ସାଉଥ ସୁପରଷ୍ଟାର ସୂରିୟାଙ୍କ ଫିଲ୍ମ 'କଙ୍ଗୁୱା'ର ଟିଜର ରିଲିଜ

Kanguva Teaser Release: ସାଉଥ ସୁପରଷ୍ଟାର ସୂରିୟାଙ୍କ ବହୁ ପ୍ରତିକ୍ଷିତ ଫିଲ୍ମ 'କଙ୍ଗୁୱା'ର ଟିଜର ରିଲିଜ ହୋଇଛି । ଫିଲ୍ମ ରିଲିଜକୁ ଅପେକ୍ଷା କରିଛନ୍ତି ଫ୍ୟାନ୍ସ । ଅଧିକ ପଢନ୍ତୁ

ମୁମ୍ବାଇ: ସାଉଥ ସୁପରଷ୍ଟାର ସୂରିୟାଙ୍କ 'କଙ୍ଗୁୱା'ର ଟିଜର ରିଲିଜ ହୋଇଯାଇଛି । ଗ୍ରୀନ୍ ଷ୍ଟୁଡିଓ ଦ୍ୱାରା ନିର୍ମିତ ଫିଲ୍ମ 'କଙ୍ଗୁୱା' 2024ର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ । ତେବେ ନିକଟରେ ଫିଲ୍ମର ପ୍ରଥମ ଲୁକ୍, ପୋଷ୍ଟରର ରିଲିଜ ହୋଇଥିବା ବେଳେ ବର୍ତ୍ତମାନ ନିର୍ମାତା ଫିଲ୍ମର ଟିଜର ରିଲିଜ କରିଛନ୍ତି । ଏହି ଟିଜର ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ଖୁବ ପ୍ରଶଂସା କରିଛନ୍ତି । ଏଥିସହ ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି ଫ୍ୟାନ୍ସ ।

ଫିଲ୍ମ ନିର୍ମାତା 'ଆଦନା ଆର୍ଟ ଷ୍ଟୁଡିଓ'ରେ ଫିଲ୍ମର ଡବିଂ ଆରମ୍ଭ କରିଛନ୍ତି । ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରୁଥିବା ସୂରିୟା ମଧ୍ୟ ତାଙ୍କର ଡବିଂ ଆରମ୍ଭ କରିଛନ୍ତି । ବଡ ବଜେଟରେ ନିର୍ମିତ ଏହି ଚଳଚ୍ଚିତ୍ରର ସୁଟିଂ ପ୍ରାୟ ଦୁଇବର୍ଷ ଧରି ଚାଲିଥିଲା ​​ଏବଂ ବର୍ତ୍ତମାନ ଏହାର ପୋଷ୍ଟ-ପ୍ରଡକ୍ସନ କାର୍ଯ୍ୟ ଚାଲିଛି । କିଛି ଦିନ ପୂର୍ବରୁ ଷ୍ଟୁଡିଓ ଗ୍ରୀନର ନିର୍ମାତା ମଧ୍ୟ ବବି ଦେଓଲଙ୍କୁ ଫିଲ୍ମର ଏକ ଅଂଶ ହୋଇଥିବାରୁ ଧନ୍ୟବାଦ ଦେଇଥିଲେ । ବବିଙ୍କ ସହ ଅଭିନେତ୍ରୀ ଦିଶା ପାଟାନି ମଧ୍ୟ ଏହି ଫିଲ୍ମରେ ଦେଖିବାକୁ ମିଳିବ ।

ତେବେ ସିରୁଥାଇ ସିଭାଙ୍କ ଦ୍ୱାରା ନିର୍ଦ୍ଦେଶିତ 'କଙ୍ଗୁୱା' ଏକ ମନୋରଞ୍ଜନ ଭରପୁର ଫିଲ୍ମ ବୋଲି କୁହାଯାଉଛି । ଏହି ଫିଲ୍ମରେ 9ମ ଶତାବ୍ଦୀରୁ ଏକବିଂଶ ଶତାବ୍ଦୀ ପର୍ଯ୍ୟନ୍ତର କାହାଣୀକୁ ଦର୍ଶାଯାଇଛି । ସୁପରଷ୍ଟାର ସୁର୍ଯ୍ୟା ଶିବକୁମାରଙ୍କ ଫିଲ୍ମରେ ବଲିଉଡ ଅଭିନେତ୍ରୀ ଦିଶା ପାଟାନି, ଯୋଗୀ ବାବୁ, କିଙ୍ଗସଲି, କୋଭାଇ ସରଲା,ବବି ଦେଓଲ, ଆନନ୍ଦ ରାଜଙ୍କ ପରି ଷ୍ଟାରମାନେ ଅଭିନୟ କରିବେ । ଏହି ଫିଲ୍ମ ପାନ ଇଣ୍ଡିଆ ସ୍ତରରେ ରିଲିଜ କରିବ । ଏହି ଚଳଚ୍ଚିତ୍ର ତାମିଲ, ତେଲୁଗୁ, ମାଲାୟାଲମ୍, କନ୍ନଡ, ହିନ୍ଦୀ ଏବଂ ଇଂରାଜୀ ସହିତ 10 ଟି ଭାଷାରେ 3Dରେ ରିଲିଜ କରିବ । 'କଙ୍ଗୁୱା' ଫିଲ୍ମ ବିଷୟରେ କହିବାକୁ ଗଲେ, ଜଣେ ସାହସୀ ଏବଂ ଶକ୍ତିଶାଳୀ ହିରୋଙ୍କ ଜୀବନୀ ଉପରେ ଆଧାରିତ । ଫିଲ୍ମରେ ଦିଶାଙ୍କ ଚରିତ୍ର ବି ଫୋକସ୍‌ରେ ରହିବ । K.E. ଷ୍ଟୁଡିଓ ଗ୍ରୀନ୍ ବ୍ରାଣ୍ଡ ସହ UV କ୍ରିଏସନ୍ ମିଶି ଏହି ଚଳଚ୍ଚିତ୍ର ନିର୍ମାଣ କରୁଛନ୍ତି ।