ଆସୁଛି KBC ୧୬, ସୁଟିଂ ଆରମ୍ଭ କଲେ ବିଗ ବି - Amitabh Bachchan KBC 16

Amitabh Bachchan and Kaun Banega Crorepati 16: ଅମିତାଭ ବଚ୍ଚନ ପୁଣି ଥରେ ଛୋଟ ପରଦାକୁ କମବ୍ୟାକ କରିବାକୁ ଯାଉଛନ୍ତି । ଅଭିନେତା KBC ସିଜନ ୧୬ ସହ ଫେରୁଥିବା ବେଲେ ବର୍ତ୍ତମାନ ଏହାର ସୁଟିଂ ଆରମ୍ଭ କରିଛନ୍ତି । ସୋସିଆଲ ମିଡିଆରେ ସେଟରୁ ଫଟୋ ସେୟାର କରି ଏହା ସୂଚନା ଦେଇଛନ୍ତି ବିଗ ବି । ଅଧିକ ପଢନ୍ତୁ

ହାଇଦ୍ରାବାଦ:ବଲିଉଡ ମେଗାଷ୍ଟାର ଅମିତାଭ ବଚ୍ଚନ ପୁଣିଥରେ ତାଙ୍କର ଲୋକପ୍ରିୟ କୁଇଜ୍ ଶୋ' କୌନ ବନେଗା କରୋଡପତି ସହ ଫେରୁଛନ୍ତି । ବର୍ତ୍ତମାନ ଅମିତାଭ ବଚ୍ଚନ KBC ସିଜନ ୧୬ ପାଇଁ ସୁଟିଂ ଆରମ୍ଭ କରିଛନ୍ତି । ଗତକାଲି ରାତିରେ ବିଗ୍ ବି କେବିସି ୧୬ର ସେଟରୁ ତାଙ୍କର ଦୁଇଟି ଫଟୋ ସେୟାର କରିଛନ୍ତି । ଏହି ଫଟୋ ସେୟାର୍ କରି ବିଗ୍ ବି କ୍ୟାପସନରେ ଶୋ' ବିଷୟରେ ସୂଚନା ମଧ୍ୟ ଦେଇଛନ୍ତି ।

KBC ୧୬ ସୁଟିଂ ଆରମ୍ଭ କଲେ ବିଗ ବି

ପ୍ରଶଂସକଙ୍କ ସହ ଏକ୍ସରେ କେବିସିର ସୁଟିଂ ଆରମ୍ଭ ବିଷୟରେ ସୂଚନା ଦେଇ ଅମିତାଭ ବଚ୍ଚନ ଲେଖିଛନ୍ତି ଯେ ବ୍ୟାକ ଟୁ ସିଜନ ୧୬ ଅର୍ଥାତ୍ କେବିସି ୧୬ ଆରମ୍ଭ ହେବାକୁ ଯାଉଛି । ଅମିତାଭ ବଚ୍ଚନ ତାଙ୍କର ଦ୍ୱିତୀୟ ପୋଷ୍ଟରେ ସବୁଥର ଭଳି ଚାଲୁଥିବାର ନଜର ଆସିଛନ୍ତି । ଏହି ପୋଷ୍ଟରର କ୍ୟାପସନରେ ଅମିତାଭ ବଚ୍ଚନ ଲେଖିଛନ୍ତି, ହଁ, ମୁଁ ଫେରି ଆସୁଛି, କିନ୍ତୁ ଅନ୍ଦାଜ ସମାନ ପୁରୁଣା । ଦୌଡ଼ ଏବେବି ଚାଲିଛି । ଅମିତାଭ ବଚ୍ଚନଙ୍କ ଉଭୟ ପୋଷ୍ଟରେ ଲୋକମାନେ ନିଜର ଖୁସି ବ୍ୟକ୍ତ କରିଛନ୍ତି ।

ଉତ୍ସାହିତ ଫ୍ୟାନ୍ସ

ଅମିତାଭ ବଚ୍ଚନଙ୍କୁ ପୁଣି କେବିସିରେ ଦେଖି ଉତ୍ସାହିତ ଫ୍ୟାନ୍ସ । ବିଗ ବିଙ୍କ ପୋଷ୍ଟରେ ଫ୍ୟାନ୍ସ ପ୍ରତିକ୍ରିୟା ଦେଇଛନ୍ତି । ଜଣେ ପ୍ରଶଂସକ ଲେଖିଛନ୍ତି, 'ବହୁତ ଅଦ୍ଭୁତ ସାର୍' । ଅନ୍ୟ ଜଣେ ଲେଖିଛନ୍ତି, 'ସାର୍ ତୁମେ ନିଆଁ ଲଗାଇ ଦେଇଛ' । ଆଉ ଜଣେ ଲେଖିଛନ୍ତି, ଆମେ ବହୁତ ଉତ୍ସାହିତ ଅଛୁ । ଏହି ଶୋ’ରେ ଆପଣଙ୍କୁ ଦେଖିବା ଏକ ସମ୍ପୂର୍ଣ୍ଣ ଭିନ୍ନ ଅନୁଭୂତି ରହିଆସିଛି । ଭଗବାନ ଆପଣଙ୍କ ଉପରେ ଆଶୀର୍ବାଦ ରଖନ୍ତୁ ।

୨୪ ବର୍ଷ ପୂର୍ବେ ଆରମ୍ଭ ହୋଇଥିଲା KBC

୨୪ ବର୍ଷ ପୂର୍ବେ ଅମିତାଭ ବଚ୍ଚନଙ୍କ ସହ ଷ୍ଟାର୍ ପ୍ଲସରେ 'କୌନ ବାନେଗା କରୋଡପତି' ଆରମ୍ଭ ହୋଇଥିଲା । ଏହି ଶୋ’ହେଉଛି ପ୍ରସିଦ୍ଧ ଆମେରିକୀୟ ଶୋ’ର ଦେଶୀ ସଂସ୍କରଣ । ୨୦୦୧ ବର୍ଷ ପରେ, ଶୋ ୪ ବର୍ଷର ବିରତି ନେଇଥିଲା ଏବଂ ୨୦୦୫ ମସିହାରେ ପୁଣି ଥରେ ଏହି ଶୋ’ର ନୂଆ ସିଜନ ଷ୍ଟାର ଟିଭିରେ ପ୍ରସାରିତ ହୋଇଥିଲା । ଏହି ସମୟ ମଧ୍ୟରେ ଅମିତାଭ ବଚ୍ଚନଙ୍କ ସ୍ୱାସ୍ଥ୍ୟ ଖରାପ ହୋଇଯାଇଥିଲା ଏବଂ ସେ ପୁଣି ଥରେ ଶୋ’ରୁ ବିରତି ନେଇଥିଲେ ।

ଏହା ମଧ୍ୟ ପଢନ୍ତୁ:ବିଗ ବିଙ୍କ Ai ଜେନେରେଟେଡ ଭିଡିଓ ଭାଇରାଲ, ସୋସିଆଲ ମିଡିଆ ନେଇ କ୍ରିପ୍ଟିକ ପୋଷ୍ଟ କଲେ ଅଭିନେତା

ଶାହାରୁଖ ଖାନ ମଧ୍ୟ ହୋଷ୍ଟ କରିଛନ୍ତି

ଅମିତାଭ ବଚ୍ଚନଙ୍କ ଅନୁପସ୍ଥିତିରେ ଶାହାରୁଖ ଖାନଙ୍କୁ ବିଗ୍ ବିଙ୍କ ଶୋ' ହୋଷ୍ଟ କରିଥିଲେ । କିନ୍ତୁ ସେ ଏହି ଭୂମିକାକୁ ନ୍ୟାୟ ଦେଇପାରିନଥିଲେ। ଶାହାରୁଖଙ୍କ ପରେ, ତିନି ବର୍ଷର ବିରତି ନେବା ପରେ ଅମିତାଭ ବଚ୍ଚନ ସୋନି ଟିଭିରେ କେବିସି ସହିତ ପ୍ରତ୍ୟାବର୍ତ୍ତନ କରିଥିଲେ । କେବିସି ୧୬ ବିଷୟରେ କହିବାକୁ ଗଲେ, କେବିସି ସୋନି ଟିଭିରେ ଅଗଷ୍ଟ ୧୨ ୨୦୨୪ରୁ ଆରମ୍ଭ ହେବ ।

ବ୍ୟୁରୋ ରିପୋର୍ଟ, ଇଟିଭି ଭାରତ