ହାଇଦ୍ରାବାଦ:ବଲିଉଡ ସୁପରଷ୍ଟାର ଶାହାରୁଖ ଖାନଙ୍କୁ ହତ୍ୟା ଧମକ ମାମଲା । ଘଟଣାରେ ମୁମ୍ବାଇ ପୋଲିସ ମଙ୍ଗଳବାର ଛତିଶଗଡର ଜଣେ ବ୍ୟକ୍ତିଙ୍କୁ ଗିରଫ କରିଛି। ବର୍ତ୍ତମାନ ଏହି ଅଭିଯୁକ୍ତଙ୍କୁ ଛତିଶଗଡରୁ ମୁମ୍ବାଇ ପୋଲିସ ଗିରଫ କରିଛି ଏବଂ ତାଙ୍କୁ କ୍ରମାଗତ ପଚରାଉଚରା କରୁଛି । ବର୍ତ୍ତମାନ ଏହି ମାମଲାରେ ମୁମ୍ବାଇ ପୋଲିସ ପକ୍ଷରୁ ଏକ ବିବୃତ୍ତି ମଧ୍ୟ ସାମ୍ନାକୁ ଆସିଛି ଏବଂ ପଚରାଉଚରା ବେଳେ ଶାହାରୁଖଙ୍କୁ ଧମକ ଦେଇଥିବା ଅଭିଯୁକ୍ତଙ୍କ ବିଷୟରେ ସୂଚନା ମଧ୍ୟ ଦିଆଯାଇଛି ।
ଶାହାରୁଖ ଖାନଙ୍କୁ ହତ୍ୟା ଧମକ ଘଟଣାରେ ଜଣେ ଗିରଫ
ରାୟପୁର ଏସଏସପି ସନ୍ତୋଷ ସିଂ କହିଛନ୍ତି, 'ମୁମ୍ବାଇରୁ ବାନ୍ଦ୍ରା ପୋଲିସର ଏକ ଟିମ୍ ପଣ୍ଡରି ପୋଲିସ ଷ୍ଟେସନରେ ପହଞ୍ଚିଥିଲେ। ଅଭିନେତା ଶାହାରୁଖ ଖାନଙ୍କୁ ଧମକ ଦେବା ପାଇଁ ସେମାନେ ଫୈଜାନ ଖାନଙ୍କୁ ଗିରଫ କରିଛନ୍ତି। ତାଙ୍କୁ କିଛି ଦିନ ପୂର୍ବରୁ ନୋଟିସ ଦିଆଯାଇଥିଲା। ଅନୁସନ୍ଧାନ ପରେ ତାଙ୍କୁ ଦୋଷୀ ସାବ୍ୟସ୍ତ କରାଯାଇ ଗିରଫ କରାଯାଇଛି। ଟ୍ରାଞ୍ଜିଟ୍ ରିମାଣ୍ଡରେ ତାଙ୍କୁ ମୁମ୍ବାଇ ନିଆଯାଇଛି। ତାଙ୍କ ବିରୋଧରେ ଆକ୍ରମଣର ଏକ ମାମଲା ରୁଜୁ ହୋଇସାରିଛି । ଅଭିଯୁକ୍ତ ପେଶାରେ ଜଣେ ଓକିଲ ଥିବା ଜଣାପଡିଛି ।
ଏହା ମଧ୍ୟ ପଢନ୍ତୁ:ଶାହାରୁଖ ଖାନଙ୍କୁ ହତ୍ୟା ଧମକ, ସଲମାନଙ୍କ ପରେ ଏବେ ଟାର୍ଗେଟରେ କିଙ୍ଗ ଖାନ
ଅଭିଯୁକ୍ତକୁ ପଚରାଉଚରା କରୁଛି ପୋଲିସ