ହାଇଦ୍ରାବାଦ:ବଲିଉଡ ଅଭିନେତା ସୋନୁ ସୁଦଙ୍କ ଫିଲ୍ମ 'ଫତେହ' ସିନେମା ହଲରେ ମୁକ୍ତିଲାଭ କରିଛି । ଏହି ଆକ୍ସନ ଫିଲ୍ମରେ ସୋନୁଙ୍କ ସହ ଜ୍ୟାକଲିନ ଫର୍ଣ୍ଣାଣ୍ଡିଜ୍ ମୁଖ୍ୟ ଭୂମିକାରେ ନଜର ଆସିଛନ୍ତି। ଏହି ଫିଲ୍ମ ସହ ସୋନୁ ସୁଦ ନିର୍ଦ୍ଦେଶନାରେ ଡେବ୍ୟୁ କରିଛନ୍ତି । ଏଥିସହ ଅଭିନେତା ନିଜେ ଏହି ଫିଲ୍ମ ଲେଖିବା ସହ ନିର୍ମାତା ମଧ୍ୟ ଅଟନ୍ତି । ତେବେ ଏହି ଫିଲ୍ମ ଆଜି ରିଲିଜ ହୋଇଥିବା ବେଳେ ରାମ ଚରଣଙ୍କ ଫିଲ୍ମ 'ଗେମ ଚେଞ୍ଜର' ସହ ପ୍ରତିଦ୍ୱନ୍ଦ୍ୱିତା କରୁଛି । ଏପରି ସମୟରେ ଦର୍ଶକଙ୍କୁ ଆକୃଷ୍ଟ କରିବା ପାଇଁ ସୋନୁ ସୁଦ ଟିକେଟ ମୂଲ୍ୟ ହ୍ରାସ କରିଛନ୍ତି । ମାତ୍ର ଏତିକି ଟଙ୍କାରେ ଦେଖିପାରିବେ ଫିଲ୍ମ, ଜାଣନ୍ତୁ କେତେ ଟିକେଟ ମୂଲ୍ୟ ?
ମାତ୍ର ଏତିକି ଟଙ୍କାରେ ଦେଖିପାରିବେ 'ଫତେହ'
ସୋନୁ ସୁଦ ଟିକେଟ୍ ମୂଲ୍ୟ ସମ୍ପର୍କରେ ଏକ ଘୋଷଣା କରିଛନ୍ତି। ଯାହା ଯୋଗୁଁ ଅନେକ ଲୋକ ଫିଲ୍ମ ଦେଖିବାକୁ ଯିବେ। ସୋନୁ ସୁଦ ପ୍ରଥମ ଦିନରେ 'ଫତେହ' ଟିକେଟର ମୂଲ୍ୟ ହ୍ରାସ କରିଛନ୍ତି । ଆପଣ ମାତ୍ର 99 ଟଙ୍କାରେ ଏହି ସିନେମା ଦେଖିପାରିବେ। ସୋନୁ ସୋସିଆଲ ମିଡିଆରେ ପୋଷ୍ଟ କରି ସିନେମାର ଟିକେଟ୍ ରିହାତି ବିଷୟରେ ସୂଚନା ସେୟାର କରି ଲେଖିଛନ୍ତି, 'ଚାଲ ଶୋ ଆରମ୍ଭ କରିବା । ଆଜି ମାତ୍ର 99 ଟଙ୍କାରେ ସବୁଠାରୁ ବଡ଼ ଆକ୍ସନ୍ ସିନେମା ଦେଖନ୍ତୁ। ତୁମର ଟିକେଟ୍ ବୁକ୍ କର ।'