ହାଇଦ୍ରାବାଦ: 'ପୁଷ୍ପା ୨: ଦ ରୁଲ'ର ପ୍ରିମିୟର୍ ସମୟରେ ଅଲ୍ଲୁ ଅର୍ଜୁନଙ୍କ ଜଣେ ଫ୍ୟାନ୍ସର ମୃତ୍ୟୁ ଘଟଣା ମନରୁ ଲିଭିନଥିବା ବେଳେ ପୁଣି 'ଗେମ ଚେଞ୍ଜର' ପ୍ରି-ରିଲିଜ ଇଭେଣ୍ଟରେ ଯୋଗଦେବା ପରେ 2 ଫ୍ୟାନ୍ସଙ୍କ ମୃତ୍ୟୁ ହୋଇଛି । ଅଲ୍ଲୁ ଅର୍ଜୁନଙ୍କ ଫ୍ୟାନ୍ସ ମୃତ୍ୟୁର ଏକ ମାସ ପରେ ରାଜମନ୍ଦୁରୀରେ ରାମ ଚରଣଙ୍କ ଚଳଚ୍ଚିତ୍ର 'ଗେମ୍ ଚେଞ୍ଜର'ର ପ୍ରି-ରିଲିଜ୍ କାର୍ଯ୍ୟକ୍ରମରେ ଯୋଗଦେବା ପରେ ଦୁଇ ପ୍ରଶଂସକଙ୍କର ମୃତ୍ୟୁ ଘଟିଛି । ଏହି କାର୍ଯ୍ୟକ୍ରମରେ ଏପି ଡେପୁଟି ସିଏମ୍ ପୱନ କଲ୍ୟାଣ ମଧ୍ୟ ଭାଗ ନେଇଥିଲେ। ତେବେ ଏହି ଦୁଃଖଦ ଘଟଣା ନେଇ ଫିଲ୍ମର ନିର୍ମାତା, ରାମଚରଣ ଏବଂ ପୱନ କଲ୍ୟାଣ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ ଆର୍ଥିକ ସହାୟତା ପ୍ରଦାନ କରିଛନ୍ତି ।
Producer #DilRaju garu announced ₹10 lakhs and assured support to the families of the two individuals Aarava Manikanta & Thokaada Charan who tragically lost their lives in the accident following the #GameChanger event. Our deepest condolences to their loved ones in this…
— Sri Venkateswara Creations (@SVC_official) January 6, 2025
ସଡ଼କ ଦୁର୍ଘଟଣାରେ ଦୁଇ ଫ୍ୟାନ୍ସଙ୍କ ଗଲା ଜୀବନ
ଅଭିନେତା ରାମ ଚରଣଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଗେମ୍ ଚେଞ୍ଜରର ପ୍ରି-ରିଲିଜ୍ ଇଭେଣ୍ଟର ଯୋଗ ଦେଇ ଘରକୁ ଫେରୁଥିବା ବେଳେ ସଡ଼କ ଦୁର୍ଘଟଣାର ଶିକାର ହୋଇଥିଲେ ଦୁଇ ଫ୍ୟାନ୍ସ । ଏହି ଘଟଣା ଡିସେମ୍ବର 4 ରେ ରାଜହମୁଣ୍ଡ୍ରିରେ ହୋଇଥିଲା । ଇଭେଣ୍ଟରୁ ଘରକୁ ଫେରୁଥିବାବେଳେ କାକିଣ୍ଡା ଜିଲ୍ଲାର ବାସିନ୍ଦା ଅରଭା ମାଣିକାନ୍ତ (23) ଏବଂ ଥୋକଡା ଚରଣ (22) ଏକ ବାଇକ୍ ଯୋଗେ ରାତି ପ୍ରାୟ 9:30 ସମୟରେ ଭାଡିସାଲେରୁ ନିକଟରେ ଏକ ଭ୍ୟାନ୍ ସହ ଧକ୍କା ଦେଇଥିଲେ। ପେଡାପୁରାମ ଡାକ୍ତରଖାନାକୁ ନିଆଯିବା ସତ୍ତ୍ୱେ ଉଭୟଙ୍କର ମୃତ୍ୟୁ ଘଟିଛି।
ఏడీబీ రోడ్డుపై ప్రమాదంలో యువకుల మృతి బాధాకరం
— Pawan Kalyan (@PawanKalyan) January 6, 2025
కాకినాడ – రాజమహేంద్రవరం నగరాల మధ్య ఉన్న ఏడీబీ రోడ్డు ఛిద్రమైపోయింది. గత అయిదేళ్ళల్లో ఈ రోడ్డు గురించి పట్టించుకోలేదు. పాడైపోయిన ఈ రోడ్డును బాగు చేస్తున్నారు. ఈ దశలో ఏడీబీ రోడ్డుపై చోటు చేసుకున్నా ప్రమాదంలో ఇద్దరు యువకులు దుర్మరణం…
ରାମ ଚରଣ-ପୱନ କଲ୍ୟାଣ କଲେ ଆର୍ଥିକ ସହାୟତା
ଏହି ଘଟଣାରେ ପ୍ରତିକ୍ରିୟା ପ୍ରକାଶ କରି ଚଳଚ୍ଚିତ୍ର ନିର୍ମାତା ଦିଲ ରାଜୁ ସମବେଦନା ଜଣାଇ କହିଛନ୍ତି, 'ମୁଁ ଜାଣିବାକୁ ପାଇଲି ଯେ ଘଟଣା ପରେ ଫେରିବା ସମୟରେ ଦୁଇଜଣ ପ୍ରଶଂସକ ମୃତ୍ୟୁ ହୋଇଛି। ମୁଁ ପ୍ରାର୍ଥନା କରୁଛି ଯେ ତାଙ୍କ ଆତ୍ମାକୁ ଶାନ୍ତି ମିଳୁ ଏବଂ ଆମେ ଉଭୟ ପରିବାର ସହ ଅଛୁ ଓ ସେମାନଙ୍କୁ ସମର୍ଥନ କରିବୁ। ମୁଁ ଉଭୟଙ୍କୁ 5-5 ଲକ୍ଷ ଟଙ୍କା ସହାୟତା ପ୍ରଦାନ କରୁଛି ।' ସେହିପରି ପୱନ କଲ୍ୟାଣ ଏବଂ ରାମ ଚରଣ ମଧ୍ୟ ପ୍ରତ୍ୟେକ ପରିବାରକୁ 5 ଲକ୍ଷ ଟଙ୍କା ଲେଖାଏଁ ଆର୍ଥିକ ସହାୟତା ଘୋଷଣା କରିଛନ୍ତି।
ଏହା ମଧ୍ୟ ପଢନ୍ତୁ: 'ଗେମ ଚେଞ୍ଜର' ଟ୍ରେଲର ରିଲିଜ, ଦେଖିବାକୁ ମିଳିଲା ରାମ ଚରଣଙ୍କ ସ୍ୱାଗ୍
Our heartfelt condolences go out to the loved ones of Shri. Manikanta and Shri. Charan during these challenging times. 🙏🏼
— Game Changer (@GameChangerOffl) January 6, 2025
Producer Dil Raju Garu has pledged ₹10 lakhs and assured his support to the families of the two individuals who tragically lost their lives in the accident…
ଏହି ଦିନ ପରଦାକୁ ଆସିବ 'ଗେମ ଚେଞ୍ଜର'
ରାମ ଚରଣଙ୍କ 'ଗେମ୍ ଚେଞ୍ଜର'ର ରନ୍ ସମୟ ହେଉଛି 2 ଘଣ୍ଟା 45 ମିନିଟ୍ । ଗେମ୍ ଚେଞ୍ଜର 10 ଜାନୁଆରୀରେ ସାରା ବିଶ୍ୱରେ ମୁକ୍ତିଲାଭ କରିବାକୁ ଯାଉଛି । ଏହି ଚଳଚ୍ଚିତ୍ରରେ ରାମ ଚରଣ ଜଣେ ଆଇଏଏସ୍ ଅଧିକାରୀଙ୍କ ଭୂମିକାରେ ନଜର ଆସିବେ, ଯିଏ ନିର୍ବାଚନରେ ଦୁର୍ନୀତି ଏବଂ ଚୋରୀକୁ ରୋକିବେ। ନିର୍ଦ୍ଦେଶକ ଶଙ୍କର ଏହାର ନିର୍ଦ୍ଦେଶନା ଦେଇଛନ୍ତି। ଯିଏ ପୂର୍ବରୁ 'ହିନ୍ଦୁସ୍ତାନୀ', 'ଇଣ୍ଡିଆନ୍ ୨', 'ଅପରିଚିତ', 'ରୋବଟ୍' ଭଳି ହିଟ୍ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି। ଶ୍ରୀ ଭେଙ୍କଟେଶ୍ୱର କ୍ରିଏସନ୍ ଦ୍ୱାରା ନିର୍ମିତ କରିଥିବା ବେଳେ ଏଥିରେ ରାମ ଚରଣଙ୍କ ବ୍ୟତୀତ କିଆରା ଆଡଭାନୀ, ଅଞ୍ଜଲି, ଏସ.ଜେ ସୂର୍ଯ୍ୟ, ଶ୍ରୀକାନ୍ତ, ଜୟରାମ, ସୁନୀଲ, ସାମୁଥିରକାନି ଏବଂ ନାସରଙ୍କୁ ପ୍ରମୁଖ କଳାକାର ପ୍ରମୁଖ ଭୂମିକାରେ ଦେଖିବାକୁ ମିଳିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
