ମୁମ୍ବାଇ: ଜବାନ ଫିଲ୍ମ ସହିତ ବଲିଉଡରେ ଡେବ୍ୟୁ କରିଥିଲେ ଦକ୍ଷିଣ ଅଭିନେତ୍ରୀ ନୟନତାରା । ଫିଲ୍ମ 'ଜବାନ'ର ସଫଳତା ପରେ 'ଅନ୍ନପୁରାନୀ'କୁ ନେଇ ମଧ୍ୟ ଦର୍ଶକଙ୍କ ଠାରୁ ବେଶ୍ ପ୍ରଶଂସା ସାଉଁଣ୍ଟିଛନ୍ତି । ଏହାରି ମଧ୍ୟରେ ଅଭିନେତ୍ରୀ ସ୍ବାମୀ ବିଗ୍ନେଶ ଶିବନଙ୍କ ସହ ଛୁଟି କଟାଉଥିବା ନଜର ଆସିଛି । ଯାହାର ଏକ ଫଟୋ ଅଭିନେତ୍ରୀ ତାଙ୍କ ସୋସିଆଲ ମିଡିଆରେ ସେୟାର କରିଛନ୍ତି । ଯେଉଁଥିରେ ଉଭୟ ରୋମାଣ୍ଟିକ ଅନ୍ଦାଜରେ ପୋଜ ଦେଇଥିବାର ଦେଖିବାକୁ ମିଳିଛି ।
ଲୋକପ୍ରିୟ ଦମ୍ପତିଙ୍କ ମଧ୍ୟରୁ ଅନ୍ୟତମ ନୟନତାରା ଓ ବିଘ୍ନେଶ । ଉଭୟ ସୋସିଆଲ ମିଡିଆରେ ତାଙ୍କର କିଛି ନା କିଛି ଫଟୋ ସେୟାର କରିଥାନ୍ତି । ଏହି ସମୟରେ ନୟନଥାରା ତାଙ୍କ ଇନଷ୍ଟାଗ୍ରାମ ଆକାଉଣ୍ଟର ଷ୍ଟୋରୀରେ ଏକ ବ୍ଲାକ ଆଣ୍ଡ ହ୍ବାଇଟର ଏକ ସୁନ୍ଦର ଫଟୋ ସେୟାର କରିଛନ୍ତି । ଫଟୋ ସେୟାର କରି ଅଭିନେତ୍ରୀ କ୍ୟାପସନରେ ଲେଖିଛନ୍ତି, 'ମୋର ପ୍ରିୟ ମଣିଷ, ଏତେ ଭଲ ପାଇବା ପାଇଁ ଧନ୍ୟବାଦ ।' ଫଟୋରେ ଦୁହେଁ ପରସ୍ପର ସହିତ ସୁନ୍ଦର ଭାବରେ ପୋଜ୍ କରୁଥିବା ନଜର ଆସିଛନ୍ତି । ଫଟୋ ସହିତ ଉଭୟଙ୍କୁ 2016 ଚଳଚ୍ଚିତ୍ର 'ବାର ବାର ଦେଖୋ'ର 'ଖୋ ଗଏ ହମ୍ କାହା 'ଗୀତରେ ହଜିଯାଇଥିବା ଦେଖିବାକୁ ମିଳିଥିଲା । ଉଭୟ ଫଟୋରେ ପରସ୍ପରର ହାତ ଧରିଥିବାର ନଜର ଆସିଛନ୍ତି ।