ହାଇଦ୍ରାବାଦ: 'ତେରୀ ବାତୋଁ ମେ ଏସା ଉଲଝା ଜିଆ' ପରେ ସ୍କ୍ରିନରେ ପୁଣି ଧମାକା କରିବାକୁ ପ୍ରସ୍ତୁତ ସାହିଦ କପୁର । ବର୍ତ୍ତମାନ ଆଗାମୀ ଫିଲ୍ମର ନାଁ ଘୋଷଣା ହୋଇଛି । 'ଅଶ୍ୱତ୍ଥାମା- ଦ ସାଗା କଣ୍ଟିନ୍ୟୁଜ' ଫିଲ୍ମରେ ନଜର ଆସିବେ ସାହିଦ କପୁର । ଏହା ପୌରାଣିକ ଫିଲ୍ମ ହୋଇଥିବା ବେଳେ ପ୍ରଥମ ଥର ପାଇଁ ସାହିଦ ଏହି ଫିଲ୍ମ ମୁଖ୍ୟ ଭୂମିକାରେ ଅଭିନୟ କରିବେ ।
କିଛି ସମୟ ପୂର୍ବରୁ ଖବର ଆସିଥିଲା ଯେ ସାହିଦ କପୁର ତାଙ୍କ ପରବର୍ତ୍ତୀ ଚଳଚ୍ଚିତ୍ର ପାଇଁ ନିର୍ମାତା ବସୁ ଭଗ୍ନାନୀଙ୍କ ସହ ହାତ ମିଳାଇଛନ୍ତି । ବର୍ତ୍ତମାନ ସେ ଖବର ନିଶ୍ଚିତ ହୋଇଛି । ପୂଜା ଏଣ୍ଟରଟେନମେଣ୍ଟ ବ୍ୟାନରରେ ଏହା ପ୍ରସ୍ତୁତ କରାଯାଉଥିବା ବେଳେ ବସୁ ଭଗ୍ନାନୀ, ଜ୍ୟାକି ଭଗ୍ନାନୀ ଏବଂ ଦୀପଶିଖା ଦେଶମୁଖଙ୍କ ଫିଲ୍ମ ନିର୍ମିତ କରୁଛନ୍ତି । ଏହି ଫିଲ୍ମରେ ସାହିଦ କପୁର ମହାଭାରତର ଅମର ଯୋଦ୍ଧା ଅଶ୍ୱତ୍ଥାମାଙ୍କ ଭୂମିକାରେ ନଜର ଆସିବେ। ସେପଟେ ଏହି ଫିଲ୍ମ ବଡ ପରଦାରେ ରିଲିଜ୍ ପରେ ଏହା ପ୍ରାଇମ ଭିଡିଓରେ ଷ୍ଟ୍ରିମ ହେବ ବୋଲି ମଧ୍ୟ ଜଣାପଡିଛି । ଗତକାଲି ଆମାଜନ ପ୍ରାଇମ ଭିଡିଓ ଆୟୋଜିତ ଏକ ଇଭେଣ୍ଟରେ ଏହା ଘୋଷଣା କରିଛି ।
ବିକି କୌଶଲଙ୍କୁ ରିପ୍ଲେସ କଲେ ସାହିଦ
ଚଳଚ୍ଚିତ୍ର 'ଅଶ୍ୱତ୍ଥାମା: ଦ ସାଗା କଣ୍ଟିନ୍ୟୁଜ' ବିଷୟରେ ବର୍ଷ ବର୍ଷ ଧରି ଆଲୋଚନା ହୋଇଆସୁଥିଲା । ଏହାକୁ 'ଉରି: ଦି ସର୍ଜିକାଲ୍ ଷ୍ଟ୍ରାଇକ୍' ଚଳଚ୍ଚିତ୍ରର ନିର୍ଦ୍ଦେଶକ ଆଦିତ୍ୟ ଧର ପ୍ରସ୍ତୁତ କରିବେ ଏବଂ ବିକି କୌଶଲ ଏଥିରେ ଅଭିନୟ କରିବେ । ହେଲେ ଫିଲ୍ମ 'ଆର୍ଟିକିଲ 370' ର ଟ୍ରେଲର ଲଞ୍ଚ ସମୟରେ ଆଦିତ୍ୟ ଧର ଘୋଷଣା କରିଥିଲେ ଯେ ସେ ଆଉ ଏହି ଚଳଚ୍ଚିତ୍ର ନିର୍ମାଣ କରୁନାହାଁନ୍ତି । ତାଙ୍କ ଟିମ ସ୍ୱୀକାର କରିଥିଲେ ଯେ ବଜେଟ୍ ଅଭାବରୁ ଏହାକୁ ପ୍ରସ୍ତୁତ କରିବା ଅସମ୍ଭବ।
ଏହା ମଧ୍ୟ ପଢନ୍ତୁ:'ସିଟାଡେଲ' ପ୍ରଥମ ପୋଷ୍ଟର ଆଉଟ୍, OTTରେ ଧମାକା କରିବେ ସାମନ୍ଥା-ବରୁଣ
ଏହି ଦିନ ହେବ 'ଅଶ୍ୱତ୍ଥାମା: ଦ ସାଗା କଣ୍ଟିନ୍ୟୁଜ' ରିଲିଜ
'ଅଶ୍ୱତ୍ଥାମା: ଦ ସାଗା କଣ୍ଟିନ୍ୟୁଜ' ବର୍ତ୍ତମାନ ନିର୍ଦ୍ଦେଶକ ସଚିନ ରବି ନିର୍ଦ୍ଦେଶନା ଦେବେ । ଏହି ଫିଲ୍ମ ଏକ ପ୍ୟାନ୍ ଇଣ୍ଡିଆ ଚଳଚ୍ଚିତ୍ର ହେବ। ହିନ୍ଦୀ ବ୍ୟତୀତ ଏହା ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡରେ ରିଲିଜ ହେବ । ସାହିଦଙ୍କ ବ୍ୟତୀତ ଦେଶର ବିଭିନ୍ନ ଚଳଚ୍ଚିତ୍ର ଇଣ୍ଡଷ୍ଟ୍ରିର କଳାକାରମାନେ ଏହି ଚଳଚ୍ଚିତ୍ରରେ ଅଭିନୟ କରିବେ । ଏହି ଚଳଚ୍ଚିତ୍ର ୨୦୨୬ ମସିହାରେ ରିଲିଜ ହୋଇପାରେ ।
