ହାଇଦ୍ରାବାଦ:ସିଦ୍ଧାର୍ଥ ମଲହୋତ୍ରାଙ୍କ ଆଗାମୀ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଯୋଦ୍ଧା' ପାଇଁ ପ୍ରସ୍ତୁତି କରୁଛନ୍ତି । କିଛି ଦିନ ପୂର୍ବରୁ ଫିଲ୍ମର ଟିଜର ରିଲିଜ ହୋଇଥିବା ବେଳେ ଫିଲ୍ମକୁ ନେଇ ବେଶ ଉତ୍ସାହର ସହ ଅପେକ୍ଷା କରିଛନ୍ତି ଫ୍ୟାନ୍ସ । ଏହାରି ମଧ୍ୟରେ ନିର୍ମାତା କରନ ଜୋହର ତାଙ୍କ ସୋସିଆଲ ମିଡିଡାରେ ସିଦ୍ଧାର୍ଥଙ୍କର ଏକ ନୂଆ ଲୁକ୍ ପୋଷ୍ଟର ସେୟାର କରି ଟ୍ରେଲର ରିଲିଜ ତାରିଖ ଘୋଷଣା କରିଛନ୍ତି । ଫିଲ୍ମରେ ସିଦ୍ଧାର୍ଥ ମଲହୋତ୍ରାଙ୍କ ସହିତ ରାଶି ଖାନ୍ନା ଓ ଦିଶା ପଟାନୀଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ ।
କରନ ଇନଷ୍ଟାଗ୍ରାମରେ ଆଜି (ରବିବାର) ଯୋଦ୍ଧାର ଟ୍ରେଲର ରିଲିଜ ତାରିଖ ଘୋଷଣା କରିଛନ୍ତି । ଯେଉଁଥିରେ ଏକ ଆକର୍ଷଣୀୟ ପୋଷ୍ଟର ସେୟାର କରିଛନ୍ତି । ଯେଉଁଥିରେ ସିଦ୍ଧାର୍ଥ ଜଣେ ସେନା ଅଧିକାରୀ ଭୂମିକାରେ ନଜର ଆସିଛନ୍ତି । ହାତରେ ବନ୍ଧୁକ ଧରି ଆକ୍ସନମୋଡରେ ଥିବା ଦେଖିବାକୁ ମିଳିଛି । ତେବେ ପୋଷ୍ଟର ସେୟାର କରି କରନ କ୍ୟାପସନରେ ଲେଖିଛନ୍ତି, ''ପ୍ରସ୍ତୁତ ଅଛନ୍ତି ନା ନାହିଁ...ଆକ୍ସନର ଓଲଟା ଗଣନା ଆରମ୍ଭ ହୋଇଯାଇଛି !! #ଯୋଦ୍ଧା ଟ୍ରେଲର ୪ ଦିନ ଭିତରେ ଆସିବାକୁ ଯାଉଛି ! ଯୋଦ୍ଧା ମାର୍ଚ୍ଚ ୧୫କୁ ପ୍ରେକ୍ଷାଳୟରେ ମୁକ୍ତିଲାଭ କରିବ ।"
ନିକଟରେ ଫିଲ୍ମର ଏକ ଗୀତ ' ଜିନ୍ଦେଗୀ ତେରୀ ନାମ' ରିଲିଜ ହୋଇଛି । ଯେଉଁଥିରେ ରାଶି ଖାନ୍ନା ଓ ସିଦ୍ଧାର୍ଥ ମଲହୋତ୍ରାଙ୍କୁ ଦେଖିବାକୁ ମିଳିଛି । ବିଶାଲ ମିଶ୍ର ଏହି ଗୀତ ଗାଇଥିବା ବେଳେ କୌଶଳ କିଶୋର ଏହି ଗୀତର ରଚନା କରିଛନ୍ତି । ଫିଲ୍ମର କାହାଣୀ ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ରରେ ଜଣେ ଏପରି ଯୋଦ୍ଧାଙ୍କର କାହାଣୀକୁ ଦର୍ଶାଯାଇଛି, ଯିଏ ବିମାନକୁ ହାଇଜାକ କରିଥିବା ଆତଙ୍କବାଦୀଙ୍କ ବିରୁଦ୍ଧରେ ଲଢି ବିମାନରେ ଉପସ୍ଥିତ ସମସ୍ତ ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରିଛନ୍ତି । ସିଦ୍ଧାର୍ଥ ମଲହୋତ୍ରା ଏହି ଯୋଦ୍ଧା ସେନା ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ର ପୂର୍ବରୁ ସିଦ୍ଧାର୍ଥ 'ଶେରଶାହା'ରେ ଜଣେ ସେନା ଭୂମିକାରେ ଅଭିନୟ କରିଥିଲେ ।
ଏହା ମଧ୍ୟ ପଢନ୍ତୁ- ରିଲିଜ ହେଲା 'ଯୋଦ୍ଧା' ଟିଜର, ଆକ୍ସନ ଅବତାରରେ ସିଦ୍ଧାର୍ଥ ମଲହୋତ୍ରା
କହିରଖୁଛୁ କି, ସିଦ୍ଧାର୍ଥ ମଲହୋତ୍ରାଙ୍କ ଫିଲ୍ମ 'ଯୋଦ୍ଧା' ପୂର୍ବରୁ ୮ ଡିସେମ୍ବର ୨୦୨୩ରେ ରିଲିଜ ହେବାର ଥିଲା । କିନ୍ତୁ ନିର୍ମାତା ଏହାର ରିଲିଜ ତାରିଖ ଘୁଞ୍ଚାଇଥିଲେ । ଏହି ଫିଲ୍ମ ବର୍ତ୍ତମାନ ଚଳିତ ବର୍ଷ ୧୫ ମାର୍ଚ୍ଚରେ ସିନେମା ହଲରେ ରିଲିଜ ହେବ । ପୁଷ୍କର ଓଝା ଏବଂ ସାଗର ଆମ୍ବରେ ମିଳିତ ଉଦ୍ୟମରେ ଏହି ଫିଲ୍ମକୁ ପ୍ରସ୍ତୁତ କରୁଥିବା ବେଳେ କରଣ ଜୋହର ଏହାର ନିର୍ମାତା ଅଟନ୍ତି । ତେବେ ଏହି ଚଳଚ୍ଚିତ୍ରରେ ଦିଶା ପଟାନୀ ଏବଂ ରାଶି ଖାନ୍ନା ପ୍ରଥମ ଥର ପାଇଁ ସିଦ୍ଧାର୍ଥ ମଲହୋତ୍ରାଙ୍କ ସହ ସ୍କ୍ରିନ୍ ସେୟାର୍ କରିବେ । ଏଥିସହ ଫିଲ୍ମରେ ସୁନୀଲ ସେଟ୍ଟୀଙ୍କୁ ମଧ୍ୟ ଦେଖିବାକୁ ମିଳିବ ।
