ହାଇଦ୍ରାବାଦ: ଆସନ୍ତାକାଲି (ମାର୍ଚ୍ଚ ୮)ରେ ସାରା ବିଶ୍ୱରେ ପାଳିତ ହେବ ଅନ୍ତର୍ଜାତୀୟ ମହିଳା ଦିବସ । ଏହି ଦିବସକୁ ପାଳନ କରିବାକୁ ସମସ୍ତେ ବେଶ ଉତ୍ସାହିତ ରହିଛନ୍ତି । ଏହି ବିଶେଷ ଅବସରରେ ବର୍ତ୍ତମାନ ନିର୍ମାତା କିରଣ ରାଓ ତାଙ୍କ ଫ୍ୟାନ୍ସଙ୍କୁ ଉପହାର ଦେଇଛନ୍ତି । ସେ ଏହି ଦିନ ପାଇଁ ତାଙ୍କ ଫିଲ୍ମ 'ଲାପତା ଲେଡିଜ' ଟିକେଟ ଦାମର ସ୍ପେଶାଲ ଅଫର ରଖିଛନ୍ତି । ମହିଳା ଦିବସରେ ମାତ୍ର ୧୦୦ ଟଙ୍କାରେ ଦର୍ଶକ ଦେଖିପାରିବେ ଫିଲ୍ମ ।
କିରଣ ରାଓଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରଟି ଏକ କମେଡି-ଡ୍ରାମା ଚଳଚ୍ଚିତ୍ର ଯେଉଁଥିରେ ଗ୍ରାମାଞ୍ଚଳର କାହାଣୀ ପ୍ରଦର୍ଶିତ ହୋଇଛି, ଯାହା ଅତ୍ୟନ୍ତ ମଜାଳିଆ ଅଟେ । ରବି କିଶାନଙ୍କ ବ୍ୟତୀତ ନିତାଂଶି ଗୋୟଲ, ପ୍ରତୀଭା ରାଣ୍ଟା, ସ୍ପର୍ଶ ଶ୍ରୀବାସ୍ତବ ଏବଂ ଛାୟା କଦମ ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ମାର୍ଚ୍ଚ ୧ରେ ଫିଲ୍ମ ରିଲିଜ ହୋଇଥିବା ବେଳେ ଦର୍ଶକଙ୍କ ମନ ଜିତୁଛି ଫିଲ୍ମ । ବର୍ତ୍ତମାନ ଫିଲ୍ମ ରିଲିଜର ୬ଦିନ ମଧ୍ୟରେ ମୋଟ ୫.୪୫ କୋଟି ଆୟ କରିବାରେ ସକ୍ଷମ ହୋଇଛି ।
'ଲାପତା ଲେଡିଜ': ବକ୍ସ ଅଫିସ କଲେକ୍ସନ
- ମାର୍ଚ୍ଚ ୧, ପ୍ରଥମ ଦିନ- ୦.୭୫ କୋଟି
- ମାର୍ଚ୍ଚ ୨, ଦ୍ୱିତୀୟ ଦିନ- ୧.୪୫ କୋଟି
- ମାର୍ଚ୍ଚ ୩, ତୃତୀୟ ଦିନ- ୧.୭ କୋଟି
- ମାର୍ଚ୍ଚ ୪, ଚତୁର୍ଥ ଦିନ- ୦.୫ କୋଟି
- ମାର୍ଚ୍ଚ ୫, ପଞ୍ଚମ ଦିନ- ୦.୫୫ କୋଟି
- ମାର୍ଚ୍ଚ ୬, ଷଷ୍ଠ ଦିନ- ୦.୫୦ କୋଟି