ହାଇଦ୍ରାବାଦ: ଆଜି ୨୩ ଏପ୍ରିଲରେ ସାରା ଦେଶରେ ହନୁମାନ ଜୟନ୍ତୀ ପାଳନ କରାଯାଉଛି । ଏହା ବର୍ଷକୁ ଦୁଇଥର ପାଳନ କରାଯାଏ । ଏହି ଅବସରରେ ପ୍ରଶଂସକଙ୍କୁ ସାଉଥ ସିନେମାର ସୁପରହିଟ୍ ଫିଲ୍ମ 'ହନୁମାନ' ନିର୍ମାତା ଏକ ବଡ଼ ଉପହାର ଦେଇଛନ୍ତି । ଏଥିସହ ଜାନୁଆରୀ ୧୨ରେ ମକର ସଂକ୍ରାନ୍ତି ଅବସରରେ ରିଲିଜ ହୋଇଥିବା 'ହନୁମାନ' ପ୍ରେକ୍ଷାଳୟରେ ୧୦୦ଦିନ ପୂରଣ କରିଛି । ଆଜି ‘ହନୁମାନ’ ଥିଏଟରରେ ସ୍ୱତନ୍ତ୍ର ଶୋ' ଦେଖିପାରିବେ ଦର୍ଶକ । ଏଥିସହ ସନ୍ଧ୍ୟାରେ ନିର୍ମାତା ଆଉ କିଛି ଉପହାର ମଧ୍ୟ ଫ୍ୟାନ୍ସଙ୍କୁ ଭେଟି ଦେଇପାରନ୍ତି ।
ରିଲିଜ୍ ହେବାର ଚାରି ମାସ ପରେ ମଧ୍ୟ ଏହି ଚଳଚ୍ଚିତ୍ର ନେଇ ଚର୍ଚ୍ଚାରେ ରହିଛି । ଚଳଚ୍ଚିତ୍ରର କାହାଣୀ ଏବଂ ଭିଏଫଏକ୍ସ ଦର୍ଶକ ତଥା ଚଳଚ୍ଚିତ୍ର ସମାଲୋଚକଙ୍କ ଦୃଷ୍ଟି ଆକର୍ଷଣ କରିଥିଲା । ସ୍ୱଳ୍ପ ବଜେଟରେ ନିର୍ମିତ ଏହି ଚଳଚ୍ଚିତ୍ର ସାରା ବିଶ୍ୱରେ ବିପୁଳ ପରିମାଣର ଆୟ କରିଥିଲା । ବର୍ତ୍ତମାନ 'ହନୁମାନ'ର ନିର୍ମାତାମାନେ ମଧ୍ୟାହ୍ନ ୨ ଟାରେ AAA ସିନେମାରେ ଏକ ସ୍ୱତନ୍ତ୍ର ଶୋ' ଚଳାଇବାକୁ ଯାଉଛନ୍ତି ଏବଂ ନିର୍ମାତାମାନେ ମଧ୍ୟ ଆଜି ଅପରାହ୍ନ ୫ ଟାରେ ଏକ ସଫଳତା ସେଲିବ୍ରେସନ କରିବାକୁ ଯାଉଛନ୍ତି । କାରଣ ଆଜି'ହନୁମାନ' ଟିମ ପାଇଂ ଏହା ଏକ ଶୁଭଦିନ। ଆଜିର ଦିନରେ ଫିଲ୍ମକୁ ୧୦୦ଦିନ ପୂରିଛି । ତେବେ ସନ୍ଧ୍ୟାରେ ନିର୍ମାତାମାନେ ଫିଲ୍ମର ଦମଦାର ସଫଳତାକୁ ସେଲିବ୍ରେସନ କରିବାକୁ ଯାଉଛନ୍ତି । ନିର୍ମାତା ଏକ ପୋଷ୍ଟର ସହ ଏହି ସୂଚନା ଦେଇଛନ୍ତି ।