ହାଇଦ୍ରାବାଦ:'ପୁଷ୍ପା 2: ଦ ରୁଲ'ର କ୍ରେଜ ବକ୍ସ ଅଫିସରେ କମିବାର ନଧରୁନି । ଅଲ୍ଲୁ ଅର୍ଜୁନ ଷ୍ଟାରର ଫିଲ୍ମ ଡିସେମ୍ବର 5 ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ଏବଂ ରିଲିଜ ହେବାର 28 ଦିନ ବିତିଗଲାଣି । ଏତେ ଦିନର ରିଲିଜ୍ ପରେ ମଧ୍ୟ 'ପୁଷ୍ପା ୨' ବକ୍ସ ଅଫିସରେ ପ୍ରତିଦିନ କୋଟି ଟଙ୍କା ରୋଜଗାର କରୁଛି। ନୂଆ ବର୍ଷରେ ଫିଲ୍ମର ରୋଜଗାର ପୁଣି ଥରେ ବୃଦ୍ଧି ପାଇଛି । ଫିଲ୍ମ ମୋଟାଅଙ୍କର ଆୟ କରି 1200 କୋଟି ପାଖାପାଖି ଆୟ କରିଛି ।
'ପୁଷ୍ପା 2' କଲେକ୍ସନ
ସାକନିକଙ୍କ ରିପୋର୍ଟ ଅନୁଯାୟୀ, 'ପୁଷ୍ପା 2' 27 ଦିନ ମଧ୍ୟରେ ଘରୋଇ ବକ୍ସ ଅଫିସରେ ମୋଟ 1171.6 କୋଟି ଟଙ୍କା ବ୍ୟବସାୟ କରିଥିଲା। ବର୍ତ୍ତମାନ 28 ତମ ଦିନ ଅର୍ଥାତ୍ ନୂତନ ବର୍ଷର ପ୍ରଥମ ଦିନ 13.15 କୋଟି ଟଙ୍କା ରୋଜଗାର କରିଛି । ଏହା ସହ ଫିଲ୍ମ ଘରୋଇ ବକ୍ସ ଅଫିସରେ ମୋଟ 1184.65 କୋଟି ବ୍ୟବସାୟ କରିଛି । ତେବେ ଖୁବଶୀଘ୍ର ଫିଲ୍ମ 1200 କୋଟି ଟଙ୍କାର କ୍ଲବରେ ପ୍ରବେଶ କରିବାକୁ ନିକଟତର ହୋଇଛି।
ସମଗ୍ର ବିଶ୍ୱରେ ଇତିହାସ ରଚିବ 'ପୁଷ୍ପା 2'
ଅଲ୍ଲୁ ଅର୍ଜୁନଙ୍କ ଅଭିନୀତ ଚଳଚ୍ଚିତ୍ର 'ପୁଷ୍ପା 2' ମଧ୍ୟ ସାରା ବିଶ୍ୱରେ ରେକର୍ଡ ଭାଙ୍ଗୁଛି । ଏହି ଫିଲ୍ମ ଏପର୍ଯ୍ୟନ୍ତ 1760 କୋଟି ଟଙ୍କାର ଚମତ୍କାର ଆୟ କରିଛି । ଏହି କଲେକ୍ସନ ସହ ଚଳଚ୍ଚିତ୍ର 'ବାହୁବଲୀ 2'ର ବିଶ୍ୱବ୍ୟାପୀ କଲେକ୍ସନ ପାଖାପାଖି ଆୟ କରିଛି । ପ୍ରଭାସଙ୍କ ଫିଲ୍ମ ସାରା ବିଶ୍ୱରେ 1788.06 କୋଟି ଟଙ୍କା ଆୟ କରିଥିଲା । ବର୍ତ୍ତମାନ ସୁଦ୍ଧା 'ପୁଷ୍ପା 2' , ପ୍ରଭାସଙ୍କ 'କଲ୍କି 2898AD' (1,042.25 କୋଟି), 'କେଜିଏଫ୍: ଚାର୍ପ୍ଟର 2'(1215 କୋଟି), 'RRR' (1230 କୋଟି ଟଙ୍କା), 'ଜବାନ' (1160 କୋଟି ଟଙ୍କା)ର ଆଜୀବନ ବ୍ୟବସାୟକୁ ପଛରେ ପକାଇଛି ।
ଏହା ମଧ୍ୟ ପଢନ୍ତୁ:'ପୁଷ୍ପା 2' ସ୍କ୍ରିନିଂରେ ଦଳାଚକଟା ଘଟଣା ପରେ ଚେତିଲେ ୟଶ, ଜନ୍ମଦିନ ପୂର୍ବରୁ ଫ୍ୟାନ୍ସଙ୍କୁ କଲେ ଏହା ଅପିଲ୍
'ପୁଷ୍ପା 2' ଓଟିଟିରେ କେବେ ରିଲିଜ ହେବ ?
ରିପୋର୍ଟ ଅନୁସାରେ, 'ପୁଷ୍ପା 2' ଫିଲ୍ମ ଜାନୁଆରୀ 23 ରେ ନେଟଫ୍ଲିକ୍ସରେ ମୁକ୍ତିଲାଭ କରିବାକୁ ଯାଉଛି । ତେବେ ଏପର୍ଯ୍ୟନ୍ତ କୌଣସି ଅଫିସଆଲ ସୂଚନା ଦିଆଯାଇନାହିଁ । 'ପୁଷ୍ପା ୨' ଏହାର ଡିଜିଟାଲ ଅଧିକାରକୁ କୋଟି ଟଙ୍କାରେ ବିକ୍ରି କରିଥିବା ଜଣାପଡିଛି । ସୂଚନାଯୋଗ୍ୟ ଯେ ପୁଷ୍ପା ୨ ରିଲିଜ୍ ହେବାର ଦୁଇ ମାସ ମଧ୍ୟରେ OTT ରେ ରିଲିଜ୍ ହେବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
