ମୁମ୍ବାଇ:ଆସନ୍ତାକାଲି (ଏପ୍ରିଲ ୬)ରେଅନ୍ତଃର୍ଜାତୀୟ ଇଭେଣ୍ଟ ମେଟ ଗାଲା ୨୦୨୪ ଅନୁଷ୍ଠିତ ହେବ । ନ୍ୟୁୟର୍କରେ ଏହି କାର୍ଯ୍ୟକ୍ରମ ଆୟୋଜିତ ହେବାକୁ ଥିବା ବେଳେ ସବୁ ବର୍ଷ ପରି ଏହି ବର୍ଷ ମଧ୍ୟ ଭାରତୀୟ ତାରକା ନିଜ ଜଲୱା ଦେଖାଇବେ । ତେବେ ବର୍ତ୍ତମାନ ଆଲିଆ ଭଟ୍ଟ ନ୍ୟୁୟର୍କ ଅଭିମୁଖେ ବାହାରିଛନ୍ତି । ମୁମ୍ୱାଇ ଏୟାରପୋର୍ଟରେ ଅଭିନେତ୍ରୀଙ୍କୁ ଦେଖିବାକୁ ମିଳିଥିବା ବେଳେ ସୋସିଆଲ ମିଡିଆରେ ଭିଡିଓ ଭାଇରାଲ ହେଉଛି ।
ଆଲିଆ ଭଟ୍ଟ ଦ୍ୱିତୀୟ ଥର ପାଇଁ ମେଟ ଗାଲାରେ ସାମିଲ ହେବେ । ଅଭିନେତ୍ରୀ ଗତବର୍ଷ ମେଟ ଗାଲାରେ ଡେବ୍ୟୁ କରିଥିଲେ । ଏହି ସମୟରେ ସେ ହ୍ୱାଇଟ ରଙ୍ଗର ମୋତିର ଏକ ଗାଉନ ପିନ୍ଧି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ତେବେ ଗତ ବର୍ଷ ପରି ଚଳିତ ବର୍ଷ ମଧ୍ୟ ମେଟ ଗାଲାରେ ନିଜ ଯାଦୁ ଦେଖାଇବେ ଆଲିଆ । ତେବେ ଏଥର ସେ କେଉଁ ଲୁକରେ ନଜର ଆସିବେ ସେନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି ।
ସୂଚନା ଥାଉ କି, ପ୍ରତିବର୍ଷ ମେ ମାସର ପ୍ରଥମ ସୋମବାରରେ ମେଟ ଗାଲା ଅନୁଷ୍ଠିତ ହୋଇଥାଏ । ଏହି ଫ୍ୟାଶନ୍ ଇଭେଣ୍ଟ୍, ଡିଜାଇନରମାନଙ୍କର କଳା ପ୍ରଦର୍ଶନ କରିବାକୁ ସବୁଠାରୁ ବଡ ସୁଯୋଗ ଦେଇଥାଏ । ତେବେ ଚଳିତ ବର୍ଷ ମେ ୬ ରେ ନ୍ୟୁୟର୍କର ମଟ୍ରୋପଲିଟନ ସଂଗ୍ରହାଳୟରେ ଅନୁଷ୍ଠିତ ହେବ । ରେଡ କାର୍ପେଟ ସନ୍ଧ୍ୟା ୫ଟାରେ ଏହା ଅନୁଷ୍ଠିତ ହେବାକୁ ଥିବା ବେଳେ ୮ଟା ସମୟରେ ଶେଷ ହେବ ବୋଲି ଆଶା କରାଯାଉଛି । ଏହାର ଅର୍ଥ ମଙ୍ଗଳବାର ଦିନ ଭାରତରେ ମେ ୭ରେ ଭୋର 2:30 ରୁ 5:30 ମଧ୍ୟରେ ଦେଖିବାକୁ ମିଳିବ । ତେବେ ଶୋ'ର ଏହି ବର୍ଷର ଥିମ ରହିଛି 'ସ୍ଲିପିଂ ବ୍ୟୁଟିଜ: ରିୱାକିଂ ଫ୍ୟାଶନ୍' ।