ମୁମ୍ବାଇ: କାର୍ତ୍ତିକ ଆର୍ଯ୍ୟନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଚନ୍ଦୁ ଚାମ୍ପିଅନ' ଆସନ୍ତା ଜୁନ 14ରେ ରିଲିଜ ହେବାକୁ ଯାଉଛି । ଆଜି ଦୁବାଇର ବୁର୍ଜ ଖଲିଫାରେ ଆଡଭାନ୍ସ ବୁକିଂ ଆରମ୍ଭ କରିବା ନେଇ ମେସେଜ ଦେଇ ଇତିହାସ ରଚିଛି ଏହି ଫିଲ୍ମ । ଚନ୍ଦୁ ଚାମ୍ପିଅନକୁ ସାଜିଦ ନାଦିଆଡୱାଲା ଏବଂ କବୀର ଖାନ ମିଳିତ ଭାବରେ ପ୍ରସ୍ତୁତ କରିଛନ୍ତି । ଗତ ମେ 19 ତାରିଖ ଦିନ ଏହି ଫିଲ୍ମର ଟ୍ରେଲର ରିଲିଜ ହୋଇଥିଲା । ଫିଲ୍ମର ଟ୍ରେଲର ଦେଖି ଫ୍ୟାନ୍ସ ଏହାକୁ ବେଶ ପସନ୍ଦ କରିବା ସହ ଖୁବ ପ୍ରଶଂସା କରିଥିଲେ ଏବଂ ଫିଲ୍ମ ଦେଖିବାକୁ ଉତ୍ସାହର ସହ ଅପେକ୍ଷା କରିଛନ୍ତି ।
ବୁର୍ଜ ଖଲିଫାରେ ଚନ୍ଦୁ ଚାମ୍ପିଅନ
ବୁର୍ଜ ଖଲିଫାରେ ଏହି ଫିଲ୍ମର ଆଡଭାନ୍ସ ବୁକିଂ ପାଇଁ ମେସେଜ ଡିସପ୍ଲେ ହେବାର କାର୍ତ୍ତିକ ଆର୍ଯ୍ୟନ ଏହାର ଭିଡ଼ିଓ ସୋସିଆଲ ମିଡିଆରେ ସେୟାର କରିଛନ୍ତି । ଯେଉଁଥିରେ ସେ ଏବଂ କବୀର ଖାନ ବୁର୍ଜ ଖଲିଫା ସମ୍ମୁଖରେ ଠିଆ ହୋଇଛନ୍ତି ଏବଂ ବୁର୍ଜ ଖଲିଫାରେ 'ଚନ୍ଦୁ ଚାମ୍ପିଅନ'ର ଆଡଭାନ୍ସ ବୁକିଂ ଘୋଷଣା କରାଯାଉଥିବା ଦେଖିବାକୁ ମିଳିଛି । ତେବେ ଭିଡ଼ିଓ ସେୟାର କରି କାର୍ତ୍ତିକ କ୍ୟାପସନରେ ଲେଖିଛନ୍ତି "ଆଡଭାନ୍ସ ବୁକିଂଏବେ ଆରମ୍ଭ ହୋଇଛି, ଫିଲ୍ମ ପାଇଁ ଆଉ 5ଦିନ ବାକି ରହିଛି । ଏବେ ଆପଣ ଟିକେଟ୍ ବୁକ କରନ୍ତୁ । ଚନ୍ଦୁ ଚାମ୍ପିଅନ୍' ଜୁନ୍ 14, 2024ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।"