ହାଇଦ୍ରାବାଦ:ବଲିଉଡ ଅଭିନେତା ରାଜକୁମାର ରାଓ ଏବଂ ଅଭିନେତ୍ରୀ ଶ୍ରଦ୍ଧା କପୁରଙ୍କ ହରର କମେଡି ଚଳଚ୍ଚିତ୍ର 'ସ୍ତ୍ରୀ' ବକ୍ସ ଅଫିସରେ ଧମାକା କରିଥିଲା । ୨୦୧୮ରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିଥିଲା । ଏହାର ସଫଳତା ପରେ, ନିର୍ମାତାମାନେ 'ସ୍ତ୍ରୀ ୨' ଘୋଷଣା କରିଥଲେ । ଯାହାପରେ ଫ୍ୟାନ୍ସ ଫିଲ୍ମକୁ ନେଇ ଉତ୍ସାହର ଅପେକ୍ଷା କରିଥିଲେ । ଏହାରି ମଧ୍ୟରେ ବର୍ତ୍ତମାନ ନିର୍ମାତା ଫିଲ୍ମର ଟିଜର ରିଲିଜ କରିଛନ୍ତି । ଏହାସହ ଫିଲ୍ମର ରିଲିଜ ତାରିଖ ମଧ୍ୟ ପ୍ରକାଶ କରିଛନ୍ତି । ସ୍ୱାଧୀନତା ଦିବସରେ ରିଲିଜ ହେବ 'ସ୍ତ୍ରୀ ୨' ।
'ସ୍ତ୍ରୀ ୨' ଟିଜରରେ କ'ଣ ରହିଛି?
୧ ମିନିଟ ୩୦ ସେକେଣ୍ଡର ଟିଜର ଆରମ୍ଭରେ ଚନ୍ଦେରୀରେ ଜଣେ ମହିଳାଙ୍କ ପ୍ରତିମୂର୍ତ୍ତି ପ୍ରଦର୍ଶିତ ହୋଇଛି । ଏହି ପ୍ରତିମୂର୍ତ୍ତି ତଳେ ଲେଖା ହୋଇଛି, 'ମହିଳାମାନଙ୍କୁ ସୁରକ୍ଷା ଦିଅ ।' ଏହା ପରେ ରାଜକୁମାର ରାଓ, ଶ୍ରଦ୍ଧା କପୁର ଏବଂ ବାକି କାଷ୍ଟର ଝଲକ ଦେଖିବାକୁ ମିଳିଛି । ଟିଜରର ଗୋଟିଏ ଦୃଶ୍ୟରେ ଜଣେ ମହିଳା ପିଲାଙ୍କୁ ଭୟଭୀତ କରୁଥିବା ଦେଖାଯାଇଛି ଏବଂ ଶେଷରେ ଜଣେ ମହିଳାଙ୍କ ଭୟଙ୍କର ଦୃଶ୍ୟ ଦେଖିବାକୁ ମିଳେ ।
ସ୍ୱାଧୀନତା ଦିବସରେ ରିଲିଜ ହେବ 'ସ୍ତ୍ରୀ ୨'