଟଙ୍କା ।