ହାଇଦ୍ରାବାଦ:ବଲିଉଡ ପାୱାରପ୍ୟାକ୍ ଦମ୍ପତି ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ଗତ କିଛି ଦିନ ହେବ ନିଜ ଛାଡପତ୍ରକୁ ନେଇ ଚର୍ଚ୍ଚାରେ ରହିଛନ୍ତି । ଏହି ଚର୍ଚ୍ଚା ଉପରେ ଦୁହେଁ ପ୍ରତିକ୍ରିୟା ଦେଇନାହାନ୍ତି । କିନ୍ତୁ ନିକଟରେ ଏହି ଦମ୍ପତି ଏକ ଇଭେଣ୍ଟରେ ଯୋଗ ଦେଇ ଅନେକ ସେଲଫି ନେଇଥିଲେ । ଫଟୋ ସାମ୍ନାକୁ ଆସିବା ପରେ ସେମାନଙ୍କ ଛାଡପତ୍ର ଚର୍ଚ୍ଚା ଉପରେ ପୂର୍ଣ୍ଣଚ୍ଛେଦ ପଡିଥିଲା । ହେଲେ ବର୍ତ୍ତମାନ ଅଭିଷେକ ବଚ୍ଚନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ସେ ତାଙ୍କର ଦ୍ୱିତୀୟ ସନ୍ତାନ ବିଷୟରେ ଖୋଲାଖୋଲି ଭାବେ କଥାବାର୍ତ୍ତା କରୁଥିବା ଦେଖିବାକୁ ମିଳିଛି।
ବେବି ପ୍ଲାନିଂ ନେଇ ଏହା କହିଲେ ଅଭିଷେକ
ନିକଟରେ ଅଭିଷେକ ବଚ୍ଚନ ରିତେଶ ଦେଶମୁଖଙ୍କ ଚାଟ୍ ସୋ’ରେ ଅତିଥି ଭାବରେ ଯୋଗ ଦେଇଥିଲେ। ଏହି ସମୟରେ ରିତେଶ ଐଶ୍ୱର୍ଯ୍ୟା ରାୟଙ୍କ ନାମ ଯୋଡି ଦ୍ୱିତୀୟ ସନ୍ତାନ ଜନ୍ମ ନେଇ ଥଟ୍ଟା କରିଥିଲେ। ରିତେଶ ଅଭିଷେକଙ୍କୁ ପଚାରିଥିଲେ, 'ଅମିତାଭ ଜୀ, ଐଶ୍ୱର୍ଯ୍ୟା, ଆରାଧ୍ୟା, ଏବଂ ତୁମେ ଅଭିଷେକ। ସମସ୍ତେ 'A' ଅକ୍ଷରରୁ ଆରମ୍ଭ । ତେବେ ଜୟା ମାଉସୀ ଏବଂ ଶ୍ୱେତା କ’ଣ କଲେ? ଅଭିଷେକ ଏହା ଦେଖି ହସନ୍ତି ଏବଂ ଉତ୍ତର ଦିଅନ୍ତି, 'ତୁମେ ତାଙ୍କୁ ଏ ବିଷୟରେ ପଚାରିବାକୁ ପଡ଼ିବ । କିନ୍ତୁ ମୁଁ ଭାବୁଛି ଏହା ଆମ ଘରେ ଏକ ପରମ୍ପରା ପାଲଟିଛି । ଅଭିଷେକ, ଆରାଧ୍ୟା ।
ଲାଜେଇ ଗଲେ ଅଭିଷେକ