ହାଇଦ୍ରାବାଦ:କରିନା କପୁର ଖାନ, କ୍ରିତି ସାନନ ଏବଂ ତବୁଙ୍କ ଫିଲ୍ମ 'ଦ କ୍ରୁ' ବହୁତ ସମୟରୁ ଚର୍ଚ୍ଚାରେ ରହିଛି । ତେବେ ପ୍ରଥମ ଥର ପାଇଁ ଏହି ତିନି ଅଭିନେତ୍ରୀଙ୍କୁ ଏକା ସାଙ୍ଗରେ ବଡ଼ ପରଦାରେ ଦେଖିବାକୁ ମିଳିବ । ଏହି ଫିଲ୍ମର ଘୋଷଣା ପରଠାରୁ ଫ୍ୟାନ୍ସ ମାନେ ଉତ୍ସାହର ସହିତ ଫିଲ୍ମକୁ ଅପେକ୍ଷା କରିଛନ୍ତି । ଏହି ଫିଲ୍ମରେ କରୀନା, ତବୁ ଏବଂ କ୍ରିତି ତିନିଜଣ ବଲିଉଡ ଅଭିନେତ୍ରୀ ଏୟାର ହଷ୍ଟେସ୍ ଭାବେ ନଜର ଆସିବେ । ଏହାରି ମଧ୍ୟରେ ଫିଲ୍ମ 'ଦ କ୍ରୁ'ର ଟିଜର ରିଲିଜ ହୋଇଛି । ଯାହା ସୋସିଆଲ ମିଡିଆରେ ଟ୍ରେଣ୍ଡରେ ରହିଛି । ଫିଲ୍ମ'ଦ କ୍ରୁ'ରେ କମେଡିର ତଡକା ଲଗାଇବେ କପିଲ ଶର୍ମା ।
ଟିଜରଟି ତବୁଙ୍କ ଭଏସ୍ ଓଭରରୁ ଆରମ୍ଭ ହୋଇଛି । ଯେଉଁଠାରେ ସେ ଯାତ୍ରୀମାନଙ୍କୁ ଚେତାବନୀ ଦେଇଛନ୍ତି ଯେ ସେମାନଙ୍କ ପାଇଁ ଏହାକୁ ପରିଚାଳନା କରିବା ବହୁତ କଷ୍ଟକର ହେବାକୁ ଯାଉଛି । ଟିଜରରେ ତବୁ ଏକ ମଜାଳିଆ ଢଙ୍ଗରେ ଗାଳି କରୁଥିବାର ନଜର ଆସିବେ । ଗୋଟିଏ ପଟେ କରୀନା କପୁର, ତବୁ ଏବଂ କ୍ରିତି ସାନନଙ୍କ ଚମତ୍କାର ଅଭିନୟ ପ୍ରଶଂସକଙ୍କୁ ହସାଉଥିବା ବେଳେ ଅନ୍ୟପଟେ ଦିଲଜିତ ଏବଂ କପିଲ ଶର୍ମା ମଧ୍ୟ କମେଡିର ତଡକା ଲଗାଇଥିବା ନଜର ଆସିବେ।