ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତ୍ରୀ କରୀନା କପୁର ଖାନ, କ୍ରିତି ସାନନ ଏବଂ ତବୁ 'ଦ କ୍ରୁ' ସହ ଖୁବଶୀଘ୍ର ପରଦାକୁ ଫେରୁଛନ୍ତି । ନିକଟରେ ଫିଲ୍ମର ଗୀତ 'ଚୋଲି କେ ପିଛେ' ମୁକ୍ତିଲାଭ କରିଥିଲା । ଏହି ଗୀତକୁ ପଞ୍ଜାବୀ ଗାୟକ ଦିଲଜିତ ଦୋସଞ୍ଜ ନିଜ ଅନ୍ଦାଜରେ ଗାଇଥିବା ବେଳେ କରୀନା କପୁର ଡ୍ୟାନ୍ସ ଗୀତରେ ଚାର ଚାନ୍ଦ ଲଗାଇଛି । ତେବେ ଫିଲ୍ମ ରିଲିଜକୁ ନେଇ ଫ୍ୟାନ୍ସ ଅପେକ୍ଷା କରିଥିବା ବେଳେ ଏହା ପୂର୍ବରୁ ଅଭିନେତ୍ରୀ କରୀନା କପୁର ଫିଲ୍ମ ସେଟରୁ ସୋସିଆଲ ମିଡିଆରେ କିଛି ଫଟୋ ସେୟାର କରିଛନ୍ତି । ଯାହାକୁ କରୀନା BTS ଫଟୋ ଭାବେ ସେୟାର କରିଛନ୍ତି । ଫଟୋ ସେୟାର କରି ଅଭିନେତ୍ରୀ କ୍ୟାପସନରେ ଲେଖିଛନ୍ତି ଯେ 'ଇନ ମାଇ କ୍ୟାବିନ ଓ୍ବିଥ ମାଇ କ୍ରୁ' । ଫଟୋରେ କରୀନାଙ୍କୁ ଏୟାର ହଷ୍ଟେସ ରୂପରେ ଦେଖିବାକୁ ମିଳିଛି ।
କରୀନା ଫିଲ୍ମ 'କ୍ରୁ' ସେଟରୁ ବିଟିଏସ ଫଟୋର ଏକ ସିରିଜ ସେୟାର କରିଛନ୍ତି । ଏକ ଫଟୋ ସେ ତାଙ୍କର ମେକଅପର ମଧ୍ୟ ଝଲକ ଦେଖାଇଛନ୍ତି । ଏହି ଫଟୋକୁ ନେଇ ଫ୍ୟାନ୍ସ ଅନେକ କମେଣ୍ଟ ଦେଇଛନ୍ତି । ଜଣେ ଫ୍ୟାନ ଲେଖିଛନ୍ତି ଯେ, 'କ୍ରୁ ଫିଲ୍ମ ଦେଖିବାକୁ ଆଉ ଅପେକ୍ଷା କରିପାରିବି ନାହିଁ ।' ସେହିପରି ଅନ୍ୟପଟେ ଆଉ ଜଣେ ଲେଖିଛନ୍ତି ଯେ,'ବେବୋ ତୁମେ ଏୟାର ହଷ୍ଟେସ ୟୁନିଫର୍ମରେ ବହୁତ ଭଲ ଲାଗୁଛ ।'
ଏହା ମଧ୍ୟ ପଢନ୍ତୁ-'କ୍ରୁ' ନୂଆ ଗୀତ 'ଚୋଲି କେ ପିଛେ' ରିଲିଜ, ୯୦ ଦଶକର ଯାଦୁ ଦେଖାଇଲେ କରୀନା
ନିକଟରେ ଫିଲ୍ମର ଟ୍ରେଲର ରିଲିଜ ହୋଇଥିଲା । ଯାହା ସୋସିଆଲ ମିଡିଆରେ ବେଶ୍ ଟ୍ରେଣ୍ଡ କରିଥିଲା । ଫିଲ୍ମରେ ଅଭିନେତ୍ରୀ କରୀନା କପୁର ଖାନ, କ୍ରିତି ସାନନ ଏବଂ ତବୁ ଏୟାର ହଷ୍ଟେସ ଭୂମିକାରେ ନଜର ଆସିଛନ୍ତି । ଏହି ଫିଲ୍ମ ଗତ ୨୨ ତାରିଖରେ ରିଲିଜ ହେବାକୁ ଥିବା ବେଳେ ଏହା ବର୍ତ୍ତମନାନ ୨୯ ମାର୍ଚ୍ଚରେ ରିଲିଜ ହେବାକୁ ପ୍ରସ୍ତୁତ ଅଛି । ରାଜେଶ କୃଷ୍ଣନଙ୍କ ନିର୍ଦ୍ଦେଶିତ 'ଦ କ୍ରୁ' ରିୟା କପୁର ଏବଂ ଏକତା କପୁରଙ୍କ ପ୍ରଡକ୍ସନ ବ୍ୟାନରରେ ନିର୍ମିତ ହୋଇଛି । ଫିଲ୍ମର ସୁଟିଂ ମୁମ୍ବାଇ ଏବଂ ଆବୁଧାବିରେ କରାଯାଇଛି । କରୀନା କପୁର, ତବୁ ଏବଂ କ୍ରିତି ସାନନଙ୍କ ବ୍ୟତୀତ ଏଥିରେ କପିଲ ଶର୍ମା ମଧ୍ୟ କ୍ୟାମିଓ ରୋଲରେ ନଜର ଆସିବେ । ତେବେ କରୀନା, ତବ୍ବୁ ଏବଂ କ୍ରିତି ପ୍ରଥମ ଥର ପାଇଁ ଏକାଠି ସ୍କ୍ରିନ ସେୟାର କରିଥିବା ବେଳେ ଫିଲ୍ମ ଦେଖିବାକୁ ଉତ୍ସାହିତ ରହିଛନ୍ତି ଫ୍ୟାନ୍ସ ।
ଫିଲ୍ମର କାହାଣୀ ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ର ତିନି ଜଣ ମହିଳାଙ୍କ ଉପରେ ଆଧାରିତ, ଯେଉଁମାନେ ବିମାନରେ କ୍ରୁ ଭାବରେ କାର୍ଯ୍ୟ କରନ୍ତି । ତିନି ଜଣ ନିଜ ଜୀବନକୁ ଆଗକୁ ନେବାକୁ ଚେଷ୍ଟା କରି ଦିନରାତି ବ୍ୟସ୍ତ ରୁହନ୍ତି । ପରେ ତିନି ଜଣ ଗୋଟିଏ ଜାଲରେ ଫସି ଯାଆନ୍ତି । ଏହି ଜାଲ ଭିତରେ ପୁରା କାହାଣୀର ମୂଳ ଅଛି । ଫିଲ୍ମରେ କମେଡିର ତଡକା ମଧ୍ୟ ଲଗାଯାଇଥିବା ଜଣାପଡ଼ିଛି ।
