ହାଇଦ୍ରାବାଦ:ଚଳିତ ଦୀପାବଳୀରେକାର୍ତ୍ତିକ ଆର୍ଯ୍ୟନ, ବିଦ୍ୟା ବାଲାନ ଏବଂ ମାଧୁରୀ ଦୀକ୍ଷିତଙ୍କ ଅଭିନୀତ ବହୁ ପ୍ରତୀକ୍ଷିତ 'ଭୁଲ ଭୁଲେୟା 3' ଧମାକା କରିବାକୁ ପ୍ରସ୍ତୁତ । ଫିଲ୍ମ ରିିଲିଜ ପୂର୍ବରୁ ଏହାର ଆଇକନିକ୍ ଗୀତ 'ଆମି ଜେ ତୋମର' ମୁକ୍ତିଲାଭ କରିଛି । ବିଦ୍ୟା ଏବଂ ମାଧୁରୀ ଏଥିରେ ଏକାଠି ଦେଖି ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି । ଗୀତ ରିଲିଜର କିଛି ସମୟ ମଧ୍ୟରେ 60 ଲକ୍ଷରୁ ଅଧିକ ଲୋକ ଦେଖିସାରିଥିବା ବେଳେ ଅନେକ ଏହାକୁ ଦେଖି ଫିଦା ହୋଇଛନ୍ତି । ଏହି ଗୀତ ରିଲିଜ ଇଭେଣ୍ଟ ସମୟରେ ପରଫର୍ମ କରି ଷ୍ଟେଜରେ ପଡିଗଲେ ବିଦ୍ୟା । ଏହା ସତ୍ତ୍ୱେ ବି ସେ ନିଜ ଡ୍ୟାନ୍ସ ବଜାୟ ରଖଥିବା ବେଳେ ଲୋକେ ଏହାକୁ ବେଶ ପସନ୍ଦ କରିଛନ୍ତି ।
'ଆମି ଯେ ତୋମାର 3.0' ଲାଇଭ୍ ପରଫର୍ମରେ ପଡିଗଲେ ବିଦ୍ୟା
ଅକ୍ଟୋବର 25 ରେ 'ଭୁଲ ଭୁଲେୟା 3'ର ବହୁ ପ୍ରତୀକ୍ଷିତ ଗୀତ 'ଆମି ଜେ ତୋମର 3.0' ରିଲିଜ ହୋଇଛି । ଏହି ଗୀତରେ ମଞ୍ଜୁଲିକା, ବିଦ୍ୟା ବାଲାନ ଏବଂ ମାଧୁରୀ ଦୀକ୍ଷିତଙ୍କ ମଧ୍ୟରେ କଡ଼ା ପ୍ରତିଯୋଗିତା ଦେଖିବାକୁ ମିଳିଛି । 'ଆମି ଜେ ତୋମର' ଗୀତ ରିଲିଜ ଇଭେଣ୍ଟରେ ମଧ୍ୟ ବିଦ୍ୟା ଏବଂ ମାଧୁରୀ ଦମଦାର ଲାଇଭ୍ ପରଫର୍ମ ଦେଇ ଲୋକଙ୍କ ଦୃଷ୍ଟି ଆକର୍ଷଣ କରିଛନ୍ତି । ଏହି ସମୟରେ ବିଦ୍ୟା ଷ୍ଟେଜରେ ପଡିଯାଆନ୍ତି । ଏହା ସତ୍ତ୍ୱେ ବି ସେ ନିଜ ଡ୍ୟାନ୍ସ ବଜାୟ ରଖନ୍ତି । ଯାହାର ଭିଡିଓ ଖୁବ ଭାଇରାଲ ହେଉଥିବା ବେଳେ ଲୋକେ ଏହାକୁ ପସନ୍ଦ କରିବା ସହ ତାଙ୍କ ଖୁବ୍ ପ୍ରଶଂସା କରିଛନ୍ତି ।
ବିଦ୍ୟା ବାଲାନଙ୍କୁ ପ୍ରଶଂସାରେ ପୋତିଲେ ଫ୍ୟାନ୍ସ
ଭାଇରାଲ ଭିଡିଓରେ ପ୍ରତିକ୍ରିୟା ଦେଇ ଜଣେ ଫ୍ୟାନ୍ସ ଲେଖିଛନ୍ତି, 'ବିଦ୍ୟା ଖସିଗଲେ କିନ୍ତୁ ଏକ୍ସପ୍ରେସନ ଖସି ପାରିଲା ନାହିଁ।' ଅନ୍ୟ ଜଣେ ଲେଖିଛନ୍ତି, 'ଯିଏ ପଡ଼ିବା ପରେ ନିଜକୁ ସୁସ୍ଥ କରେ ତାଙ୍କୁ ବିଦ୍ୟା ବାଲନ କୁହାଯାଏ । ଅନ୍ୟ ଜଣେ ଲେଖିଛନ୍ତି, ପଡ଼ିବା ପରେ ମଧ୍ୟ ବିଦ୍ୟା ବାଲନ ଏହାକୁ ବହୁତ ସୁନ୍ଦର ଭାବେ ପରିଚାଳନା କରିଛନ୍ତି । ଶକ୍ତିର ପ୍ରକୃତ ରାଣୀ, ତାଙ୍କୁ କେହି ତଳକୁ ଆଣିପାରିବ ନାହିଁ ।