ମେଷ:ତୁଳା ରାଶିରେ ରବିଙ୍କ ଚଳନ ପରେ ମେଷ ରାଶିର ବ୍ୟକ୍ତି ବିଶେଷଙ୍କ ପାଇଁ ଚଳିତ ମାସ ଏତେଟା ଭଲ ରହିବ ନାହିଁ । ଯାତାୟତରେ ଅସୁବିଧାର ସମ୍ମୁଖୀନ ହେବା ସହ ପ୍ରିୟ ଲୋକଙ୍କ ସହ ମନମାଳିନ୍ୟ ହୋଇପାରେ । ତେଣୁ ଜୀବନସାଥୀଙ୍କ ସହ ଏହି ସମୟରେ ଏକାନ୍ତରେ କଥା ହେବା ଆବଶ୍ୟକ ରହିଛି । ବହୁତ ଖର୍ଚ୍ଚାନ୍ତ ହୋଇପାରନ୍ତି । ତେଣୁ ଏହା ଉପରେ ବିଶେଷ ଧ୍ୟାନ ଦେବା ଆବଶ୍ୟକ । ଚଳିତ ମାସରେ କୌଣସି ଏକ ସ୍ଥାନକୁ ଭ୍ରମଣରେ ଯିବା ସମ୍ଭାବନା ଅଛି ।
ଉପଚାର: ସୂର୍ଯ୍ୟ ଦେବତାଙ୍କୁ କୁଙ୍କୁମ ମିଶ୍ରିତ ଜଳ ଅର୍ପଣ କରନ୍ତୁ ।
ବୃଷ: ରବି ତୁଳା ରାଶିରେ ଚଳନ କରିବାରୁ ବୃଷ ରାଶିର ବ୍ୟକ୍ତି ବିଶେଷ ଅତ୍ୟନ୍ତ ଲାଭବାନ ହେବେ । ଶତ୍ରୁଙ୍କ ସଂଖ୍ୟା କମିଯିବ । କର୍ମ କ୍ଷେତ୍ରରେ ପ୍ରଶଂସିତ ହେବେ । ସ୍ୱାସ୍ଥ୍ୟାବସ୍ଥା ମଧ୍ୟ ଭଲ ରହିବ । ଯଦି କୌଣସି ରୋଗରେ ପୀଡିତ ଥାଆନ୍ତି ତେବେ ଆରୋଗ୍ୟ ହେବା ସମ୍ଭାବନା ଅଛି ।
ଉପଚାର: ପ୍ରତିଦିନ ଗାୟତ୍ରୀ ଚାଳିଶା ପାଠ କରନ୍ତୁ ।
ମିଥୁନ: ତୁଳା ରାଶିରେ ରବିଙ୍କ ଚଳନ ହେତୁ ମିଥୁନ ରାଶିର ବ୍ୟକ୍ତି ବିଶେଷଙ୍କ ପାଇଁ ମାସଟି ଭଲ ରହିବ । ବିଦ୍ୟାର୍ଥୀ ମାନେ ଲାଭବାନ ହେବେ । ଉଚ୍ଚଶିକ୍ଷା ଅଧ୍ୟୟନରେ ସଫଳତା ପାଇବେ । ଘର ପାଇଁ କିମ୍ବା କାରର ସାଜସଜ୍ଜା ପାଇଁ କିଛି ଜିନିଷ କିଣିବାର ସମ୍ଭାବନା ଅଛି । ଚଳିତ ମାସଟି ଏହି ରାଶିର ଲୋକଙ୍କ ପାଇଁ ଖୁସି ଖବର ଆଣିବାର ସମ୍ଭାବନା ରହିଛି ।
ଉପଚାର: ଆଦିତ୍ୟ ହୃଦୟ ସ୍ତୋତ୍ର ଜପ କରିବା ଦ୍ଵାରା ଆପଣ ଲାଭବାନ ହେବେ ।
କର୍କଟ: ରବିଙ୍କର ତୁଳା ରାଶିକୁ ଚଳନ ହେଉଥିବାରୁ ଏହି ସମୟ କର୍କଟ ରାଶିର ଲୋକଙ୍କ ପାଇଁ ସାମାନ୍ୟ ଅସୁବିଧାଜନକ ହୋଇପାରେ । ଚାକିରିରେ ପରିବର୍ତ୍ତନ ହେବାର ସମ୍ଭାବନା ରହିଛି । ଏହି ରାଶିର ବ୍ୟକ୍ତି ବିଶେଷ ସେମାନଙ୍କ ମାଆଙ୍କ ସ୍ବାସ୍ଥ୍ୟ ଉପରେ ଅଧିକ ଗୁରୁତ୍ବ ଦେବା ଆବଶ୍ୟକ । ଚଳିତ ମାସଟି ଏତେ ଭଲରେ କଟିବ ନାହିଁ । ଆଶା କରି ନଥିବା ଆର୍ଥିକ ଲାଭ ପାଇବାର ସମ୍ଭାବନା ଅଛି ।
ଉପଚାର: ସୂର୍ଯ୍ୟାଷ୍ଟକମ ଜପ କରିବା ଆପଣଙ୍କ ପାଇଁ ମଙ୍ଗଳକାରୀ ଓ ଲାଭଦାୟକ ହେବ ।
ସିଂହ: ଆଜିଠାରୁ ରବି ତୁଳା ରାଶିରେ ପ୍ରବେଶ କରିଛନ୍ତି । ଏହି ସମୟରେ ଏହି ବ୍ୟକ୍ତି ବିଶେଷଙ୍କ ଭାଗ୍ୟ ଚମକିବ । ଆପଣ ନିଜ ପରିବାର ସଦସ୍ୟମାନଙ୍କର ସହଯୋଗ ପାଇବେ । ଭ୍ରମଣ କରିବା ସମୟରେ ସାବଧାନ ରୁହନ୍ତୁ । ଆତ୍ମବିଶ୍ଵାସ ବୃଦ୍ଧି ପାଇବ । କୌଣସି ଏକ ସ୍ଥାନକୁ ଭ୍ରମଣରେ ଯିବାର ସମ୍ଭାବନା ଅଛି,ଏହି ସମୟରେ ସତର୍କ ରହିବା ଆବଶ୍ୟକ । ବ୍ୟବସାୟରେ ଉନ୍ନତି ହେବ ।
ଉପଚାର: ଗୋଟିଏ ମାଳ ଗାୟତ୍ରୀ ମନ୍ତ୍ର ଜପ କରନ୍ତୁ ।
କନ୍ୟା:ତୁଳା ରାଶିରେ ରବିଙ୍କର ଚଳନ ହେତୁ କନ୍ୟା ରାଶିର ବ୍ୟକ୍ତି ବିଶେଷ ଲାଭବାନ ହେବେ । ପରିବାର ସହିତ ବାହାରକୁ ଯିବା ପାଇଁ ଯୋଜନା କରିପାରନ୍ତି । ବହୁ ଦିନରୁ ପଡ଼ି ରହିଥିବା ଏକ କାମ ସମ୍ପୂର୍ଣ୍ଣ ହେବାର ସମ୍ଭାବନା ଅଛି ।
ଉପଚାର: ପ୍ରତିଦିନ ସୂର୍ଯ୍ୟ ଦେବତାଙ୍କୁ ଜଳ ଅର୍ପଣ କରନ୍ତୁ ।