ନୂଆଦିଲ୍ଲୀ: ହାଣ୍ଡିଶାଳକୁ ପଡିଛି ମହଙ୍ଗାମାଡ । ଲୋକଙ୍କ ଖାଇବା ଥାଳିରେ କମିଛି ଖାଦ୍ୟର ପରିମାଣ ଆଉ ବଢିଛି ଦରଦାମ୍ । ଏପରି କିଛି ତଥ୍ୟ ସାମନାକୁ ଆସିଛି CRISIL MI&A ରିସର୍ଚ୍ଚର ରିପୋର୍ଟରୁ । ଗତ ୨୦୨୩ର ଜାନୁଆରୀ ମାସ ତୁଳନାରେ ଏବର୍ଷର ଜାନୁଆରୀ ମାସରେ ଗ୍ରାହକଙ୍କ ପକେଟରୁ ଯାଇଛି ଅଧିକ ଟଙ୍କା । ତେବେ ରିପୋର୍ଟ ଅନୁସାରେ ଏବର୍ଷ ଜାନୁଆରୀରେ ଦେଶର ଅଣ ଶାକାହାରୀମାନଙ୍କ ଅପେକ୍ଷା ଶାକାହାରୀମାନଙ୍କ ମାସିକ ଖାଦ୍ୟ ପ୍ଲେଟ୍ ମୂଲ୍ୟ ପିଛା ଖର୍ଚ୍ଚ ବୃଦ୍ଧି ଘଟିଛି । ଘରେ ତିଆରି ଭେଜ୍ ଥାଳିର ମୂଲ୍ୟ ୫ ପ୍ରତିଶତ ବୃଦ୍ଧି ଘଟିଥିବା ବେଳେ ନନ ଭେଜ ଥାଳିର ମୂଲ୍ୟ ୧୩ ପ୍ରତିଶତ ହ୍ରାସ ପାଇଛି ।
ଭେଜ ଥାଳିର ମୂଲ୍ୟ ବୃଦ୍ଧି ପଛରେ ପିଆଜ, ଟମାଟୋ ଆଦି ସାମଗ୍ରୀର ଦରବୃଦ୍ଧିକୁ ଦର୍ଶାଯାଇଛି । ପିଆଜ ଏବଂ ଟମାଟୋ ମୂଲ୍ୟରେ ଯଥାକ୍ରମେ 35% ଏବଂ 20% ବୃଦ୍ଧି ହେତୁ ଭେଜ୍ ଥାଲିର ମୂଲ୍ୟ ବୃଦ୍ଧି ପାଇଛି । ଚାଉଳର ମୂଲ୍ୟ (ଭେଜ୍ ଥାଲି ମୂଲ୍ୟର 12%) ଏବଂ ଡାଲି (9%) ମଧ୍ୟ ଯଥାକ୍ରମେ 14% ଏବଂ 21% ବୃଦ୍ଧି ପାଇଛି । ସୂଚନା ମୁତାବକ, କେନ୍ଦ୍ର ସରକାର କିଛି ଦିନ ପୂର୍ବରୁ ଚାଉଳ କାରବାରର ଡିଲର, ବିତରକ, ଖୁଚୁରା ବ୍ୟବସାୟୀ ଏବଂ ଅନ୍ୟ ହିତାଧିକାରୀଙ୍କୁ ସାପ୍ତାହିକ ଚାଉଳ /ଧାନର ଷ୍ଟକ୍ ପ୍ରକାଶ କରିବାକୁ କହିଥିଲେ, ଯାହା ଦ୍ବାରା ସରକାର ଭାରତୀୟ ପରିବାରରେ ବ୍ୟବହୃତ ଶସ୍ୟର ମୂଲ୍ୟ ବୃଦ୍ଧି ଉପରେ ଅଙ୍କୁଶ ଲଗାଇ ପାରିବେ ।
ଏହା ମଧ୍ୟ ପଢନ୍ତୁ ...ସୁରଜକୁଣ୍ଡ ହସ୍ତଶିଳ୍ପ ମେଳାରେ ବଢୁଛି ସିଲ୍କ ଶାଢୀର ଚାହିଦା; ଗ୍ରାହକଙ୍କ ମଧ୍ୟରେ ରାଷ୍ଟ୍ରପତି