ହାଇଦ୍ରାବାଦ:କରିନା କପୁର ଖାନ, କ୍ରିତି ସାନନ ଏବଂ ତବୁଙ୍କ ଫିଲ୍ମ 'ଦ କ୍ରୁ' ବହୁତ ସମୟରୁ ଚର୍ଚ୍ଚାରେ ରହିଛି । ତେବେ ପ୍ରଥମ ଥର ପାଇଁ ଏହି ତିନି ଅଭିନେତ୍ରୀଙ୍କୁ ଏକା ସାଙ୍ଗରେ ବଡ଼ ପରଦାରେ ଦେଖିବାକୁ ମିଳିବ । ଏହି ଫିଲ୍ମର ଘୋଷଣା ପରଠାରୁ ଫ୍ୟାନ୍ସମାନେ ଉତ୍ସାହର ସହିତ ଫିଲ୍ମକୁ ଅପେକ୍ଷା କରିଛନ୍ତି । ଏହି ଫିଲ୍ମରେ କରୀନା, ତବୁ ଏବଂ କ୍ରିତି ତିନିଜଣ ବଲିଉଡ ଅଭିନେତ୍ରୀ ଏୟାର ହଷ୍ଟେସ୍ ଭାବେ ନଜର ଆସିବେ । ନିକଟରେ ଫିଲ୍ମର ପ୍ରଥମ ଗୀତ 'ନେନା' ରିଲିଜ ହୋଇଥିବା ବେଳେ ବର୍ତ୍ତମାନ ଏହାର ଟ୍ରେଲର ରିଲିଜ ହୋଇଯାଇଛି । ଫିଲ୍ମଟି ଆସନ୍ତା ୨୯ ତାରିଖରେ ମୁକ୍ତିଲାଭ କରିବ ।
ଏହା ପୂର୍ବରୁ ମେକର୍ସ ତିନି ଅଭିନେତ୍ରୀଙ୍କ ଆଟ୍ରାକ୍ଟିଭ୍ ଲୁକର ପୋଷ୍ଟର ଲଞ୍ଚ କରିଥିଲେ । ଯାହାକୁ ଦର୍ଶକ ବେଶ ପସନ୍ଦ କରିଥିଲେ । ବର୍ତ୍ତମାନ ଫିଲ୍ମର ଟ୍ରେଲର ରିଲିଜ ହୋଇଛି ଆଉ ସେମାନଙ୍କ ଟ୍ୟାଗ୍ ଅନୁଯାୟୀ କରୀନା କପୁର 'ଚୋରି' କରିବାକୁ ପ୍ରସ୍ତୁତ, କ୍ରିତି 'ନକଲି' ଏବଂ ତବୁ 'ରିସ୍କ' ନେବାକୁ ପ୍ରସ୍ତୁତ ଅଛନ୍ତି । ତେବେ ଟ୍ରେଲର ଆସିବା ପରେ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ବୃଦ୍ଧି ପାଇଛି । ବର୍ତ୍ତମାନ ସେମାନେ ଉତ୍ସାହର ସହିତ ଫିଲ୍ମକୁ ଅପେକ୍ଷା କରିଛନ୍ତି । ଏହା ଏକ କମେଡି ଫିଲ୍ମ । ଯେଉଁଥିରେ ତବୁ, କରୀନା କପୁର ଖାନ ଏବଂ କ୍ରିତି ସାନନ ମଜାଦାର ଫ୍ୟାମିଲି କମେଡିରେ ପ୍ରଥମ ଥର ପାଇଁ ସ୍କ୍ରିନ ସେୟାର କରିଛନ୍ତି । ଟ୍ରେଲରଟି ଫିଲ୍ମ ପାଇଁ ଉତ୍ସାହ ବଢାଉଛି ।