ହାଇଦ୍ରାବାଦ:ଗତ ବର୍ଷ (2023) ଶାହାରୁଖ ଖାନ 'ଜବାନ' ସହ ବକ୍ସ ଅଫିସରେ ଧମାକା କରିଥିଲା । ଏହି ଫିଲ୍ମକୁ ସାଉଥ ନିର୍ଦ୍ଦେଶକ ଅଟଲି ନିର୍ଦ୍ଦେଶନା ଦେଇଥିଲେ । ଏହି ଫିଲ୍ମ ସହ ଉଭୟ ପ୍ରଥମ ଥର ପାଇଁ ନଜର ଆସିଥିବା ବେଳେ ଫିଲ୍ମଟିକୁ ଲୋକେ ବେଶ ପସନ୍ଦ କରିଥିଲେ । ଏହା ପରେ ଫ୍ୟାନ୍ସ ଅଟଲି ଏବଂ ଶାହାରୁଖଙ୍କୁ ପୁଣି ଏକାଠି ଦେଖିବାକୁ ଚାହୁଁଥିବା ବେଳେ 'ଜବାନ ୨' ପାଇଁ ଉତ୍ସାହର ସହ ଅପେକ୍ଷା କରିଛନ୍ତି । ଏହାରି ମଧ୍ୟରେ ବର୍ତ୍ତମାନ ଅଟଲି 'ଜବାନ ୨' ନେଇ କଥାବାର୍ତ୍ତା କରିଛନ୍ତି ।
'ଜବାନ ୨' ନେଇ ଏହା କହିଲେ ଅଟଲି
ଗଣମାଧ୍ୟମ ସହ କଥାବାର୍ତ୍ତା କରିବା ବେଳେ ଅଟଲିଙ୍କୁ 'ଜବାନ ୨' ଆସିବା ନେଇ ପ୍ରଶ୍ନ ପଚରାଗଲା । ଏହାର ଉତ୍ତର ଦେଇ ଅଟଲି କହିଛନ୍ତି, ''ମୁଁ ଏ ବିଷୟରେ ଏବେ ନିଶ୍ଚିତ ନୁହଁ । କିନ୍ତୁ ଯଦି ମୁଁ କିଛି ଲେଖିବି ତେବେ ମୁଁ ସରପ୍ରାଇଜ ଦେବି । ପ୍ରତ୍ୟେକ ଚଳଚ୍ଚିତ୍ରର ଏକ ସିକ୍ୱେଲ ଆସିବାର ସୁଯୋଗ ଅଛି, କିନ୍ତୁ ମୁଁ ବିଭିନ୍ନ ବିଷୟବସ୍ତୁ ସହ ଦର୍ଶକଙ୍କୁ ସରପ୍ରାଇଜ କରିବାକୁ ଚାହେଁ । ଯଦି ଏମିତି ହୁଏ ତେବେ ନିଶ୍ଚୟ ମୁଁ 'ଜବାନ ୨' ସହ କମବ୍ୟାକ କରିବି ।
ଶାହାରୁଖଙ୍କ ପୁଣିଥରେ କାମ କରିବାକୁ ଚାହାଁନ୍ତି କି ?