ହାଇଦ୍ରାବାଦ: ୟାମୀ ଗୌତମ ଅଭିନୀତ ଫିଲ୍ମ 'ଆର୍ଟିକିଲ ୩୭୦' ଫେବୃଆରୀ ୨୩ରେ ପ୍ରେକ୍ଷାଳୟରେ ରିଲିଜ ହୋଇଥିଲା । ଏହି ଦିନ ବିଦ୍ୟୁତ ଜାମୱାଲଙ୍କ ଫିଲ୍ମ 'କ୍ରାକ' ମଧ୍ୟ ରିଲିଜ ହୋଇଥିଲା । ତେବେ ଏହି ଦୁଇଟି ଫିଲ୍ମ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିବା ବେଳେ ବର୍ତ୍ତମାନ ଫିଲ୍ମ ଦଶମ ଦିନରେ ପହଞ୍ଚିଛି । ୧୦ମ ଦିନ ମଧ୍ୟରେ 'ଆର୍ଟିକିଲ ୩୭୦' ୫୦ କୋଟିରୁ ଅଧିକ କରିଥିବା ବେଳେ 'କ୍ରାକ' ୧୫ କୋଟି ଟଙ୍କା ମଧ୍ୟ ଆୟ କରିବାରେ ସକ୍ଷମ ହୋଇନାହିଁ ।
ଦର୍ଶକଙ୍କ ମନ ଜିତୁଛି ୟାମୀ ଗୌତମ ଅଭିନୀତ ଫିଲ୍ମ 'ଆର୍ଟିକିଲ ୩୭୦' । ଫିଲ୍ମ ବକ୍ସ ଅଫିସରେ ଭଲ ପ୍ରଦର୍ଶନ କରିବା ସହ ଭଲ ରୋଜଗାର ମଧ୍ୟ କରୁଛି । ସାକନିକଙ୍କ ରିପୋର୍ଟ ଅନୁସାରେ, ଏହି ଫିଲ୍ମ ୧୦ମ ଦିନ ୬.୭୫ କୋଟି ଆୟ କରିଥିବା ବେଳେ ଫିଲ୍ମର ମୋଟ କଲେକ୍ସନ ୫୦.୮୫ କୋଟି ହୋଇଛି । ସେପଟେ ଦର୍ଶକଙ୍କୁ ଆକୃଷ୍ଟ କରିବାରେ ବିଫଳ ହେଉଛି ବିଦ୍ୟୁତ ଜାମୱାଲଙ୍କ ଫିଲ୍ମ 'କ୍ରାକ' । ଏହି ଫିଲ୍ମ ୧୦ମ ଦିନରେ ମାତ୍ର 0.28 କୋଟି ଟଙ୍କା ଆୟ କରିଛି। ଏହି ଚଳଚ୍ଚିତ୍ରଟି ଏପର୍ଯ୍ୟନ୍ତ ଭାରତରେ ୧୩.୧୩ କୋଟି ଟଙ୍କା ଆୟ କରିଛି ।
ଆର୍ଟିକିଲ ୩୭୦: ବକ୍ସ ଅଫିସ କଲେକ୍ସନ
- ପ୍ରଥମ ଦିନ (ଫେବୃଆରୀ ୨୩) -୫.୯ କୋଟି
- ଦ୍ୱିତୀୟ ଦିନ (ଫେବୃଆରୀ ୨୪)-୭.୪ କୋଟି
- ତୃତୀୟ ଦିନ (ଫେବୃଆରୀ ୨୫)- ୯.୫୦ କୋଟି
- ୪ର୍ଥ ଦିନ (ଫେବୃଆରୀ ୨୬)- ୩.୨୫ କୋଟି
- ୫ମ ଦିନ (ଫେବୃଆରୀ ୨୭)- ୩.୩ କୋଟି
- ଷଷ୍ଠ ଦିନ (ଫେବୃଆରୀ ୨୮)- ୩.୧୫ କୋଟି
- ୭ମ ଦିନ (ଫେବୃଆରୀ ୨୯)- ୨.୮୫ କୋଟି
- ଅଷ୍ଟମ ଦିନ (ମାର୍ଚ୍ଚ ୧)- ୩ କୋଟି
- ନବମ ଦିନ (ମାର୍ଚ୍ଚ ୨)- ୫.୫ କୋଟି
- ଦଶମ ଦିନ (ମାର୍ଚ୍ଚ ୩)-୬.୭୫ କୋଟି
ଫିଲ୍ମର ମୋଟ କଲେକ୍ସନ ୫୦.୮୫ କୋଟିକୁ ବୃଦ୍ଧି ପାଇଛି