ଭୁବନେଶ୍ୱର:୫୦ ଦିନରେ ପହଞ୍ଚିଛି ସିନେମା 'କର୍ମ' । ଏବେ ବି ରାଜ୍ୟ ଓ ରାଜ୍ୟ ବାହାରେ ରାଜ୍ କରୁଛି ଏହି ଫିଲ୍ମ । ଅକ୍ଟୋବର ୯ ତାରିଖରେ ଦଶହରାରେ ଏହି ଫିଲ୍ମ ରିଲିଜ ହୋଇଥିବା ବେଳେ ବ୍ଲକବ୍ଲଷ୍ଟର ପ୍ରମାଣିତ ହୋଇଛି । ବର୍ତ୍ତମାନ ବି ଥିଏଟରରେ ଜଲୱା ଜାରି ରହିଥିବା ବେଳେ ହଲରେ ହାଉସଫୁଲରେ ଚାଲିଛି । ଏହି ପରିପ୍ରେକ୍ଷୀରେ ନିର୍ମାତା ଫିଲ୍ମର ସଫଳତାକୁ ସେଲିବ୍ରେଟ କରିଛନ୍ତି । ଯେଉଁଥିରେ ଫିଲ୍ମର ସମସ୍ତ ଷ୍ଟାରକାଷ୍ଟ ସାମିଲ ହୋଇ ଧୁମଧାମରେ ଏହାକୁ ସେଲିବ୍ରେଟ କରିଛନ୍ତି ।
ଓଡ଼ିଆ ଫିଲ୍ମ 'କର୍ମ'ର ସଫଳତା
ODIA FILM KARMA SUCCESS PARTY (ETV Bharat Odisha) 'କର୍ମ'ର ସଫଳତାକୁ ନେଇପ୍ରଯୋଜନା ସଂସ୍ଥା ଓ କଳାକାରମାନେ ଏକାଠି ହୋଇ ପୁଣି ଆଜି ହଲରେ ଛେନାପୋଡ଼ କାଟିବା ସାଙ୍ଗକୁ ଫିଲ୍ମର ସଫଳତାକୁ ସେଲିବ୍ରେଟ କରିଛନ୍ତି । ଏହା ସହ ମିଳିତ ହୋଇ ଆଜି ପୁଣି ସିନେମା ଦେଖିଛନ୍ତି । ତେବେ ଫିଲ୍ମରେ ଅନୁଭବଙ୍କ ଅଭିନୟ ଫ୍ୟାନ ମାନଙ୍କୁ ବିଶେଷ ଭଲ ଲାଗିଥିବା ବେଳେ ଅନୁପମ ପଟ୍ଟନାୟକଙ୍କ ନିର୍ଦ୍ଦେଶନାକୁ ପୂର୍ବରୁ ହିଁ ଦର୍ଶକ ଖୁବ ପ୍ରଶଂସା କରିଥିଲେ । ଯାହାର ଫଳ ସ୍ୱରୂପ ସିନେମା ହଲରେ ଆଜି ବି ରାଜ କରୁଛି 'କର୍ମ' ।
ଏହା ମଧ୍ୟ ପଢନ୍ତୁ:ଦଶହରାରେ କର୍ମର ଫଳକୁ ନେଇ ଆସୁଛି ଫିଲ୍ମ, ଟ୍ରେଣ୍ଡରେ 'ଚିରିଂ ଚିରିଂ' ଗୀତ
'କର୍ମ' କଲେକ୍ସନ
ଓଡିଆ ଇଣ୍ଡଷ୍ଟ୍ରିର ସବୁ ରେକର୍ଡ ଭାଙ୍ଗିଛି 'କର୍ମ' । ଫିଲ୍ମ ପ୍ରଥମ ଦିନରେ ରେକର୍ଡ କାଟି ୩୭ କୋଟି କମାଇଥିଲା ଓ ଗୋଟିଏ ପରେ ଗୋଟିଏ ରେକର୍ଡ କାଟିବାରେ ସକ୍ଷମ ହୋଇଥିଲେ । ଯାହାକି ଏପର୍ଯ୍ୟନ୍ତ ୭ କୋଟିରେ ପହଞ୍ଚିଛି ବୋଲି କହିଛନ୍ତି ପ୍ରଯୋଜକ ତଥା ନିର୍ଦ୍ଦେଶକ ଅନୁପମ ପଟ୍ଟନାୟକ ।
ଏହା ମଧ୍ୟ ପଢନ୍ତୁ:'କର୍ମ' ସହ ବଡ଼ ପରଦାରେ ଡେବ୍ୟୁ କରିବେ ମନ୍ମୟ ଦେ, ଏହି ଅଭିନେତ୍ରୀ ସହ ଲଗାଇବେ ରୋମାନ୍ସ ତଡକା
'କର୍ମ' ରେ ଏହି ତାରକା ଆସିଛନ୍ତି ନଜର
ଅନୁପମ ପଟ୍ଟନାୟକଙ୍କ ବ୍ୟାନରରେ ପ୍ରସ୍ତୁତ ନୂଆ ଚଳଚ୍ଚିତ୍ର 'କର୍ମ'ରେ ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ଅନୁପମ ପଟ୍ଟନାୟକ । କାର୍ଯ୍ୟକାରୀ ପ୍ରଯୋଜକ ଭାବେ ବର୍ଷା ପଟ୍ଟନାୟକ କାର୍ଯ୍ୟ କରୁଥିବା ବେଳେ ଫିଲ୍ମକୁ ଶବ୍ଦରେ ସଜେଇଛନ୍ତି ଲେଖକ ମାନସ ପଢ଼ିଆରୀ । ସଂଗୀତ ନିର୍ଦ୍ଦେଶନା ସହ କଣ୍ଠଶିଳ୍ପୀ ରହିଛନ୍ତି ଆଶିଷ ପ୍ରଧାନ । ଫିଲ୍ମରେ ସୁପରଷ୍ଟାର ଅନୁଭବ ମହାନ୍ତି ମୁଖ୍ୟ ଚରିତ୍ରରେ ନଜର ଆସିଥିବା ବେଳେ ତାଙ୍କ ବିପକ୍ଷରେ ଅଭିନେତ୍ରୀ ସୂର୍ଯ୍ୟମୟୀ ମହାପାତ୍ର ନଜର ଆସିଛନ୍ତି । ଏହି ଫିଲ୍ମରେ ପ୍ରଥମ ଥର ପାଇଁ ଅନୁଭବ ଓ ସୂର୍ଯ୍ୟମୟୀଙ୍କ ଯୋଡି ରୋମାନ୍ସ କରୁଥିବା ଦେଖିବାକୁ ମିଳିଛି । ଅନ୍ୟ ଭୂମିକାରେ ଅଭିନେତ୍ରୀ ଦିବ୍ୟା ଚୌଧୁରୀ, ଜୟ ପ୍ରକାଶ, ନିଶାନ୍ତ ମଜିଠିଆ ଉଦିତ ଗୁରୁ ରହିଥିବା ବେଳେ ସନୋଜ ଓ ମନ୍ମୟ ଦେ ଏହି ଫିଲ୍ମ ସହ ଡେବ୍ୟୁ କରିଛନ୍ତି ।
ଇଟିଭି ଭାରତ, ଭୁବନେଶ୍ୱର
