ହାଇଦ୍ରାବାଦ:ବିପଦରେବଲିଉଡ ଭାଇଜାନ ସଲମାନ ଖାନଙ୍କ ଜୀବନ । ବାବା ସିଦ୍ଦିକିଙ୍କ ହତ୍ୟା ପରେ ଅଭିନେତାଙ୍କୁ ଲରେନ୍ସ ବିଷ୍ନୌଇ ଗ୍ୟାଙ୍ଗରୁ ଅନେକ ଥର ହତ୍ୟା ଧମକ ମିଳୁଛି । ଯାହା ପରେ ତାଙ୍କ ସୁରକ୍ଷା ବୃଦ୍ଧି କରାଯାଇଥିଲେ ହେଁ ବର୍ତ୍ତମାନ ଆଜି ପୁଣି ଥରେ ଲରେନ୍ସ ବିଷ୍ନୌଇ ଗ୍ୟାଙ୍ଗରୁ ସଲମାନଙ୍କୁ ହତ୍ୟା ଧମକ ମିଳିଛି । ମୁମ୍ବାଇର ଟ୍ରାଫିକ କଣ୍ଟ୍ରୋଲ ରୁମକୁ ସଲମାନଙ୍କ ପାଇଁ ଏକ ଧମକପୂର୍ଣ୍ଣ ମେସେଜ ଆସିଛି । ଗୁରୁବାର ରାତି ପ୍ରାୟ 12:00 ସମୟରେ କଣ୍ଟ୍ରୋଲ ରୁମକୁ ଏକ ଧମକପୂର୍ଣ୍ଣ ମେସେଜ ମିଳିଥିଲା । ଏଥିରେ ଲେଖାଯାଇଛି ଯେ ସଲମାନ ଖାନ ଏବଂ ଲରେନ୍ସ ବିଷ୍ଣୌଇ ଉପରେ ଏକ ଗୀତ ଲେଖାଯାଇଛି । ତାକୁ ଛଡ଼ା ଯିବ ନାହିଁ । ତେବେ ସଲମାନ ଖାନଙ୍କୁ ପଠାଯାଇଥିବା ଧମକପୂର୍ଣ୍ଣ ମେସେଜରେ କ'ଣ ଲେଖା ହୋଇଛି, ଜାଣନ୍ତୁ...
ଧମକପୂର୍ଣ୍ଣ ମେସେଜରେ ଏହା ଲେଖାହୋଇଛି....
ଧମକପୂର୍ଣ୍ଣ ମେସେଜରେ ଲେଖାହୋଇଛି, ''ଏକ ମାସ ମଧ୍ୟରେ ଗୀତ ଲେଖକଙ୍କୁ ହତ୍ୟା କରାଯିବ, ଗୀତ ଲେଖକଙ୍କ ଅବସ୍ଥା ଏପରି ହେବ ଯେ ସେ ନିଜ ନାମରେ ଗୀତ ଲେଖିପାରିବେ ନାହିଁ। ଯଦି ସଲମାନ ଖାନଙ୍କର ସାହସ ଅଛି ତେବେ ସେ ତାଙ୍କୁ ବଞ୍ଚାଇ ଦେଖାନ୍ତୁ ।'' ଏହି ଧମକପୂର୍ଣ୍ଣ ମେସେଜ ନେଇ ମୁମ୍ବାଇ ପୋଲିସ ବର୍ତ୍ତମାନ ଜଣେ ଅଜଣା ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରିଛି । ସଲମାନ ଖାନଙ୍କ ଦ୍ୱାରା ମିଳିଥିବା ନୂତନ ଧମକକୁ ନେଇ ମୁମ୍ବାଇର ୱର୍ଲି ପୋଲିସରେ ଏକ ମାମଲା ରୁଜୁ ହୋଇଛି । ବର୍ତ୍ତମାନ ଧମକ ଦେଇଥିବା ବ୍ୟକ୍ତିଙ୍କୁ ପୋଲିସ ଖୋଜିବା ସହ ଘଟଣାର ତଦନ୍ତ ଆରମ୍ଭ କରିଛି ।
ଏହା ମଧ୍ୟ ପଢନ୍ତୁ:'5 କୋଟି ଦିଅ କିମ୍ୱା ମନ୍ଦିରରେ କ୍ଷମା ମାଗ ନହେଲେ...' ସଲମାନ ଖାନଙ୍କୁ ପୁଣି ମିଳିଲା ହତ୍ୟା ଧମକ
ସଲମାନ ଖାନ କେଉଁଠାରେ ଅଛନ୍ତି ?